gunna mAmiDI kommamIda - గున్నమామిడీ కొమ్మమీద

చిత్రం : బాలమిత్రుల కథ (1973)
రచన : డా॥సి.నారాయణరెడ్డి
సంగీతం : సత్యం
గానం : ఎస్.జానకి

పల్లవి :
గున్నమామిడీ కొమ్మమీద గూళ్లు రెండుండేవి
గున్నమామిడీ కొమ్మమీద గూళ్లు రెండుండేవి
ఒక గూటిలోన చిలకుండేది
ఒక గూటిలోన కోయిలుండేది ॥

చరణం : 1
తీగలాగ అల్లిన చెలిమి
తెగుతుందని దిగులుపడి
కొమ్మవిడిన ఆ జంట కొత్తగూడు చేరింది ॥
ఒక్కనాడు రామచిలక ఉక్కుడేగ నీడకు జడిసి
కోయిలతో చెప్పలేక గూడు విడిచిపోయింది
జోడు చెదిరిపోయింది ॥

చరణం : 2
చిన్ని చిలక ఏదనీ కన్నతల్లి అడిగితే
కోయిలేమి బదులిస్తుంది
కుమిలి కుమిలి ఏడుస్తుంది ॥చిలక॥

కోనకోనలో తిరిగీ కొమ్మ కొమ్మను అడిగీ
కొదమ చిలక కనరాకుంటే
కోయిలగతి ఏమవుతుంది
గుండె పగిలి చస్తుంది

kaDavettukochchindi - కడవెత్తుకొచ్చింది

చిత్రం : ప్రేమనగర్ (1971)
రచన : ఆచార్య ఆత్రేయ
సంగీతం : కె .వి.మహదేవన్
గానం : ఘంటసాల, పి.సుశీల

పల్లవి :
కడవెత్తుకొచ్చింది... కన్నెపిల్ల...
అది కనబడితే చాలు నా గుండె గుల్ల ॥
కాడెత్తుకొచ్చాడూ... గడుసు పిల్లడు...
వాడు కనబడితే చాలు నాకొళ్ళు తెలవదు ॥
చరణం : 1
పిక్కల పైదాకా చుక్కల చీరగట్టి (2)
పిడికిలంత నడుము చుట్టు పైటకొంగు బిగగట్టి
వెళుతుంటే చూడాలి...
వెళుతుంటే చూడాలి దాని నడక
అబ్బో ఎర్రెత్తి పోవాలి దాని ఎనక ॥

చరణం : 2
చురకత్తి మీసాలు జుట్టంతా ఉంగరాలు (2)
బిరుసైన కండరాలు... (2)
మెరిసేటి కళ్లడాలు వస్తుంటే చూడాలి
వస్తుంటే చూడాలి వాడి సోకు
వాడు వద్దంటే ఎందుకీ పాడు బతుకు ॥

చరణం : 3
తలపాగ బాగచుట్టి ములుకోల చేతబట్టి
అరకదిమి పట్టుకొని మెరక చేనులోవాడు ॥
దున్నుతుంటే చూడాలి
దున్నుతుంటే చూడాలి వాడి జోరు
వాడు తోడుంటే తీరుతుంది వయసు పోరు ॥

చరణం : 4
నీలాటి రేవులోన నీళ్లకడవముంచుతూ
ఒంగింది చిన్నదీ ఒంపులన్నీ ఉన్నదీ॥
చూస్తుంటే చాలు దాని సోకుమాడా
పడి చస్తాను వస్తనంటె కాళ్లకాడ ॥॥

nelava~nka tongi chUsindi - నెలవంక తొంగి చూసింది

చిత్రం : రాజకోట రహస్యం (1971)
రచన : డా॥సి.నారాయణరెడ్డి
సంగీతం : విజయా కృష్ణమూర్తి
గానం : ఘంటసాల, పి.సుశీల

పల్లవి :
నెలవంక తొంగి చూసింది
చలిగాలి మేను సోకింది
మనసైన చెలువ కనులందు నిలువ
తనువెల్ల పొంగి పూచింది
నెలవంక తొంగి చూసింది
చలిగాలి మేను సోకింది
చిరునవ్వులొలుక చెలికాడు పలుక
నిలువెల్ల వెల్లి విరిసింది
నెలవంక తొంగి చూసింది

చరణం : 1
ఏ జన్మలోని వరమో ఈ జన్మలోన దొరికె (2)
ఏ పూలనోము ఫలమో నీ రూపమందు నిలిచె
సుడిగాలులైన జడివానలైన
విడిపోని బంధమే వెలసె ॥

చరణం : 2
ఆనాటి వలపు పాట ఈనాటి బ్రతుకు బాట ఆనాటి వలపు పాట ఈనాటి బ్రతుకు బాట
ఆనాటి కలవరింత ఈనాటి కౌగిలింత
ఏనాటి కైన ఏ చోటనైన
విడిపోనిదోయి మన జంట ॥