రచన : ఆచార్య ఆత్రేయ(Acharya AtrEya)
సంగీతం : కె.వి.మహదేవన్(K.V.mahadevan)
గానం : ఘంటసాల(ghanTasAla)
పల్లవి :
ఎవరికోసం... ఎవరికోసం...ఈ ప్రేమ మందిరం
ఈ శూన్యనందనం
ఈ భ గ్న హృదయం ఈ అగ్నిగుండం
ఎవరికోసం... ఎవరికోసం... (2)
చరణం : 1
ప్రేమభిక్ష నువ్వే పెట్టి
ఈ పేద హృదయం పగులగొట్టి
పిచ్చివాణ్ణి పాత్రలేని
బిచ్చగాణ్ణి చేశావు
నువ్వివ్వనిదీ దాచలేను
ఇంకెవ్వరినీ అడుగలేను
బ్రతుకు నీకు ఇచ్చాను
చితిని నాకు పేర్చావు॥
చరణం : 2
ఓర్వలేని ఈ ప్రకృతి
ప్రళయంగా మారనీ
నా దేవి లేని ఈ కోవెల
తునాతునకలైపోనీ
కూలిపోయి ధూళిలో కలసిపోనీ
కాలిపోయి బూడిదే మిగలనీ॥
చరణం : 3
మమత నింపమన్నాను
మనసు చంపుకొన్నావు
మధువు తాగనన్నాను
విషం తాగమన్నావు
నీకు ప్రేమంటే నిజం కాదు
నాకు చావంటే భయం లేదు
నీ విరహంలో బ్రతికాను
ఈ విషంతో మరణిస్తాను...
మరణిస్తాను...