urumulu nI muvvalai - ఉరుములు నీ మువ్వలై

పల్లవి :
ఉరుములు నీ మువ్వలై మెరుపులు నీ నవ్వులై
తొలకరి మేఘానివై రా అలివేణి
పరుగులు నీ గానమై తరగలు నీ తాళమై
చిలిపిగ చిందాడవే కిన్నెరసాని
కాలానికే కాలాడక ఆగాలి నువ్వు ఆడే వేళ
అది చూడగా మనసాగక ఆడాలి నీతో నింగినేల
తకథిమి తాళాలపై తళుకుల తరంగమై
చిలిపిగ చిందాడవే కిన్నెరసాని
మెలికల మందాకిని కులుకుల బృందావని
కనులకు విందీయవే ఆ అందాన్ని

చరణం : 1
చంద్రుళ్లో కుందేలే మా ఇంట ఉందంటూ
మురిసింది ఈ ముంగిలి
చిందాడే కిర ణంలా మా ముందు నువ్వుంటే
ప్రతిపూట దీపావళి
మా కళ్లల్లో వెలిగించవే సిరివెన్నెల...
మా ఆశలే నీ అందెలై
ఈ మంచు మౌనం మోగే వేళ
ఆ సందడే ఆనందమై
ప్రేమించు ప్రాణం పాడే వేళ ॥
తొలకరి మేఘానివై రా కళ్యాణి
॥

చరణం : 2
నడియాడే నీ పాదం నటవేదమేనంటూ
ఈ పుడమే పులకించగా
నీ పెదవి తనకోసం మనువైన కొలువంటూ
సంగీతం నినుచేరగా
మా గుండెనే శ్రుతి చేయవా నీ వీణలా
ఈ గాలిలో నీ కేళితో రాగాలు ఎన్నో వేగే వేళ
నీ మేనిలో హరివిల్లులే వర్ణాలవాగై సాగే వేళ
॥

చిత్రం : చంద్రలేఖ (1998)
రచన : సిరివెన్నెల
సంగీతం : సందీప్ చౌతా
గానం : రాజేష్, సుజాత