nAgamallivO tIgamallivO - నాగమల్లివో తీగమల్లివో

పల్లవి : నాగమల్లివో తీగమల్లివో
నీవే రాజకుమారి (2)
నవ్వులో యవ్వనం పువ్వులై విరియగా
ఏదీ ఇంకొకసారి నవ్వవె చంద్రచకోరి
నాగమల్లినో తీగమల్లినో
నీదే రాజకుమారి (2)
రాకతో జీవనం రాగమై పలుకగా
ఏదీ ఇంకొకసారి
ముద్దుల మోహన మురళి


చరణం : 1
వీణల్లే పాడు జాణల్లే ఆడు రసధునివై
నీవు నాలోన ఊగాలి రాగడోల
నీలో నాదాలు ఎన్నో విన్నాను
పరువపు వేణువులీవేళ
నువ్వే నా రాసలీల
మేను వేణువై నిలువరించగా
అణిగిన అందెల సందడిలో
ఆ... రాకతో జీవనం రాగమై పలుకగా
ఏదీ ఇంకొకసారి
ముద్దుల మోహన మురళి


చరణం : 2
నువ్వే నా ఈడు నవ్వే నాతోడు కలిసిన
కాపురమీవేళ కావాలి నవ్య హేల
నీలో అందాలు ఎన్నో గ్రంథాలు
చదివినవాడను ఈ వేళ
నువ్వే నా కావ్యమాల
పువ్వు పువ్వునా పులకరింతలే
కురిసెను మన చిరునవ్వులలో
నీవే రాజకుమారి... నీదే రాజకుమారి నీవే రాజకుమారి... నీదే రాజకుమారి

చిత్రం : నాగమల్లి (1980)
రచన : వేటూరి
సంగీతం : రాజన్-నాగేంద్ర
గానం : ఎస్.పి.బాలు, పి.సుశీల