EDUCATION AND ENTERTAINMENT

చిత్రం : కలసిన మనసులు (1968)
రచన : ఆచార్య ఆత్రేయ
సంగీతం : మాస్టర్ వేణు
గానం : ఎం.ఎస్.రాజేశ్వరి

పల్లవి :
అమ్మవంటిది అంత మంచిది అమ్మ ఒక్కటే
అయ్యై జే జైనా అమ్మ పిమ్మటే ॥అమ్మ॥

చరణం : 1
బొజ్జలోని పాపాయి పొరలి పొరలి తన్నినా
పొంగిపోవు కడుపు తీపి అమ్మది
కుసిలి కుసిలి పాలకై గుండెమీద గుద్దినా
మురిసిపోవు వెన్న మనసు అమ్మది ॥అమ్మ॥

చరణం : 2
గోరుముద్ద తినిపిస్తూ కొండంతగ పెరగాలని
నిండుగ నూరేళ్ళు ఉండాలని కోరుతుంది (2)
లాలాబోసి నీళ్లు చుట్టి రామరక్ష అంటుంది
ఆ రామునికి అమ్మకంటే రక్ష ఏమి ఉన్నదీ? ॥అమ్మ॥

చరణం : 3
అమ్మ ఉంటే లేనిదేమీ లేనేలేదు
అమ్మ లేక ఏమి ఉన్నా ఉన్నది కాదు
అమ్మంటే త్యాగము అమ్మే ఒక యోగము
అమ్మంటే సత్యము అమ్మే సర్వస్వము

08 May - మదర్స్ డే సందర్భంగా