EDUCATION AND ENTERTAINMENT

చిత్రం : బంగారుబొమ్మలు (1977)
రచన : ఆచార్య ఆత్రేయ
సంగీతం : కె.వి.మహదేవన్
గానం : ఎస్.పి.బాలు, పి.సుశీల


పల్లవి :
నేనీదరిని నువ్వా దరినీ
కృష్ణమ్మ కలిపింది ఇద్దరినీ
మనమంటే తనకెంతో ముద్దని
కృష్ణమ్మ కలిపింది ఇద్దరినీ... ఈ... ఈ...॥

చరణం : 1
కనకదుర్గ కనుసన్నలలో
గలగల పారే తన ఒడిలో (2)
మన పడవలు రెండూ పయనించాలని
బ్రతుకులు నిండుగ పండించాలని
కలిపింది ఇద్దరినీ...
కృష్ణమ్మ కలిపింది ఇద్దరినీ ॥

చరణం : 2
నీ కురుల నలుపులో... నీ కనుల మెరుపులో...
అలలై... కలలై... అలలై కలలై తానే వెలిసింది
నీ లేత మనసులో... నీ దోర వయసులో...
వరదై... వలపై... వరదై వలపై తానే ఉరికిందీ
చిరుగాలుల తుంపరగా...
చిరునవ్వుల సంపదగా...॥॥॥

చరణం : 3
పంట పొలాల్లో పచ్చదనంగా
పైరగాలిలో చల్లదనంగా ॥
పల్లెపదంలో తీయదనంగా
చిరంజీవులై జీవించాలని
కలిపింది ఇద్దరినీ...
కృష్ణమ్మ కలిపింది ఇద్దరినీ॥

07 May - ఆచార్య ఆత్రేయ జయంతి