EDUCATION AND ENTERTAINMENT

చిత్రం : భైరవద్వీపం (1994)
రచన : సిరివెన్నెల
సంగీతం : మాధవపెద్ది సురేష్
గానం : ఎస్.పి.బాలు, కె.ఎస్.చిత్ర

పల్లవి :
ఘాటైన ప్రేమఘటన ధీటైన మేటి నటన
అందంగా అమరిందిలే
ఇక ఆనందం మిగిలిందిలే
నిజమెరుగవే పసిచిలుక
ఘాటైన ప్రేమఘటన ధీటైన మేటి నటన
ఆనందం చిందించెలే...
నా అందం నీ వశమాయెలే
తెరమరుగిక తొలగునులే

చరణం : 1
కోరుకున్నవాడే తగువేళ చూసి
జతగూడే సుముహూర్తం ఎదురైనది
అందమైన ఈడే అందించమంటు
దరిచేరే సందేశం ఎద విన్నది
లేనిపోని లోని శంక మానుకోవె బాలిక
ఏలుకోవా గోరువంక లేత నీలి కానుక
కులుకా రసగుళిక కళలొలుక
తగు తరుణము దొరికెనుగా ॥

చరణం : 2
పూజలన్నీ పండి పురివిప్పి నేను జతులాడి
అనురాగం శృతి చేయగా
మోజులన్నీ పిండే మగతోడు చేరువీనాడు
సుఖభోగం మొదలౌనుగా
ఊసులన్నీ మాలగా పూసగుచ్చివేయనా
రాచకన్నెనేలగా దూసుకొచ్చి వాలనా
కరిగా తొలకరిగా రసఝరిగా
అణువణువొక చినుకవగా ॥