రచన : సిరివెన్నెల
సంగీతం : ఇళయరాజా
గానం : ఎస్.పి.బాలసుబ్రహ్మణ్యం
పల్లవి :
చుట్టు పక్కల చూడరా చిన్నవాడాచుక్కల్లో చూపు చిక్కుకున్నవాడా ॥
కళ్లముందు కటిక నిజం... కానలేని గుడ్డి జపం
సాధించదు ఏ పరమార్థం
బ్రతుకుని కానీయకు వ్యర్థం (2)॥
చరణం : 1
స్వర్గాలను అందుకొనాలని
వడిగా గుడి మెట్లెక్కేవు
సాటి మనిషి వేదన చూస్తూ
జాలిలేని శిలవైనావు
కరుణను మరిపించేదా
చదువు సంస్కారం అంటే
గుండె బండగా మార్చేదా సంప్రదాయమంటే॥॥
చరణం : 2
నువ్వు తినే ప్రతి ఒక మెతుకు
ఈ సంఘం పండించింది
గర్వించే ఈ నీ బ్రతుకు
ఈ సమాజమే మలచింది
రుణం తీర్చు తరుణం వస్తే
తప్పించుకుపోతున్నావా
తెప్ప తగలబెట్టేస్తావా ఏరు దాటగానే॥॥
సాకీ : నిన్నడిగి కుడుతుందా చీమైనా దోమైనా