I kshaNam okE oka kOrika - ఈ క్షణం ఒకే ఒక కోరిక

చిత్రం : ఎలా చెప్పను (2003)
రచన : సిరివెన్నెల
సంగీతం : కోటి
గానం : కె.ఎస్.చిత్ర

పల్లవి :
ఈ క్షణం ఒకే ఒక కోరిక...
నీ స్వరం వినాలని తియ్యగా ॥క్షణం॥
తరగని దూరములో తెలియని దారులలో
ఎక్కడున్నావు అంటోంది ఆశగా ॥క్షణం॥

చరణం : 1
ఎన్ని వేల నిమిషాలో లెక్కపెట్టుకుంటోంది
ఎంతసేపు గడపాలో చెప్పవేమి అంటోంది
నిన్ననేగా వెళ్లావన్న సంగతి
గుర్తేలేని గుండె ఇది... ఆ...
మళ్లీ నిన్ను చూసేదాకా నాలో నన్ను
ఉండనీక ఆరాటంగా కొట్టుకున్నది
॥క్షణం॥

చరణం : 2
రెప్ప వేయనంటోంది ఎంత పిచ్చి మనసు ఇది
రేపు నువ్వు రాగానే కాస్త నచ్చచెప్పు మరి
నిన్న మొన్న చెప్పుకున్న ఊసులే
మళ్లీ మళ్లీ తలచుకుని... ఆ...
ఇంకా ఎన్నో ఉన్నాయంటూ
ఇప్పుడే చెప్పాలంటూ నిద్దరోను అంటోంది
॥క్షణం॥

O O O veNDi vennelA - ఓ ఓ ఓ వెండి వెన్నెలా

చిత్రం : లిటిల్ సోల్జర్స్ (1996)
రచన : సిరివెన్నెల
సంగీతం : శ్రీ
గానం : రాం చక్రవ ర్తి, ఎం.ఎం.శ్రీలేఖ

పల్లవి :
ఓ ఓ ఓ వెండి వెన్నెలా
ఓ ఓ ఓ దిగిరా ఇలా
అమ్మ కొంగులో చంటి పాపలా
మబ్బు చాటునే ఉంటే ఎలా
పడిపోతానని పసి పాదాలకి పరుగే నేర్పవా
మదిలో దాగిన మధుభావాలకి
వెలుగే చూపవా
మనసుంటే మార్గముంది తెంచుకోవే సంకెల

చరణం : 1
ఓ ఓ ఓ సుప్రభాతమా
ఓ ఓ ఓ శుభమంత్రమా
మేలుకొమ్మనే ప్రేమగీతమా
చేరుకున్న నా తొలిచైత్రమా
నీ స్వరాలతో నా నరాలలో ఒక గంగానది
ఈ క్షణాన నీ జత చేరాలని అలలౌతున్నది
వెల్లువలా చేరుకోనా వేచియున్న సంద్రమా

చరణం : 2
అంత దూరమా స్వర్గమన్నది
చిటికెలో ఇలా మనదైనది
అందరానిదా స్వప్నమన్నది
అందమైన ఈ నిజమైనది
చిరుహాసానికి మా సంసారమే చిరునామా అని
ఈ సంతోషమే మా సంతానమై చిగురించాలని
ప్రతిరోజు పండుగల్లే సాగుతోంది జీవితం

jaya jaya rAm jaya raghurAm - జయ జయరాం జయ రఘురాం

చిత్రం : లవకుశ (1963)
రచన : సముద్రాల
సంగీతం : ఘంటసాల
గానం : ఘంటసాల, లీల, సుశీల, మల్లిక్, వైదేహి

సాకీ :
జయజయరాం జయరఘురాం...
జయజయరాం జయరఘురాం...

పల్లవి :
జగదభిరాముడు శ్రీరాముడే
రఘుకుల సోముడు ఆ రాముడే
జగదభిరాముడు శ్రీరాముడే
రఘుకుల సోముడు ఆ రాముడే
జగదభిరాముడు శ్రీరాముడే...

అనుపల్లవి :
జనకుని మాటల తలపై నిలిపి
తన సుఖముల విడి వనితామణితో
వనములకేగిన ధర్మావతారుడు
జగదభిరాముడు శ్రీరాముడే

చరణం : 1
కరమున ధనువు శరములు దాలిచి
కరమున ధనువు... ఆ... ఆ... ఆ...
కరమున ధనువు శరములు దాలిచి
ఇరువది చేతుల దొరనే కూలిచి
సురలను గాచిన వీరాధివీరుడు
జగదభిరాముడు శ్రీరాముడే...

చరణం : 2
ఆలుమగల అనురాగాలకు (2)
పోలిక సీతారాములెయనగా (2)
వెలసిన ఆదర్శ ప్రేమావతారుడు
జగదభిరాముడు శ్రీరాముడే... ఆ...

చరణం : 3
నిరతము ధర్మము నెరపీ నిలిపి... ఆ...
నిరతము ధర్మము నెరపీ నిలిపి
నరులకు సురలకు తరతరాలకు
ఒరవడియైన వరయుగపురుషుడు
జగదభిరాముడు శ్రీరాముడే...

చరణం : 4
ఇనకులమణి సరితూగే తనయుడు
అన్నయు ప్రభువు లేనేలే డని (2)
జనుల భజించే పురుషోత్తముడు
జగదభిరాముడు శ్రీరాముడే
రఘుకుల సోముడు ఆ రాముడే
జయజయరాం జయరఘురాం... (4)

---

శ్రీరామనవమి స్పెషల్