SrIrAmachandrA - శ్రీరామచంద్రా

చిత్రం : బంగారుబాబు (1973)
రచన : ఆచార్య ఆత్రేయ
సంగీతం : కె.వి.మహదేవన్
గానం : ఘంటసాల, పి.సుశీల

పల్లవి :
శ్రీరామచంద్రా నారాయణా
ఎన్ని కష్టాలు వచ్చాయిరా నాయనా ॥

చరణం : 1
పగలంతా ఇద్దరము ఆలుమగలము
పడుకునే వేళకు పక్కలే దూరము ॥
ఊరివారికందము ఉత్తుత్తి కాపురము (2)
నోరూరతున్న మనకేమో ఓపలేని తాపము ॥

చరణం : 2
అన్నివున్న అందగత్తె అందుబాటులో ఉన్నా
అన్నమాట కోసమే ఆశలన్ని అణచుకున్నా ॥
ఉన్నవన్ని ఉన్నట్టే ఊడ్చివ్వాలనుకున్నా (2)
కన్నెకున్న హద్దులకు కట్టుబడి ఊరుకున్నా ॥

చరణం : 3
కళ్లలోకి చూడకు కాళ్లు కలిపి నడవకు
మూడుముళ్లు పడేవరకు మోమాట పెట్టకు ॥
ఆ మంచిరోజు వచ్చును హద్దులెగిరిపోవును
ఆ మంచిరోజు వచ్చును హద్దులెగిరిపోవును
కాచుకున్న వయసు కచ్చి అప్పుడే తీరును ॥

21 June - నేడు కె.వి.మహదేవన్ వర్ధంతి

endukO toli tondarendukO - ఎందుకో తొలి తొందరెందుకో

చిత్రం : చింతకాయల రవి (2008)
రచన : చంద్రబోస్, సంగీతం : విశాల్-శేఖర్
గానం : సోను నిగమ్, మహాలక్ష్మీ అయ్యర్

పల్లవి :
ఎందుకో తొలి తొందరెందుకో
నాలో ఎద చిందులెందుకో
నాకే ఇంతందమెందుకో మెరుపెందుకో
ఎన్నడూ తెలియంది ఎందుకో
నాలో మొదలైంది ఎందుకో
నేనే నాలాగ అస్సలు లేనెందుకో
సొగసులకు ఈ రోజు బరువెందుకో
నడకలకు ఈ రోజు పరుగెందుకో
ఊపిరికి ఈ రోజు ఉడుకెందుకో
రేపటికి ఈ రోజు ఉరుకెందుకో
చెలికై ఇలా ఇలా అలై చలించా అందుకా
తన చూపులోన తన రూపులోన
తన రేఖలోన శుభలేఖలోన వెలిగేందుకా
చెలికై ఇలా ఇలా అలై చలించా అందుకా
తన నవ్వులోన సిరి వానలోన విరి కోనలోన చిరు తేనెలోన మునిగేందుకా ॥

చరణం :
ఆ ఊరు ఈ ఊరు వేరైనా
ఆకాశం అంతా ఒకటేగా
ఆ నువ్వు ఈ నేను ఏడున్నా
ఆలోచ నలన్నీ ఒకటేగా
ఊహలే పంపితే రాయబారం
ఊసులే చేరవా వేగిరం
ప్రేమలో చిన్నదే ఈ ప్రపంచం
అని తెలిసి కూడ తెగ అలజడాయె
ఆ త లపులోనే తలమునకలాయె
మరి ఎందుకో
చెలికై ఇలా ఇలా అలై చలించా అందుకా
తన బాటలోన తన తోటలోన తన తోడులోన
తన నీడలోన నడిచేందుకా
చెలికై ఇలా ఇలా అలై చలించా అందుకా
తన తనువులోన అణువణువులోన
మధువనములోన ప్రతికణములోన కలిసేందుకా ॥

muddukE muddochchE - ముద్దుకే ముద్దొచ్చే

చిత్రం : ముద్దమందారం (1981)
(దర్శకత్వం : జంధ్యాల)
రచన : వేటూరి, సంగీతం : రమేష్‌నాయుడు
గానం : ఎస్.పి.బాలసుబ్రహ్మణ్యం

పల్లవి :
మందారం... ముద్దుమందారం
మందారం... ముద్దమందారం
ముద్దుకే ముద్దొచ్చే మువ్వకే నవ్వొచ్చే
ముద్దుకే ముద్దొచ్చే మందారం
మువ్వల్లే నవ్వింది సింగారం
ముద్దమందారం ముగ్థ శృంగారం (2) ॥

చరణం : 1
అడుగులా అష్టపదులా నడకలా జీవనదులా అడుగులా అష్టపదులా నడకలా జీవనదులా
పరువాల పరవళ్లు పరికిణీ కుచ్చిళ్లూ
విరి వాలుజడ కుచ్చుల సందళ్లు
కన్నెపిల్లా కాదు కలల కాణాచి
కలువ కన్నులా కలల దోబూచి ॥

చరణం : 2
పలుకులా రా చిలకలా
అలకలా ప్రేమ మొలకలా (2)
మలి సంధ్య వెలుగుల్లో నారింజ రంగుల్లో
కురిసేటి పగడాల వడగళ్లు
మల్లెపువ్వా కాదు మరుల మారాణి
బంతిపువ్వా పసుపు తాను పారాణి ॥

19 June - నేడు జంధ్యాల వర్ధంతి