ashTa dikkumbhi - అష్ట దిక్కుంభి కుంభాగ్రాలపై

చిత్రం : మాయాబజార్ (1957)
రచన : పింగళి నాగేంద్రరావు
సంగీతం : ఘంటసాల
గానం : మాధవపెద్ది సత్యం

అష్ట దిక్కుంభి కుంభాగ్రాలపై మన
శుంభధ్వజము గ్రాల చూడవలదె!
గగన పాతాళ లోకాలలోని సమస్త
భూత కోటులు నాకె మ్రొక్కవలదె!
ఏ దేశమైన నా ఆదేశముద్ర పడి
సంభ్రమాశ్చార్యాల జరుగవలదె
హై హై ఘటోత్కచ... జైహే ఘటోత్కచ
అని దేవగురుడె కొండాడవలదె
ఏనె ఈయుర్వినెల్ల శాసించవలదె
ఏనె ఐశ్వర్యమెల్ల సాధించవలదె
ఏనె మన బంధు హితులకు ఘనతలన్ని
కట్టపెట్టిన ఘనకీర్తి కొట్టవలదె!
-------------------
జై సత్యసంకల్ప జై శేషతల్పా!
జై దుష్టసంహార జై దీనకల్పా!
జై భక్త పరిపాల జై జగజ్జాలా!
నీవు జరిపించేటి నీ చిత్ర కథలు
వ్రాసినా చూసినా వినిన ఎల్లరును
శుభసంపదలు గలిగి వర్థిల్లగలరు
సుఖశాంతులను గలిగి శోభిల్లగలరు!

03 July - నేడు ఎస్.వి.రంగారావు జయంతి

kanugonagalanO lEnO - కనుగొనగలనో లేనో

చిత్రం : పాతాళభైరవి (1951)
(దర్శకత్వం : కె.వి.రెడ్డి)
రచన : పింగళి నాగేంద్రరావు
సంగీతం, గానం : ఘంటసాల

పల్లవి :
కనుగొనగలనో లేనో...
కనుగొనగలనో లేనో ప్రాణముతో సఖినీ
కనుగొనగలనో లేనో...

చరణం : 1
పెండ్లిపీటపై ప్రియనెడబాయ
గాలిమేడలూ గారడికాగా (2)
కలకాలమును కర్మను దూరుచు
కలగా బ్రతకడమేనో
కనుగొనగలనో లేనో...

చరణం : 2
వెదకివెదకి ఏ జాడ తెలియక
హృదయమంతా చీకటిగా (2)
ఎంత పిలచినా పిలుపే అందక
చింతిలి తిరగడమేనో
కనుగొనగలనో లేనో...

చరణం : 3
పులివాతను బడు బాలహరిణియై
చెలి ఎచ్చటనో చెరబడగా (2)
జాలిలేని ఆ మాయదారికే బలిగా చేయడమేనో ॥

01 July - నేడు కె.వి.రెడ్డి జయంతి

I ma~nchullO prEma~nchullO - ఈ మంచుల్లో ప్రేమంచుల్లో

చిత్రం : రంగం (2011)
రచన : వనమాలి
సంగీతం : హారీస్ జయరాజ్
గానం : శ్రీరామ్ పార్థసారథి, బాంబే జయశ్రీ

పల్లవి :
ఈ మంచుల్లో ప్రేమంచుల్లో
ఎన్నెన్నో సంగతులు
నీరెండల్లో ఈ గుండెల్లో ఎన్నెన్నో సందడులు
కవ్వించే చీకటి కన్నుల్లో ఈ తడి
ఇవ్వాళే వీడెనులే
ఉండుండి ఊహలు ఈ పిల్లగాలులు
నిన్నే పిలిచెనులే
॥మంచుల్లో॥

చరణం : 1
కనులకు జతగా వలపుల కథనే
కలలుగ కొసరనా
గలగల పలికే పెదవుల కొస
నే కబురునై నిలవనా
నేడిలా మది విరిసెను ప్రేమలో
తేనెలే పెదవొలికెను జంటలో కలయికలో
॥మంచుల్లో॥

చరణం : 2
మలుపులు దాటి మనసులు మీటి
నిలిచె నీ మమత లే
ఒకపరి జననం ఒకపరి మరణం
నిలువునా తొలిచెలే
యవ్వనం మనసుకు తొలి మోహనం
చుంబనం వయసుకు ఒక వాయనం
అనుదినము...
॥మంచుల్లో॥