రచన : సిరివెన్నెల, సంగీతం : దేవిశ్రీ ప్రసాద్
గానం : కార్తీక్, సాకీ : మల్లికార్జున్
సాకీ :
ఎప్పటికీ తన గుప్పెట విప్పదుఎవ్వరికీ తన గుట్టును చెప్పదు
ఎందుకిలా ఎదురైనది పొడుపు కథా
తప్పుకునేందుకు దారిని ఇవ్వదు
తప్పు అనేందుకు కారణముండదు
చిక్కులలో పడడం తనకేం సరదా
పల్లవి :
బదులు తోచని ప్రశ్నల తాకిడి ఏమిటో ఇలా
అలలు ఆగని సంద్రములా మది మారితే ఎలా
నిన్న మొన్నా నీ లోపలా కలిగిందా
ఏనాడైనా కల్లోలం ఇలా
ఈరోజేమైందని ఏదైనా అయ్యిందని
నీకైనా కాస్తయినా అనిపించిందారా ఎప్పటికీ
చరణం : 1
ఏదోలా చూస్తారే నిన్ను వింతలా
నిన్నే నీకు చూపుతారే పోల్చలేనంతలా
మునపటిలా లేవంటూ
కొందరు నిందిస్తూవుంటే
నిజమో కాదో స్పష్టంగా తేలేదెలా
సంబరపడి నిను చూపిస్తూ
కొందరు అభినందిస్తుంటే
నవ్వాలో నిట్టూర్చాలో తెలిసేదెలా ॥
చరణం : 2
నీ తీరే మారింది నిన్నకీ నేటికీ
నీ దారే మళ్లుతోందా కొత్త తీరానికి
మార్పేదైనా వస్తుంటే
నువ్వది గుర్తించక ముందే
ఎవరెవరో చెబుతూవుంటే నమ్మేదెలా
వెళ్లే మార్గం ముళ్లుంటే ఆ సంగతి గమనించందే
తొందరపడి ముందడుగేసే వీల్లేదెలా బదులు
ఎప్పుడూ ఒప్పుకోవద్దురా ఓటమి