eTTAgO vunnAdi - ఎట్టాగో ఉన్నాది

చిత్రం : దసరా బుల్లోడు (1971)
రచన : ఆచార్య ఆత్రేయ,
సంగీతం : కె.వి.మహదేవన్
గానం : ఘంటసాల, పి.సుశీల

పల్లవి :
అరె రె రె రె రె రె రె రె రె రె రె రె
ఎట్టాగో ఉన్నాది ఓలమ్మీ
ఏటేటో ఔతుందె చిన్నమ్మీ (2)
అరె రె రె రె రె రె రె రె రె రె రె రె
అట్టాగె ఉంటాది ఓరబ్బీ
ఎట్టాగొ ఔతాది చిన్నబ్బీ (2)

చరణం :1
మొలలోతు నీళ్లల్లో మొగ్గల్లె నువ్వుంటే
నీ ఒంటి నిగనిగతో నీళ్లూ మెరుస్తుంటే॥
పొదచాటున నేను మాటేసి చూస్తుంటే
నువ్వు తానాలు ఆడావు ఓలమ్మీ
నా ప్రాణాలు తీశావె చిన్నమ్మీ ॥॥

చరణం :2
మొగ్గలు ఒక్కొక్కరేకిప్పుకున్నట్టు
నీ చక్కదనాలు నేనొకటొకటె చూశాను ॥
జడచూస్తి ఆ... మెడచూస్తి ఆహా...
జబ్బల నునుపు చూస్తి హా...
కనరాని ఒంపులన్నీ ఓలమ్మీ
కసికసిగా చూస్తినే చిన్నమ్మీ ॥॥

చరణం :3
తడిసీ నీ తెల్లకోక తపాతపామన్నది
తడబడి నా గడుసు మనసు దడాదడామన్నది॥
కళ్లు మూసికొస్తినని
ఘొల్లున నువ్వు నవ్వితే ఆహ్హహ్హా
చురకల్లె తగిలింది ఓలమ్మీ
ఉడుకెక్కిపోయిందే చిన్నమ్మీ॥॥

03 Agugust - నేడు వాణిశ్రీ బర్త్‌డే

tellacheera kaTTukunnadi - తెల్లచీర కట్టుకున్నది

చిత్రం : అంతస్తులు (1965)
రచన : ఆచార్య ఆత్రేయ
సంగీతం : కె.వి.మహదేవన్
గానం : ఘంటసాల, పి.సుశీల

పల్లవి :
తెల్లచీర కట్టుకున్నది ఎవరికోసము
మల్లెపూలు పెట్టుకున్నది ఎవరికోసము ॥
తెల్లచీర కట్టినా మల్లెపూలు పెట్టినా
కల్లకపటమెరుగని మనసు కోసము
మనసులోని చల్లని మమత కోసము ॥

చరణం : 1
దాచుకున్న మమతలన్నీ ఎవరి కోసము
దాపరికం ఎరుగని మనిషి కోసము ॥
దాగనీ యవ్వనం ఎవరి కోసము
దాచుకొని ఏలుకునే ప్రియుని కోసము ॥

చరణం : 2
పొద్దంత కలవరింత ఎవరి కోసము
నిద్దురైన రానీని నీ కోసము ॥
అద్దాల చెక్కిళ్ళు ఎవరి కోసము
ముద్దైన నీ మోవి ముద్ర కోసము ॥

చరణం : 3
నింగి నేల కలసినది ఎవరికోసము
నీవు నన్ను చేరదీసినందుకోసము ॥
నేల మీద ఒక్కరై సాగిపోదము
నింగిలోన చుక్కలై నిలిచిపోదము ॥

Edo Edo vullasam - ఏదో ఏదో ఉల్లాసం

Edo Edo vullasam - ఏదో ఏదో ఉల్లాసం

చిత్రం : వస్తాడు నా రాజు(vastADu nA rAju) (2010)
రచన : రామజోగయ్యశాస్త్రి(rAmajOgayya SAstri)
సంగీతం : మణిశర్మ(maNiSarma)
గానం : కార్తీక్, చైత్ర(kArteek,chaitra)

పల్లవి :
ఏదో ఏదో ఉల్లాసం నీలో నాలో ఒకే సంతోషం
ఏదో ఏదో ఉల్లాసం నీలో నాలో ఒకే సంతోషం
నువ్వేమిటో నేడే నే తెలుసుకున్నానా
నీలావుండే నన్నే నే కలుసుకున్నవా
నీ నవ్వు దివ్వెలోన నే వెలుగుతున్నానా
నీ గుండె గొంతులోన నే పలుకుతున్నానా
ఎలో ఎలో ఎన్టీ డైలమా
నిన్నా మొన్న ఇలా లేదమ్మా
నీకూ నాకూ ఏంటవుతోందమ్మా
రానా అంటూ వచ్చేసిందా ప్రేమ॥ఏదో॥

చరణం : 1
ఏమో ఎటేల్లిందో మన నడుము ఉండే దూరం
ఎలా మొదలయిందో ఈ చిలిపి దుమారం
ఇదే ఇదేనేమో నే మనసుపడే లోకం
నీలో చూసిందేమో నా వయసు వసంతం
ఏ హాయి కలో పిలిచి
నిన్ను నన్నింతగా జంట నడిపి
తీపి కన్నీరు నాలో పొంగించిందేమో
ఏ గాలి అలో తరిమి
ఎద లోతుల్ని పువ్వై తడిమి
నింగి జాబిల్లి చెయ్యే అందించిందేమో
॥ఎలో॥

చరణం : 2
పదే పదే నువ్వే నా పెదవి ప్రపంచంలో
నిన్నే ఆలోచిస్తూ నన్ను మరిచిపోయానా
మరీ మరీ నువ్వే నా నిదురలో నిజంలో
మరో సగం నేనై నీలోన చేరానా
ఇన్నాళ్లు నాలో అసలు
చూడనేలేదు ఈ తికమకలు
కొంటె కన్నేదో నన్ను గిల్లే ఉంటుంది
ఏఁవిటో తెలీని గుబులు
ఇప్పుడయింది నాలో మొదలు
వింతగా ఉంది అయినా బావుంది
॥ఎలో॥