AkASam nI haddurA - ఆకాశం నీ హద్దురా

AkASam nI haddurA - ఆకాశం నీ హద్దురా

చిత్రం : సొమ్మొకడిది సోకొకడిది (sommokaDidi sOkokaDidi)(1978)
రచన : వేటూరి సుందరరామమూర్తి
సంగీతం : రాజన్-నాగేంద్ర, గానం : ఎస్.పి.బాలు

పల్లవి :
ఆకాశం నీ హద్దురా...
అవకాశం వదలద్దురా
పరువాల తొలిపొద్దులో...
హమేషా తమాషా చెయ్యరా...॥
చరణం : 1
నేల విడిచి సాములెన్నో చేయరా
మబ్బుల్లో మెరుపంతా నీదిరా
నిలబడి తాగే నీళ్లు చేదురా
పరుగెత్తై పాలు తాగరా
బ్రతుకంటే బస్తీ మే సవాలురా
ప్రపంచమే మాయాబజారురా (2)
హోయ్ గురిచూసి కొట్టాలిరా సిరి చూసి పట్టాలిరా
నీ ఎత్తు ఎదగాలంటే ఎత్తులు చిత్తులు వెయ్యరా
ఎత్తులు చిత్తులు వెయ్యరా॥
చరణం : 2
నుదుటిరాత నువ్వు మార్చిరాయరా
అందమైన అనుభవాలు నీవిరా
అనుకున్నది పొందడమే నీతిరా
మనకున్నది పెంచటమే ఖ్యాతిరా
మనిషి జన్మ మరువలేని ఛాన్సురా
ఈ రేసులో జాక్‌పాట్ కొట్టాలిరా (2)
సుడిలోకి దూకాలిరా
కడదాకా ఈదాలిరా
నీ ఒడ్డు చేరాలంటే
తడాఖా మజాకా చూపరా (2)॥

dhIramamIrE yamunA tIrE - ధీరసమీరే యమునా తీరే

dhIramamIrE yamunA tIrE - ధీరసమీరే యమునా తీరే

చిత్రం : ధర్మచక్రం(dharmachakram) (1996)
రచన : వేటూరి, సంగీతం : ఎం.ఎం.శ్రీలేఖ
గానం : ఎస్.పి.బాలు, చిత్ర
15 September - నేడు రమ్యకృష్ణ బర్త్‌డే
(ramyakrishna Birth Day)



పల్లవి :
ధీరసమీరే యమునా తీరే
వసతివనే వనమాలి
గ్రామసమీపే ప్రేమకలాపే
చెలి తగునా రసకేళి
ఆకాశమే నా హద్దుగా
నీకోసమొచ్చా ముద్దుగా
తెచ్చానురా మెచ్చానురా గిచ్చేయి
నచ్చిన సొగసును॥
చరణం : 1
వేసంగి మల్లెల్లో సీతంగి వెన్నెల్లో
వేసారిపోతున్నారా రారా
హేమంత మంచుల్లో ఏకాంత మంచంలో
వేటాడుకుంటున్నానే నిన్నే
మొటిమ రగులు సెగలో
తిరగబడి మడమ
తగులు వగలో
చిగురు వణుకు చలిలో
మదనుడికి పొగరు
పెరిగె పొదలో
గోరింట పొద్దుల్లోన
పేరంటాలే ఆడే వేళ
ధీరసమీరే యమునా తీరే
వలచితి నే వనమాలి
గ్రామసమీపే ప్రేమకలాపే
ప్రియ తగునా రసకేళి
చరణం : 2
లేలేత నీ అందం నా గీత గోవిందం
నా రాధ నీవేలేవే రావే
నీ గిల్లికజ్జాలు జాబిల్లి వెచ్చాలు
నా ఉట్టి కొట్టేస్తున్నా రామా
వయసు తెలిసె ఒడిలో ఎద కరిగి
తపన పెరుగు తడిలో
మనువు కుదిhttp://www.blogger.com/img/blank.gifరె మదిలో ఇంకెపుడు చనువు
ముదురు http://www.blogger.com/img/blank.gifగదిలో
వాలారు సందెల్లోన వయ్యారాలే తాకే వేళ
ధీరసమీరే యమునా తీరే వలచితి నే వనమాలి
గ్రామసమీపే ప్రేమకలాపే
ప్రియ తగునా రసకేళి॥॥


Listen Audio Songs:

Dharmachakram | Link | Audio Songs |

AkASam tana rekkalatO - ఆకాశం తన రెక్కలతో

AkASam tana rekkalatO - ఆకాశం తన రెక్కలతో

చిత్రం : కలుసుకోవాలని(kalusukOvAlani) (2002)
రచన , సంగీతం : దేవిశ్రీ ప్రసాద్
గానం : సుమంగళి, బేబి సత్య

పల్లవి :
చికిచికిచికి చాం చాం చికిచికిచికి చాం
చికిచికిచికి చాం చాం చికిచికి చాం ॥
ఆకాశం తన రెక్కలతో నను కప్పుతు వుంటే
భూలోకం నను నిద్దరపుచ్చాలి
జాబిల్లి తన వెన్నెలతో నను నిద్దురలేపి
రేయంతా తెగ అల్లరి చెయ్యాలి
ఏవేవో కొన్ని కలలు ఉన్నాయి
అవి రేపో మాపో నిజమవ్వాలి
గుండెల్లో కొన్ని ఊహలు ఉన్నాయి
అవి లోకంలోన చీకటినంతా తరిమెయ్యాలి॥॥
చరణం : 1
ఆరారు అని ఈ గాలి నాకే జోలలు పాడాలి
ఏలేలో అని గోదారి నాతో ఊసులు ఆడాలి
ఇంద్రధనస్సుని ఊయలగా
నేను మలచాలి చాం
తారలన్నీ నాకు హారము కావాలి
చికిచికిచికి చాం
మబ్బు నుండి జారు జల్లులలో
నేను తడవాలి చాం
చందమామ నాకు చందనమవ్వాలి
చికిచికిచికి చాం
రంగులతో కళ్లాపే చల్లాలి
ఆ రంగుల నుండి లాలించే
ఒక రాగం పుట్టాలి ॥॥
చరణం : 2
నా వాడు ఎక్కడున్నా సరే
రారాజల్లే నను చేరుకోవాలి
నాతోడుంటూ ఎన్నైడె నా సరే
పసిపాపల్లే నను చూసుకోవాలి
అమ్మలోన ఉన్న కమ్మదనం
వెన్నెలోన కలిపి
నాకు ముద్దు ముద్దు
గోరు ముద్దాలు పెట్టాలి
చికిచికిచికి చాం
ప్రేమలోన ఉన్న తీయదనం
ప్రేమతోటే తెలిపి
చిన్న తప్పు చేస్తే నన్ను తీయగా తిట్టాలి
చికిచికిచికి చాం
ఏనాడు నా నీడై ఉండాలి
ఆ నీడను చూసి ఓటములన్నీ పారిపోవాలి॥॥