vuliki paDaku - ఉలికిపడకు

vuliki paDaku - ఉలికిపడకు

పల్లవి :

 ఆమె: ఉలికిపడకు కుకుకుకు

   పెదవి కలిపేందుకు కుకుకుకు

 అతడు: కలలు కనకు కుకుకుకు

   కథలు నడిపేందుకు కుకుకు

 ఆ: చిలక పలికిన వయసుకు

 అ: వయసు తొడిగిన సొగసుకు

 ఆ: స్వరాలు పెంచకు... అ: కుకుకుకుకు ॥

 చరణం : 1

 ఆ: మొగ్గ విచ్చే వేళ నా మోజులన్నీ 

   పోటు తుమ్మెదల్లే తేనె విందుకొస్తావా

 అ: సిగ్గ్గులొచ్చే వేళ నే దగ్గరైతే పాలబుగ్గలోనే 

   ఎర్రపొంగులిస్తావా

 ఆ: మత్తుగ మల్లెలు అత్తరు చిందేవేళ 

   చంపకమాలలు సొంపులకిస్తావా

 అ: పైటల చాటుల పద్యము రాసేవేళ 

   ఉత్పలమాలలకూపిరి పోస్తావా

 ఆ: నీవడిగే దోపిడిలో... అ: నీ ఒడిలో ఒత్తిడిలో

 ఆ: వసంతవేళకు... ॥

 చరణం : 2

 అ: ఆడదయ్యే వేళ నీ అందమంతా 

   ఎండ కన్నుదాటి గుండెలోకి వస్తావా

 ఆ: పాయసాలు పొంగే నీ పక్కకొస్తే 

   ముద్దు బారసాల ముందుగానే చేస్తావా

 అ: నన్నయభట్టుకు నవలలు నచ్చేవేళ 

   కౌగిలి పర్వం కొత్తగ రాస్తావా

 ఆ: చక్కిలిగింతలు తిక్కనకొచ్చినవేళ

   నర్తనశాలకు నాతో వస్తావా

 అ: నా ఎదలో పూపొదలో... ఆ: నా కథలో నీ జతలో

 అ: సందేహమెందుకు కుకు కుకు ॥

**********

kOkilamma kottapATa - కోకిలమ్మ కొత్తపాట

 పల్లవి :

 ఆమె: కోకిలమ్మ కొత్తపాట పాడింది

   కూనలమ్మ కూచిపూడి ఆడింది

 సందెపొద్దు నీడ అందగత్తె కాడ

   సన్నజాజి ఈల వేయగా

 అరె మావా ఇల్లలికి పండుగ చేసుకుందామా

 అతడు: ఓసి భామా బుగ్గలతో 

   బూరెలు వండుకుందామా ॥మావా॥

 ఆ: పక్కపాపిడెందుకో... 

  అ: పైట దోపిడెందుకే

 ఆ: మగడా ఎడాపెడా గడీ పడగానే ॥మావా॥

 చరణం : 1

 ఆ: పూలచెట్టు గోలపెట్టు తేనెపట్టులో నీ గుట్టు తీపిగున్నది

 అ: పైటగుట్టు బైటపెట్టు చేతిపట్టులో నీ కట్టు జారుతున్నది

 ఆ: కొత్తగుట్టు కొల్లగుట్టు కోకోనట్టులో 

   రాబట్టు కొబ్బరున్నది

 అ: దాచిపెట్టి దోచిపెట్టు చాకులెట్టులో 

   బొబ్బట్టు మోతగుందది

 ఆ: బుగ్గలో మొగ్గలే నువ్వు దగ్గరైతే విచ్చుకుంటానయ్యో

 అ: నచ్చినా గిచ్చినా నువ్వు ఇచ్చుకుంటే

   పుచ్చుకుంటానమ్మో

 ఆ: వరసే నిలు కలు కొలు అనగానే ॥మావా॥

 చరణం : 2

 అ: కన్నుగొట్టి రెచ్చగొట్టు కాకపట్టులో

   కాల్‌షీటు నైటుకున్నది

 ఆ: పాలుపట్ట్టి పండబెట్టు పానిపట్టులో

   బెడ్‌షీటు బెంగపడ్డది

 అ: బెడ్డులైటు తీసికట్టు గుడ్డునైటులో

   కుర్ర ఈడు కుంపటైనది

 ఆ: ఉట్టికొట్టి కత్తిపట్టు జాకుపాటులో

   ఆటుపోటు అక్కడున్నది

 అ: ఒంపులో సొంపులో నిన్ను బొత్తుకుంటే

   మొత్తుకుంటావమ్మో

 ఆ: చెప్పినా చేసినా నీది కాని నాది ఎక్కడుంటావయ్యో

 అ: హజలే చెలి అనార్కలి అనగానే... ॥మావా॥

 చిత్రం : సుందరకాండ (1992), రచన : వేటూరి

 సంగీతం : ఎం.ఎం.కీరవాణి, గానం : ఎస్.పి.బాలు, కె.ఎస్.చిత్ర

rose(4) roja puvvA - రోజ్(4) రోజా పువ్వా

rose(4) roja puvvA - రోజ్(4) రోజా పువ్వా

చిత్రం : అల్లరి ప్రియుడు - Allari priyuDu (1993)

  రచన : వేటూరి, సంగీతం : ఎం.ఎం.కీరవాణి
 గానం : ఎస్.పి.బాలు, చిత్ర, బృందం

పల్లవి :
 అతడు: ఆహాహాహా... హా... హా...  ఆహ హాహా హా...
 ఆమె: అ హహహహ హా హ  హా హహా...
 అ: అహ హా హా... హ హా... హా... ఆ...
 అ: రోజ్ రోజ్ రోజ్ రోజ్ రోజా పువ్వా
 రోజాపువ్వా... పువ్వా పువ్వా...
 రోజు రోజు రోజు రోజు పూస్తువున్న
పువ్వే నువ్వా నవ్వే నువ్వా
ఆ: రేకు విచ్చుకున్న సోకు బంతి పువ్వే నువ్వా
ముద్దు పెట్టకుండ ఘల్లుమన్న మువ్వే నున్నా
అ: పడుచుతనపు గడుసువలపు
 పాటవు నువ్వా... వావ్వా...
 ॥రోజ్‌॥
 బృందం: గులాబి ఘుం... ఘుం ఘుం... (2)
 చరణం : 1
 అ: చక్కదనానికి చక్కిలిగింతవు నువ్వా నువ్వా
 కందే పువ్వా... కన్నె పువ్వా...
 వెన్నెల వాకిట ఎర్రగ పండిన దివ్వే నువ్వా
 చిందే రవ్వా... పొద్దే నువ్వా...
 ఆ: గుండె చాటు ప్రేమలెన్నొ కోటు మీద
   చాటుతున్న రోజాపువ్వా
 అందమైన ఆడపిల్ల బుగ్గపండు గిల్లుతున్న సిగ్గే నువ్వా
 అ: చిగురు ఎరుపు తెలుపు పొగడమాలిక నువ్వా... ఆ...
 ॥రోజ్‌॥
 చరణం : 2
 ఆ: ప్రేమ సువాసన పెదవుల వంతెన వేసే నువ్వే
   పూసే పువ్వా... బాసే నువ్వా
 కౌగిలి చాటున కాముడు మీటిన వీణే నువ్వా
   జాణే నువ్వా జాజే నువ్వా
 అ: గుప్పుమన్న ఆశలెన్నొ కొప్పులోన
   దాచుకున్న రోజా పువ్వా
 సందెపొద్దు సంతకాల ప్రేమలేఖ పంపుకున్న
   గువ్వే నువ్వా
 ఆ: మధుర కవిత చదివి పెదవి పండిన పువ్వా... ఆ...
 ॥రోజ్‌॥

adi oka idilE - అది ఒక ఇదిలే

adi oka idilE - అది ఒక ఇదిలే

చిత్రం : ప్రేమించిచూడు (prEminchi chUDu) (1965)

 రచన : ఆచార్య ఆత్రేయ
 సంగీతం : మాస్టర్ వేణు
 గానం : పి.బి.శ్రీనివాస్, పి.సుశీల
 

 పల్లవి :
 ఆమె: అది ఒక ఇదిలే అతనికే తగులే
 సరికొత్త సరసాలు సరదాలు చవిచూపెలే
 ఆహ ఎనలేని సుఖమెల్ల తనతోటిదనిపించెలే
 లాలలాలలాలలాలలలా    ॥
 అది ఒక ఇదిలే...
 చరణం : 1
 అతడు: మెచ్చాను వచ్చాను ఏమేమో తెచ్చాను
 అహ నచ్చాను అన్నావా ఏమైనా ఇస్తాను
 అని పలికిందిరా... చె లి కులికుందిరా...
 ఎద రగిలిందిరా మతి చెదిరిందిరా చెదిరిందిరా...
 అది ఒక ఇదిలే ఆమెకె తగులే
 సరికొత్త సరసాలు సరదాలు చవిచూపెలే
 ఆహ ఎనలేని సుఖమెల్ల తనతోటిదనిపించెలే
 అది ఒక ఇదిలే...
 చరణం : 2
 ఆ: సిగ్గేల అన్నాడు నా బుగ్గ గిల్లాడు     (2)
 అహ మొగ్గల్లే ఉన్నావు విరబూయమన్నాడు
 మది పులకించెను...  మరులొలికించెను...
 నను మరిపించెను తగుననిపించెను అనిపించెను...
 అది ఒక ఇదిలే...
 చరణం : 3
 అ: నడకేది అన్నాను నడిచింది ఒకసారి
 అహ నడుమేది అన్నాను నవ్వింది వయ్యారి
 నా వద్దున్నదే... తన ముద్దన్నదీ...
 చేకొమ్మన్నదీ నీ సొమ్మన్నది... సొమ్మన్నది
 ఆ: ఎండల్లే వచ్చాడు
   మంచల్లే కరిగాను
 ఆహా వెన్నెల్లు కురిశాడు
   వేడెక్కిపోయాను
 ఇది బాధందునా
   ఇది హాయందునా
 ఏది ఏమైననూ నే తనదాననూ
   తనదాననూ...॥