aemivvanu nIkEkivvanu - ఏమివ్వను నీకేమివ్వను

ఏమివ్వను నీకేమివ్వను నా మనసే నీదైతే ఏమివ్వను
ఏమివ్వను నీకేమివ్వను నా మనసే నీదైతే ఏమివ్వను
నన్నే వలచి నా మేలు తలచి
నన్నే వలచి నా మేలు తలచి
లేని కళంకం మోసిన ఓ చెలీ… మచ్చలేని జాబిలి
ఏమివ్వను నీకేమివ్వను నా మనసే నీదైతే ఏమివ్వను

తారకలే కోరికలై మెరియగా కనులు విరియగా
వెన్నెలలే వేణువులై పలుకగా మధువు లొలుకగా
యుగయుగాలు నిన్నే వరియించనా
నా సగము మేన నిన్నే ధరియించనా
ఏమివ్వను నీకేమివ్వను నా మనసే నీదైతే ఏమివ్వను
ఏమడుగను ఇంకేమడుగను నీ మనసే నాదైతే ఏమడుగను

నీ కన్నుల వెలుగులే తారకలై నయన తారకలై
నీ నవ్వుల జిలుగులే చంద్రికలై కార్తీక చంద్రికలై
జగమంతా నీవే అగుపించగా
నీ సగము మేన నేనే నివసించగా
ఏమడుగను ఇంకేమడుగను నీ మనసే నాదైతే ఏమడుగను

నిన్నే వలచి నీ మేలు తలచి
నిన్నే వలచి నీ మేలు తలచి
బ్రతుకే నీవై పరవశించు చెలినీ …. నీ జాబిలినీ
ఏమడుగను ఇంకేమడుగను నీ మనసే నాదైతే ఏమడుగను
ఆహాహా … ఆహాహా … ఆహాహహా ……

చిత్రం : సుపుత్రుడు
గానం : ఘంటసాల, సుశీల
రచన : సి. నారాయణరెడ్డి
సంగీతం : కే.వి.మహాదేవన్

valapuvalE tIyagA - వలపువలే తీయగా

వలపువలే తీయగా వచ్చినావు నిండుగా
వలపువలే తీయగా వచ్చినావు నిండుగా
మెరపువలే తళుకుమని మెరసిపోయేటందుకా
వలపువలే తీయగా వచ్చినావు నిండుగా

తడబడు నడకల నడచినపుడు నీ తత్తరబాటును చూడాలి
తలుపు మూయగనే దారులు వెదకే బిత్తరచూపులు చూడాలి
తడబడు నడకల నడచినపుడు నీ తత్తరబాటును చూడాలి
తలుపు మూయగనే దారులు వెదకే బిత్తరచూపులు చూడాలి
అని తలచి తలచి ఈ తరుణం కోసం తపసు చేసినది ఇందులకా
వలపువలే తీయగా వచ్చినావు నిండుగా

మురిపెములొలికే ముద్దు మోమును కురుల మబ్బులో దాచుటకా
మిసమిసలాడే నొసట కుంకుమ చిరు చెమటలలో కరగుటకా
మురిపెములొలికే ముద్దు మోమును కురుల మబ్బులో దాచుటకా
మిసమిసలాడే నొసట కుంకుమ చిరు చెమటలలో కరగుటకా
ఎదను తెరచి నేనిన్నినాళ్ళుగా ఎదురుచూచినది ఇందులకా
వలపువలే తీయగా వచ్చినావు నిండుగా
మెరపువలే తళుకుమని మెరసిపోయేటందుకా
వలపువలే తీయగా వచ్చినావు నిండుగా

చిత్రం : సుమంగళి
గానం :ఘంటసాల
రచన: ఆచార్య ఆత్రేయ
సంగీతం:కే.వి.మహాదేవన్

lEnibATa vetukutunna - లేని బాట వెతుకుతున్న

లేని బాట వెతుకుతున్న పేద వానికి ….
రాని పాట పాడుకున్న పిచ్చివానికి …..
బ్రతుకు పూలబాటకాదు
అది పరవశించి పాడుకునే పాటకాదు
బ్రతుకు పూలబాటకాదు

దోబూచులాడుతుంది విధి మనతో
దొంగాటలాడుతుంది మనసులతో
దోబూచులాడుతుంది విధి మనతో
దొంగాటలాడుతుంది మనసులతో
కనిపించే నవ్వులన్ని నవ్వులు కావు
అవి బ్రతుకు తెరువు కోసం పెదవులాడు కల్లలు
బ్రతుకు పూలబాటకాదు
అది పరవశించి పాడుకునే పాటకాదు
బ్రతుకు పూలబాటకాదు

మాటలతో చిక్కుబడి మనసు నలిగిపోతుంది
మనసులేని మాటలనే మనం నమ్ముతున్నది
పలుకలేని ప్రతి గుండే బాధతో నిండినది
ఒలికే ప్రతి కన్నీటి చుక్క వెచ్చగా ఉంటుంది
బ్రతుకు పూలబాటకాదు
అది పరవశించి పాడుకునే పాటకాదు
బ్రతుకు పూలబాటకాదు

చీకటిలో వెలుగును చూడ నేర్చుకో
చమటలో స్వర్గాన్ని సృష్ఠి చేసుకో
విధి వ్రాసిన వ్రాతలకు విరుగుడొక్కటే
పదిమందితోటి పంచుకునే రోజు వచ్చుటే
ఆ రోజు వచ్చులే …..
బ్రతుకు పూలబాటకాదు
అది పరవశించి పాడుకునే పాటకాదు
బ్రతుకు పూలబాటకాదు

చిత్రం : భార్యాబిడ్డలు
గానం : ఘంటసాల
రచన : ఆత్రేయ
సంగీతం: కే.వి.మహాదేవన్