EDUCATION AND ENTERTAINMENT

చిత్రం : మన్మథుడు (2002),
రచన : సిరివెన్నెల
సంగీతం : దేవిశ్రీ ప్రసాద్, గానం : షాన్

పల్లవి :
చెలియా చెలియా చెయిజారి వెళ్లకే
సఖియా సఖియా ఒంటరిని చెయ్యకే
నడిరేయీ పగలూ చూడక
సుడిగాలై వస్తా సూటిగా
ఎడబాటే బాటై రానా నీ దాకా
పడిలేచే కెరటం తీరుగా
దిశలన్నీ దాటే హోరుగా
నిను తాకేదాకా ఆగదు నా కేక ॥

చరణం : 1
కదలికే తెలియని శిలని కదిలించి ఓ ప్రేమా
కలయికే కల అనీ మాయమైపోకుమా
గతముగా మిగిలిన చితిని బతికించి ఓ ప్రేమా
చెరిపినా చెరగనీ గాయమైపోకుమా
మౌనమా అభిమానమా పలకవా అనురాగమా
ఓడిపోకే ప్రాణమా వీడిపోకుమా
అడుగడుగు తడబడుతూ
నిను వెతికి వెతికి కనులు అలసిపోవాలా ॥

చరణం : 2
నిలిచిపో సమయమా తరమకే చెలిమి ఇకనైనా
చెలిమితో సమరమా ఇంతగా పంతమా
నిలవకే హృదయమా
పరుగు ఆపొద్దు క్షణమైనా
నమ్మవేం ప్రణయమా అంత సందేహమా
వేరుచేసే కాలమా చేరువైతే నేరమా
దాడిచేసే దూరమా దారి చూపుమా

విరహాలే కరిగేలా జత కలిపి
నడుపు వలపు కథలు గెలిచేలా ॥
PICTURE: Shaan