Adi bhikshuvu vADi nEdi - ఆదిభిక్షువు వాడినేది

ఆదిభిక్షువు వాడినేది కోరేది?
బూడిదిచ్చే వాడినేది అడిగేది? (2)
ఏది కోరేది, వాడినేది అడిగేది? (2)

తీపిరాగాలా ఆ కోకిలమ్మకు నల్ల రంగునలమినవానినేది కోరేది? (2)
కరకు గర్జనల మేఘముల మేనికి మెరుపు హంగు కూర్చిన
వాడినేది అడిగేది?
ఏది కోరేది, వాడినేది అడిగేది? (2)

తేనెలొలికే పూలబాలలకు మూన్నాళ్ళ ఆయువిచ్చినవాడినేది
కోరేది? (2)
బండరాళ్ళను చిరాయువుగ జీవించమని ఆనతిచ్చినవాడినేది
అడిగేది?
ఏది కోరేది , వాడినేది అడిగేది? (2)

చిత్రం : సిరివెన్నెల
సంగీతం: కె.వి.మహదేవన్
సాహిత్యం: సిరివెన్నెల సీతారామ శాస్త్రి
గానం: ఎస్పీ. బాలసుబ్రహ్మణ్యం