EDUCATION AND ENTERTAINMENT

పల్లవి : అవును నిజం నువ్వంటే నాకిష్టం
ఈ నిమిషం గుర్తించా ఆ సత్యం
చలి పరదా ఇక నిలవదుగా
తెలుసు కదా... ఆ... ఆ... ఆ...
తెలిసిందే అడగాలా
అడగందే అనవేలా
చెవిలో ఇలా చెబితే చాలా అవును

చరణం : 1
కసిరేస్తున్నా మనసుకి వినపడదో ఏమో
విసిరేస్తున్నా నిను విడి
వెనుకకు రాదేమో
నిదరోతున్నా ఎదురై కనబడతావేమో
కదలాలన్నా కుదరని
మెలి పెడతావేమో
అంతగా కంట చూడనని
మొండికేస్తే తప్పేమో
ఒంటిగా ఉండనీయనని
ముందుకొస్తే ముప్పేమో
మన సలహా మది వినదు కదా
తెలుసు కదా... ఆ... ఆ... ఆ...
తెలిసే ఇలా చెలరేగాలా అవును

చరణం : 2
సుడిగాలిలో తెలియని
పరుగులు తీస్తున్నా
జడపూలతో చెలిమికి
సమయము దొరికేనా
ఎదరేముందో తమరిని
వివరములడిగానా
ఎద ఏమందో వినమని
తరుముకు రాలేనా
తప్పుకో కళ్ళు మూసుకుని
తుళ్ళి రాకే నా వెంటా
ఒప్పుకో నిన్ను నమ్మమని
అల్లుకుంటా నీ జంటా
నడపదుగా నిను నది వరదా
తెలుసు కదా... ఆ... ఆ... ఆ...
తెలిసే ఇలా ముంచెయ్యాలా అవును

చిత్రం : అతడు (2005)
రచన : సిరివెన్నెల
సంగీతం : మణిశర్మ
గానం : కె.కె., సునీత