EDUCATION AND ENTERTAINMENT

చిత్రం : ఒకరికి ఒకరు (2003)
రచన : చంద్రబోస్
సంగీతం : ఎం.ఎం.కీరవాణి
గానం : కీరవాణి, గంగ, బృందం

పల్లవి : అల్లోనేరేళ్లో అల్లోనేరేళ్లో (2)
జనకుని కూతురు జానకి అల్లోనేరేళ్లో
జాజుల సోదరి జానకి అల్లోనేరేళ్లో
మిథిలా నగరిని జానకి అల్లోనేరేళ్లో
ముద్దుగా పెరిగిన జానకి అల్లోనేరేళ్లో
అందాలరాముని పరిణయమాడి
అయోధ్య చేరును జానకి అల్లోనేరేళ్లో ॥
చరణం : 1
ఏటిపాయల పాపిటకి
కుంకుమబొట్టే ఆభరణం
ఎదురుచూపుల కన్నులకి కాటుకరేఖే ఆభరణం
పుడమినంటని పదములకి
పసుపు వన్నెలే ఆభరణం
పెదవి దాటని మాటలకి
మౌనరాగమే ఆభరణం
మగువ మనసుకి ఏనాడో
మనసైన వాడే ఆభరణం ॥
చరణం : 2
చేయిజారిన చందమామని అందుకోగలనా
రాయలేని నా ప్రేమలేఖని అందజేయగలనా
దూరమైన నా ప్రాణజ్యోతిని చేరుకోగలనా
చేరువై నా మనోవేదన మనవిచేయగలనా
నా ప్రేమతో తన ప్రేమని గెలుచుకోగలనా ॥