EDUCATION AND ENTERTAINMENT

చిత్రం : వేటగాడు (1979), రచన : వేటూరి
సంగీతం : చక్రవర్తి, గానం : బాలు, సుశీల

పల్లవి :
జాబిలితో చెప్పనా...
జాబిలితో చెప్పనా జామురాతిరి నిదురలోన
నీవు చేసిన అల్లరి చెప్పనా రోజా
జాబిలితో చెప్పనా...
జాబిలితో చెప్పనా జామురాతిరి కలలలోన
నీవు రేపిన అలజడి చెప్పనా రాజా

చరణం : 1
తుమ్మెదలంటని తేనెలకై
తుంటరి పెదవికి దాహాలు
చుక్కలు చూడని చీకటిలో
దిక్కులు కలవని విరహాలు
చూపులలో చలి చురచురలు
ఆ చలి తీరని విరవిరలు
అన్నీ ఆవిరి పెడుతుంటే
నన్నే అల్లరి పెడుతున్నావని
చెప్పనా చెప్పనా చెప్పనా॥

చరణం : 2
గొంతులు దాటిన గుండెలలో
కోయిల పాడని గీతాలు
సూర్యుడు చూడని గంగలలో
అలలై పొంగిన అందాలు
కౌగిట కాముని పున్నమలు
వెన్నెల వీణల సరిగమలు
పేరంటానికి రమ్మంటే
పెళ్లికి పెద్దవు నీవేలెమ్మని
చెప్పనా చెప్పనా చెప్పనా ॥