talabaDi kalabaDi nilabaDu - తలబడి కలబడి నిలబడు

చిత్రం : పిల్ల జమీందార్(Pilla Zamindar) (2011)
రచన : కృష్ణ చైతన్య, సంగీతం : సెల్వ గణేష్
గానం : శంకర్ మహదేవన్, బృందం
Photo: కృష్ణ చైతన్య

పల్లవి :

తలబడి కలబడి నిలబడు
పోరాడే యోధుడు జడవడు॥
సంక ల్పం నీకుంటే ఓటమికైనా వణుకేరా
బుడిబుడి అడుగులు తడబడి
అడుగడుగున నీవే నిలబడి
ఎదురీదాలి లక్ష్యం వైపు ఎంతో పాటుపడి
వెలుగంటూ రాదు అంటే సూరీడైన లోకువరా
నిశిరాతిరి కమ్ముకుంటే
వెన్నెల చిన్నబోయెనురా
నీ శ క్తేదో తెలిసిందంటే నీకింక తిరుగేది
ప్రకాశంలో సూరీడల్లే
ప్రశాతంగా చంద్రుడిమల్లే
వికాసంలో విద్యార్థల్లే అలా అలా ఎదగాలి॥

చరణం : 1
పిడికిలినే బిగించి చూడు
అవకాశం నీకున్న తోడు
అసాధ్యమే తలొంచుకుంటూ క్షమించు అనేదా
రేపుందని లోకాన్ని నమ్మి
అలసటతో ఆగదు భూమి
గిరాగిరా తిరిగేస్తుంది క్రమంగా మహా స్థిరంగా
ప్రతి కలా నిజమౌతుంది ప్రయత్నమే ఉంటే
ప్రతీకవే నువ్వౌతావు ప్రవర్తనే ఉంటే॥

చరణం : 2
జీవితమే ఓ చిన్న మజిలీ
వెళిపోమా లోకాన్ని వదిలి
మళ్లీ మళ్లీ మోయగలవా కలల్ని ఈ కీర్తిని
గమ్యం నీ ఊహల జననం
శోధనలో సాగేది గమనం
ప్రయాణమే ప్రాణం కాదా
గెలుపుకి ప్రతి మలుపుకి
ప్రతిరోజు ఉగాది కాదా ఉషస్సు నీవైతే
ప్రభంజనం సృష్టిస్తావు ప్రతిభే చూపిస్తే॥