EDUCATION AND ENTERTAINMENT

చిత్రం : పచ్చని కాపురం(Pachchani kApuram) (1985)
రచన : వేటూరి, సంగీతం : చక్రవర్తి
గానం : కె.జె.ఏసుదాస్, ఎస్.జానకి

పల్లవి :
వెన్నెలైనా చీకటైనా చేరువైనా దూరమైనా
నీతోనే జీవితము నీ ప్రేమే శాశ్వతము
ఏ జన్మదో ఈ బంధము (2)
నింగి నేల సాక్ష్యాలు (2)
ప్రేమకు మనమే తీరాలు॥

చరణం : 1
జ్ఞాపకమేదో నీడల్లో తారాడే
స్వప్నాలేవో నీ కళ్లు దోగాడే
కౌగిలింతలోన గాలి ఆడకూడదు
చుక్కలైన నిన్ను నన్ను చూడకూడదు
నీ సర్వము నాదైనది...
నేను దేహమల్లే నీవు ప్రాణమల్లే
ఏకమైన రాసలీలలోనా॥

చరణం : 2
అంతంలేని ఈ రాగబంధంలో
అంచున నిలిచి నీవైపే చూస్తున్నా
పున్నమింట కట్టుకున్న పూలడోలలు
ఎన్నడింక చెప్పవమ్మ బారసాలలు
ఆ ముద్దులే మూడైనవి...
బాలచంద్రుడొస్తే నూలు పోగులిస్తా
ఇంటిదీపమాయె జంట ప్రేమ॥