EDUCATION AND ENTERTAINMENT

చిత్రం : అమెరికా అల్లుడు(amerikA alluDu) (1985)
రచన : వేటూరి (vETUri)
సంగీతం : చక్రవర్తి (chakravarti)
గానం : పి.సుశీల (P. suseela)
03 February - నేడు చక్రవర్తి వర్ధంతి


పల్లవి :
నా వాలుజడ కృష్ణవేణి
నా పూలజడ వెన్నెల గోదారి
నా ఒళ్లు గంగమ్మ పరవళ్లుగా (2)
నర్తన చేసిన రతిని భారతిని
కూచిపూడి భారతికి హారతిని... భారతిని...॥వాలుజడ॥
చరణం : 1
ఏ జన్మలో మల్లెపూ
పూజ చేశానో కుంద రదనైనాను
ఏనాటి కార్తీక దీపాల వెలుగో
ఇందువదననైనాను
అమరావతి బౌద్ధ ఆరామ శిల్పాల
వైరాగ్య భావాల దీకావిరంగు
ఈ చీర చెంగు
మమత సమత మతమై వెలసిన
మధుర భారతి వీణను నెరజాణను నేను॥వాలుజడ॥
చరణం : 2
ఈ నాల్గువేదాల పాఠాలు
విన్నానో హంసగమననైనాను
ఏ నాసికత్వాల వాదాలు విన్నానో
గగన జఘననైనాను
క్షేత్రయ్య పదకీర్తనావేశ నాట్యాల
రాజ్యాలలో చిందు నా కాలి చిందు
మీ కళ్లవిందు
శ్రుతికి లయకి సుతనై పుట్టిన
మధుర భారతి వీణను నెరజాణను నేను॥వాలుజడ॥
పల్లవి :
గోమాత మాయమ్మ గోదారి గంగమ్మ
ఓ... పూసిన మామిడికొమ్మ
ఓ... కూసే కోయిలగుమ్మ
వస్తా సెలవిస్తే మళ్లీ వస్తా దయ చూస్తే...
చరణం : 1
మల్లెపూల గుండెల్లో
మంచు కన్నీళ్లు చూసి
జాబిలమ్మ కొండల్లో రాలే వెన్నెల్లు చూసి
ఎదర లేనే లేదని చెదరిపోని ముగ్గుని
విడిచి నడిచి వెళ్లలేక వెళ్లలేక
వెళుతున్నా మీ ముద్దుల ఆడపడుచునై
మా చల్లని పల్లెమ్మా
మా పచ్చని తోటమ్మా... ॥
చరణం : 2
బంతిపూల గిన్నెల్లో పడుచు పేరంటమాడి
తందనాల సందెల్లో
బ్రతుకు తాంబూలమేసి
కన్నవారి కౌగిలి చిన్ననాటి లోగిలి
విడిచి నడిచి వెళ్లలేక వెళ్లలేక
వెళుతున్నా కడలిదాటి కాపురానికి
మా కోవెల్లో గౌరమ్మా
మా చేలల్లో పైరమ్మా...
Download:
nA vAlujaDa krishnaveNi - నా వాలుజడ కృష్ణవేణి
Special Note:
జననం : 08-09-1937
జన్మస్థలం : గుంటూరు జిల్లా,తాడికొండ మండలం, పొన్నెకల్లు గ్రామం
చదువు : బి.ఎ.ఎకనామిక్స్
తల్లిదండ్రులు : కొమ్మినేని అన్నపూర్ణమ్మ,బసవయ్య
తోబుట్టువులు : హైమావతీదేవి, అప్పారావు,శేషగిరిరావు
వివాహం-భార్య : 14-12-1961, రోహిణీదేవి
సంతానం : నలుగురు కొడుకులు (కీ.శే.రాజేశ్వరప్రసాద్, శ్రీనివాస చక్రవర్తి, రామకృష్ణప్రసాద్, కళ్యాణ్ చక్రవర్తి )

తొలి చిత్రాలు...
సంగీత దర్శకునిగా : మూగప్రేమ (1971)
నటునిగా : రాజా (1976)

ఆఖరి చిత్రాలు...
సంగీత దర్శకునిగా : అమ్మోరు (1995)
నటునిగా : లాహిరి లాహిరి లాహిరిలో (2002)
సంగీత దర్శకునిగా మొత్తం చిత్రాలు : 959 (మళయాళం-1, తమిళం-4, కన్నడం-60, మిగతావి తెలుగులో)
డబ్బింగ్ చెప్పిన చిత్రాలు : సుమారు 300కు పైగా
అవార్డులు : ‘నేటిభారతం (1983)’, ‘శ్రావణ మేఘాలు (1986)’ చిత్రాలకు ఉత్తమ సంగీత దర్శకునిగా నంది అవార్డులు.
మరణం : 03-02-2002