O vENugAnammu - ఓ వేణుగానమ్ము
చిత్రం : సిరిసంపదలు (siri sampadalu) (1962)రచన : ఆచార్య ఆత్రేయ
సంగీతం : మాస్టర్ వేణు
గానం : సుశీల, జానకి, జిక్కి
పల్లవి : ఓ... ఓ... ఓ... ఓ...
వేణుగానమ్ము వినిపించెనే
చిన్ని కృష్ణయ్య కనిపించడే
' వేణుగానమ్ము'
చరణం : 1
దోరవయసున్న కన్నియల
హృదయాలను
దోచుకున్నాడని విన్నాను చాడీలను
'దోరవయసున్న'
అంత మొనగాడటే... ఒట్టి కథలేనటే...
ఏడి కనబడితే నిలవేసి అడగాలి వానినే
' వేణుగానమ్ము'
చరణం : 2
మన్ను తిన్నావని యశోదమ్మ
అడిగిందట లేదు
లేదనుచు లోకాలు చూపాడట
'మన్ను'
అంత మొనగాడటే...
వింత కథలేనటే...
ఏడి కనబడితే కనులారా
చూడాలి వానినే
'వేణుగానమ్ము'
చరణం : 3
దుడుకు కృష్ణయ్య
మడుగులోన దూకాడట
జడిసి రేపల్లె ప్రజలంతా మూగారట
'దుడుకు'
ఘల్లు ఘల్ ఘల్లన...ఒళ్లు ఝల్ ఝల్లన ...
తాను ఫణిరాజు పడగపై
తారంగమాడేనట
'వేణుగానమ్ము'
Listen Audio song:
O vENugAnammu - ఓ వేణుగానమ్ము
