nI palukE tyAgarAya - నీ పలుకే త్యాగరాయ
చిత్రం : కళ్యాణి (kaLyANi)(1979), రచన : వేటూరిసంగీతం : రమేష్‌నాయుడు, గానం : బాలు, పి.సుశీల
పల్లవి :
నీపమపా... నీపమపా గపాగరిసా నీరిసానీనిరిరి మారిసా పదనీరినీపనీప
మపగపా గరిసా నీరిసా
నీ పలుకే త్యాగరాయ కీర్తన
నీ నడకే క్షేత్రయ పదనర్తన ॥పలుకే॥
సరిమా రిమదా సరిమా రిమదా సానిదపమ
నీపమపా మమదా సనిగమరిసనీ
నీసరిమప మాపగాసరిసానిదప
మరిసా నిసరిమపదా
నీ పిలుపే... నీ పిలుపే జయదేవుని గీతిక
నీ వలపే కాళిదాస కవితా లహరికా
నీ పిలుపే... నీ పలుకే త్యాగరాయ కీర్తన
చరణం : 1
నీవు నన్ను కలుసుకున్న క్షణంలో
తుంగభద్ర కృష్ణతో కలిసింది ॥
నేను నీ కౌగిలిలో కరిగిన సుముహూర్తంలో
నేను నీ కౌగిలిలో కరిగిన సుముహూర్తంలో
ఆ కృష్ణవేణి సాగరాన వెలిసింది (2)
అలనాటి నీ ఒంపుసొంపులన్నీ
హంపిలో శిల్పాలై అజంతా చిత్రాలై
భారత భారతికే హారతి పడుతున్నవి
సుమహారతి పడుతున్నవి ॥
నీ పిలుపే... నీ పలుకే త్యాగరాయ కీర్తన
చరణం : 2
నీతో నేనడిచిన ఏడడుగులే
సంగీతంలో పలికే సప్తస్వరాలు
సరిగమపదని...
నీలో తొలికలయికలో
విరిసిన రసభావాలే (2)
సాహిత్యంలో సాటిలేని
కావ్యాలు (2)
ఈనాటి నీవన్నెచిన్నెలన్నీ
మరులలో మల్లియలై
మరునికే పల్లియలై
జీవన బృందావనిలో
ఆమనులవుతున్నవి సౌదామినులవుతున్నవి॥
నీ పిలుపే... నీ పలుకే త్యాగరాయ కీర్తన
