rA rA rA rAgamai - రా రా రా రాగమై

rA rA rA rAgamai - రా రా రా రాగమై

చిత్రం : ఆనందభైరవి(Anandabhairavi) (1984)
రచన : వేటూరి సుందర రామమూర్తి
సంగీతం : రమేష్‌నాయుడు
గానం : ఎస్.పి.బాలసుబ్రహ్మణ్యం
పల్లవి :
రా రా రా రాగమై...
నా నా నా నాదమై...
సంగీతము నేనై వేణువూదగా...
నృత్యానివి నీవై ప్రాణదాతగా...
॥రా రా రా॥
చరణం : 1
వెదురునైన నాలో
నిదుర లేచిన వాయువై (2)
ఎదకు పోసిన ఆయువై
నా గుండియ నీ అందియగా
నా గుండియ నీకే అందియగా
కంకణ నిక్వణ
కులుకులు కులుకులు
కలిత చలిత కళ్యాణిరాగమై
కదలి రాగదే భైరవి...
కదలి రాగదే భైరవి
నటభైరవి ఆనందభైరవి ॥రా రా రా॥
చరణం : 2
వేణువైన నాలో
వేసవిగాలుల వెల్లువై (2)
ఊపిరి పాటకు పల్లవై
భగ్నహృదయమే గాత్రముగా
అగ్నిహోత్రమే నేత్రముగా
దర్శనమివ్వవే స్పర్శకు అందవే
దివ్యదీధితులతో దీపకమై
తరలి రాగదే భైరవి...
తరలి రాగదే భైరవి నటభైరవి
ఆనందభైరవి ॥రా రా రా॥
చరణం : 3
నా హృదయనేత్రి విశ్వాభినేత్రి
జ్వలన్నేత్ర ధారాగ్ని
తప్తకాంచన కమ్రగాత్రి సుగాత్రి
మద్గాత్ర ముఖ సముద్భూత
గానాహ్వాన చరణచారణ
నాట్యవర్తీ సవిత్రీ ఫాలనేత్ర
ప్రభూతాగ్నిహోత్రములోన
పాపసంచయమెల్ల హవ్యమై
ఆ జన్మతపమునకు
ఈ జన్మ జపమునకు గాయత్రివై
కదలిరావే సాంధ్యదీపమా
ఇదే నయన దీపారాధన
హృదయపూర్వావాహన
ఉదయరాగాలాపన
భైరవి నటభైరవి ఆనందభైరవి
రావే... రావే... రావే... (2)