jeevana vAhini - జీవనవాహిని

jeevana vAhini - జీవనవాహిని

చిత్రం : గంగోత్రి(gangotri) (2003)

రచన : చంద్రబోస్
సంగీతం : ఎం.ఎం.కీరవాణి
గానం : కీరవాణి, గంగ, కల్పన, శ్రీవర్ధిని

పల్లవి : అతడు: ఓం... ఆమె: ఓం... అ: జీవనవాహిని... పావని...
కలియుగమున కల్పతరువు
నీడ నీవని
కనులు తుడుచు
కామధేను తోడు నీవని
ఆ: వరములిచ్చి భయము తీర్చి
శుభముగూర్చు గంగాదేవి
అ: నిను కొలిచిన చాలునమ్మా సకలలోక పావని
భువిని తడిపి దివిగ మలచి సుడులు తిరుగు
శుభగాత్రి గంగోత్రి
ఆ: గంగోత్రి... అ: గంగోత్రి... ఆ: గంగోత్రి...
ఆ: గల గల గల గంగోత్రి హిమగిరి దరి హరిపుత్రి (2)
అ: జీవనవాహిని... పావని...

చరణం : 1
అ: ఆ... మంచుకొండలో ఒక కొండవాగులా
ఇల జననమొందిన విరజావాహినీ
ఆ: సస సరి సరి గరి గప దప దప దప గరి సరి
సరి సరి
అ: విష్ణు చరణమే తన పుట్టినిల్లుగా
శివగిరికి చేరిన సురగంగ నీవనీ
అ: సనిద గరిస నిదప మగరి సరి సరి గప గప గరిస
అ: అత్తింటికి సిరులనొసగు అలకనందవై
సగరకులము కాపాడిన భాగీరథివై
బదరీవన హృషికేశ హరిద్వార ప్రయాగముల
మణికర్ణిక తనలోపల వెలసిన
శ్రీవారణాసి... ॥

చరణం : 2
అ: పసుపు కుంకుమతో పాలు పన్నీటితో
శ్రీగంధపుధారతో పంచామృతాలతో
ఆ: అంగాంగం తడుపుతూ
దోషాలను కడుగుతూ
గంగోత్రికి జరుపుతున్న అభ్యంగన స్నానం
అ: అమ్మా గంగమ్మా
కృష్ణమ్మకు చెప్పమ్మా కష్టం కలిగించొద్దని
యమునకు చెప్పమ్మా సాయమునకు వెనకాడొద్దని
గోదారికి... కావేరికి... ఏటికి... సెలయేటికి...
కురిసేటి జడివానకి దూకే జలపాతానికి
నీ తోబుట్టువులందరికీ
చెప్పమ్మా... మా గంగమ్మా...
జీవనదివిగా ఒక మోక్షనిధివిగా
పండ్లు పూలు పసుపులా పారాణి రాణిగా
ఆ: శివుని జటలనే తన నాట్యజతులుగా
జలకమాడు సతులకు సౌభాగ్యధాత్రిగా
అ: గండాలను పాపాలను కడిగివేయగా
ముక్తినదిని మూడు మునకలే చాలుగా
జలదీవెన తలకుపోసె జననియె గంగాభవాని
ఆమె అండ మంచుకొండ వాడని సిగపూదండ॥
అ: జీవన వాహిని... పావని...