chinni chinni kannayyA - చిన్ని చిన్ని కన్నయ్యా
చిత్రం : భద్రకాళి - bhadrakALi (1977)
రచన : దాశరథిసంగీతం : ఇళయరాజా
గానం : జేసుదాస్, పి.సుశీల
పల్లవి :
ఆమె: చిన్ని చిన్ని కన్నయ్యా కన్నులలో నీవయ్యానిన్ను చూసి మురిసేనూ నేను మేను మరిచేనూ
ఎత్తుకొని ముద్దాడీ ఉయ్యాలలూపేనూ
జోలపాట పాడేనూ లాలిపాట పాడేనూ
చరణం : 1
అతడు: నీ ఒడిలో నిదురించీ తీయనీ కలగాంచీ
పొంగి పొంగి పోయానూ పుణ్యమెంతో చేశానూ
ఆ: నీ ఒడిలో నిదురించీ తీయని కలగాంచీ
అ: పొంగి పొంగీ పోయానూ పుణ్యమెంతో చేశానూ
ఏడేడు జన్మలకూ నాతోడు నీవమ్మా
ఈనాటి ఈ బంధం ఏనాడు విడదమ్మా
ఆ: అమ్మవలె రమ్మనగా పాపవలె చేరేవూ
నా చెంత నీవుంటే స్వర్గమే నాదౌనూ
అ: గాయత్రి మంత్రమునూ జపించే భక్తుడనే
కోరుకున్న వరములనూ ఇవ్వకున్న వదలనులే
చరణం : 2
ఆ: స్నానమాడి శుభవేళా కురులలో పువ్వులతో
అ: దేవివలే నీవొస్తే నా మనసు నిలువదులే
ఆ: అందాల కన్నులకూ కాటుకను దిద్దేనూ
చెడుచూపు పడకుండా అదరు చుక్కపెట్టేనూ
చిన్ని చిన్ని కన్నయ్యా కన్నులలో నీవయ్యా
అ: నిన్ను చూసి మురిసేనూ నేను మేను మరిచేనూ
ఆ: ఎత్తుకొని ముద్దాడీ ఉయ్యాలలూపేనూ
అ: జోలపాట పాడేనూ
ఆ: లాలిపాట పాడేనూ
ఆ: జోలాలి... అ: జోలాలి... (2)
ఇద్దరూ: జోజోజో...
