nuvvEmi chESAvu nEram - నువ్వేమి చేశావు నేరం
చిత్రం : పెళ్లి చేసుకుందాం - peLLi chEsukundAm (1997)
రచన : సిరివెన్నెలసంగీతం : కోటి. గానం : కె.జె.ఏసుదాస్
పల్లవి :
నువ్వేమి చేశావు నేరం నిన్నెక్కడంటింది పాపం చినబోకుమా (2)
చేయూతనందించు సాయం ఏనాడు చేసింది సంఘం గమనించుమా
కన్నీటి వర్షానికి కష్టాలు చల్లారునా
మార్గం చూపే దీపం కాదా ధైర్యం ॥
చరణం : 1
జరిగింది ఓ ప్రమాదం ఏముంది నీ ప్రమేయం
దేహానికైనా గాయం ఈ మందుతోను మాయం
విలువైన నిండు ప్రాణం మిగిలుండటం ప్రధానం
అది నిలిచినంత కాలం సాగాలి నీ ప్రయాణం
స్త్రీల తనువులోనే శీలమున్నదంటే
పురుష స్పర్శతోనే తొలగిపోవునంటే
ఇల్లాళ్ల దేహాలలో శీలమే ఉండదనా
భర్తన్న వాడెవ్వడూ పురుషుడే కాదు అనా
శీలం అంటే గుణం అనే అర్థం ॥
చరణం : 2
గురివింద ఈ సమాజం పరనింద దాని నైజం
తన కింద నలుపు తత్వం కనిపెట్టలేదు సహజం
తన కళ్ల ముందు ఘోరం కాదనదు పిరికి లోకం
అన్యాయమన్న నీపై మోపింది పాప భారం
పడతి పరువు కాచే చేవలేని సంఘం
సిగ్గు పడకపోగా నవ్వుతోంది చిత్రం
ఆనాటి ద్రౌపదికి ఈనాటి నీ గతికి
అసలైన అవమానము చూస్తున్న ఆ కళ్లది
అంతేగాని నీలో లేదే దోషం ॥
Comments