దేశమును ప్రేమించుమన్నా - దేశభక్తి-గురజాడ

దేశమును ప్రేమించుమన్నా
మంచి అన్నది పెంచుమన్నా.
వొట్టిమాటలు కట్టిపెట్టోయ్
గట్టి మేల్ తలపెట్టవోయ్ !


పాడిపంటలు పొంగిపొర్లే
దారిలో నువ్వు పాటుపడవోయ్,
తిండి కలిగితే కండకలదోయ్
కండగలవాడేను మనిషోయ్ !


ఈసురోమని మనుషులుంటే
దేశమే గతి బాగుపడునోయ్ ?
బల్దుకొని కళలెల్ల నేర్చుకు
దేశి సరుకులు నించవోయ్ !

అన్ని దేశాల్ క్రమ్మవలెనోయ్
దేశి సరుకులు నమ్మవలెనోయ్
డబ్బు తేలేనట్టి నరులకు
కీర్తి సంపద లబ్బవోయ్ !


వెనుక చూచిన కార్యమేమోయ్
మంచి గతమున కొంచెమేనోయ్
మందగించక ముందు అడుగేయ్
వెనుకపడితే వెనెకెనోయ్ !

పూను స్పర్ధను విద్యలందే
వైరములు వాణిజ్యమందే
వ్యర్ధకలహం పెంచబోకోయ్
కత్తివైరం కాల్చవోయ్ !

దేశాభిమానం నాకు కద్దని
వొట్టి గొప్పలు చెప్పుకోకోయ్
పూని యేదైనాను వొక మేల్
కూర్చి జనులకు చూపవోయ్ !


ఓర్వలేమి పిశాచి దేశం
మూలుగులు పీల్చే సెనోయ్
ఒరుల మేలుకు సంతసిస్తూ
ఐకమత్యం నేర్చవోయ్ !



పరుల కలిమికి పొర్లి యేడ్చే
పాపి కెక్కడ సుఖం కదోయ్
ఒకరిమేల్ తన మేలనెంచే
నేర్పరికి మేల్ కొల్లలోయ్ !

సొంత లాభం కొంత మానుకు
పొరుగువాడికి తోడుపడవోయ్
దేశమంటే మట్టికాదోయ్
దేశమంటే మనుషులోయ్ !

చెట్టపట్టాల్ పట్టుకుని
దేశస్థులంతా నడవవలెనోయ్
అన్నదమ్ముల వలెను జాతులు
మతములన్నీ మెలగవలెనోయ్ !

మతం వేరైతేను యేమోయ్ ?
మనసు లొకటై మనుషులుంటే
జాత మన్నది లేచి పెరిగీ
లోకమున రాణీంచునోయ్ !

దేశమనియెడి దొడ్డవృక్షం
ప్రేమలను పూలెత్తవలెనోయ్
నరుల చెమటను తడిసి మూలం
ధనంపంటలు పండవలెనోయ్ !

ఆకులందున అణగి మణగీ
కవిత కోయిల పలకవలెనోయ్,
పలుకులను విని, దేశమందభి
మానములు మొలకెత్తవలెనోయ్.

రచన : స్వర్గీయ గురజాడ అప్పరావు

Category:దేశభక్తి గేయాలు

mAyadAri maisammO - మాయాదారీ మైసమ్మో

మాయాదారీ మైసమ్మో మైసమ్మా
మనము మైసారం పోదామే మైసమ్మా
మాయాదారీ మైసమ్మో మైసమ్మా
మనము మైసారం పోదామే మైసమ్మా

ఓ మైసమ్మా మైసమ్మా మైసమ్మా మైసమ్మా
నన్ను గాబర బెట్టి నన్ను గాబర బెట్టి
గయబు గాకే మైసమ్మా నన్ను పరేశానీ జేయకే మైసమ్మో 11 మాయాదారీ 11

పొద్దుగల పొద్దుగల ఎవడి మొఖం చూసానో
పొద్దుగల పొద్దుగల ఎవడి మొఖం చూసానో
పొలమును దున్నుతుంటే మైసమ్మో ఓ ఓ ఓ ఓ ఓ మైసమ్మా
నేను పొలము దున్నుతుంటిని మైసమ్మా నాకు బంగారమె దొరికెనే మైసమ్మా
నేను పొలము దున్నుతుంటిని మైసమ్మా నాకు బంగారము దొరికెనే మైసమ్మా

ఓ మైసమ్మా మైసమ్మా మైసమ్మా మైసమ్మా
నన్ను గాబర బెట్టి నన్ను గాబర బెట్టి
గయబు గాకే మైసమ్మా నన్ను పరేశానీ జేయకే మైసమ్మో 11 మాయాదారీ 11

పెద్దపట్నం పోయి పట్తుకోక తెస్తానే
పెద్దపట్నం పోయి పట్తుకోక తెస్తానే
కోకకు తగ్గ అంచు రవిక నే తెస్తానే మైసమ్మో ఓ ఓ ఓ ఓ ఓ మైసమ్మా
నీకు పదిగజాల మల్లెపూలె మైసమ్మా
తెచ్చి కొప్పునిండా పెడతానే మైసమ్మా
తెచ్చి కొప్పునిండా పెడతానే మైసమ్మా

ఓ మైసమ్మా మైసమ్మా మైసమ్మా మైసమ్మా
నన్ను గాబర బెట్టి నన్ను గాబర బెట్టి
గయబు గాకే మైసమ్మా నన్ను పరేశానీ జేయకే మైసమ్మో 11 మాయాదారీ 11

ఓ మైసమ్మా మైసమ్మా మైసమ్మా మైసమ్మా
నన్ను గాబర బెట్టి నన్ను గాబర బెట్టి
గయబు గాకే మైసమ్మా నన్ను పరేశానీ జేయకే మైసమ్మో

మాయాదారీ మైసమ్మో మైసమ్మా
మనము మైసారం పోదామే మైసమ్మా
మాయాదారీ మైసమ్మో మైసమ్మా
మనము మైసారం పోదామే మైసమ్మా

Category: జానపద గేయాలు

pushpa vilApam - పుష్పవిలాపం

నీ పూజ కోసం పూలు కోసుకొద్దామని పొద్దున్నే మా తోటలోనికి వెళ్ళాను ప్రభూ ఉదయశ్రీ అరుణారుణ కాంతులతో ఉద్యానవనం కలకలలాడుతోంది పూల బాలలు తల్లి ఒడిలో అల్లారు ముద్దుగా ఆడుకుంటున్నాయి అప్పుడు

నేనొక పూల మొక్క కడ నిల్చి చివాలున కొమ్మవంచి
గోరానెడు నంతలోన విరులన్నియు జాలిగ
నోళ్ళు విప్పి మా ప్రాణము తీతువాయనుచు
బావురుమన్నవి కృంగిపోతి నా
మానసమందేదో తళుకు మన్నది పుష్పవిలాప కావ్యమై

అంతలో ఒక సన్నజాజికన్నె సన్నని
గొంతుకతో నన్ను చూసి యిలా అంది ప్రభు

ఆయువుగల్గు నాల్గు గడియల్ కనిపించిన తీవతల్లి
జాతీయత దిద్ది తీర్తుము తదీయ కరమ్ములలోన
స్వేచ్చ్చమై ఊయల లూగుచున్ మురియుచుందుము
ఆయువు తీరినంతనే హాయిగ కన్ను మూసెదము
ఆయమ చల్లని కాలి వ్రేళ్ళపై

ఎందుకయ్యా మా స్వేచ్చ జీవనానికి అడ్డు వస్తావు
మేము నీకేం అపకారము చేసాము

గాలిని గౌరవింతుము సుగంధము పూసి
మమ్మాశ్రయించు బృంగాలకు విందు చేసెదము
కమ్మని తేనెలు మిమ్ముబోంట్ల నేత్రాలకు హాయి
గూర్తుము స్వతంత్రులు మమ్ముల స్వార్ధబుద్ధితో తాలుము
త్రుంచ బోకుము తల్లికి బిడ్డకి వేరుచేతువే

యింతలో ఒక గులాబి బాల కోపంతో
మొగమంతా ఎర్రబడి యిలా అంది ప్రభూ..
ఊలు దారాలతో గొంతుకురి బిగించి గుండెలోనుండి
సూదులు గుచ్చి కూర్చి, ముడుచుకొందురు ముచ్చట
ముడుల మమ్ము అకట దయలేనివారు మీ యాడవారు

పాపం మీరు దయాదాక్షిణ్యాలుగల మానవులు కావోలునే

మా వెలలేని ముగ్ధసుకుమార సుగంధ మరంద మాధురీ
జెవితమెల్ల మీకయి త్యహించి కృశించి నశించిపోయే
మా యౌవనమెల్ల కొల్లగొని ఆపై చీపురుతోడ చిమ్మి
మమావల పారబోతురుగదా నరజాతికి నీతియున్నదా

:వోయీ మానవుడా

బుద్ధదేవుని భూమిలో పుట్టినావు
సహజమంగు ప్రేమ నీలోన చచ్చ్చేనేమి
అందమును హత్య చేసి హంతకుండా
మైలపడిపోయెనో నీ మనుజ జన్మ

అని దూషించు పూలకన్నియల కోయలేక
వట్టిచేతులతో వచ్చిన నాయీ హృదయ కుసుమాంజలి
గైకొని నాపై నీ రేఖలను కరుణశ్రీ
ప్రసరింపుము ప్రభు.