vinnAvA yaSOdamma - విన్నావా యశోదమ్మ

చిత్రం : మాయాబజార్ (1957)
రచన : పింగళి నాగేంద్రరావు
సంగీతం : ఘంటసాల
గానం : లీల, సుశీల, స్వర్ణలత, బృందం

విన్నావా యశోదమ్మ... విన్నావా యశోదమ్మ...
మీ చిన్ని కృష్ణుడు చేసినట్టి అల్లరి చిల్లర పనులు
విన్నావా యశోదమ్మ...

అన్నెం పున్నెం ఎరుగని పాపడు
మన్ను తినే నా చిన్న తనయుడు
ఏమి చేసెనమ్మా? ఎందుకు రవ్వచేతురమ్మా?

ఆఁ... మన్ను తినేవాడా వెన్న తినేవాడా
కాలి గజ్జెల సందడి సేయక
పిల్లి వలె మా ఇంట్లో దూరి ॥గజ్జెల॥
ఎత్తుగ కట్టిన ఉట్టందుకొని
దుత్తలన్నీ కింద దించుకొని ॥
పాలన్నీ తాగేసెనమ్మా
పెరుగంతా జుర్రేసెనమ్మా
వెన్నంతా మెక్కేసెనమ్మా

ఒక్కడె ఎట్లా తినేసెనమ్మా
ఎక్కడనైనా కలదమ్మా
ఇది ఎక్కడైనా కలదమ్మా
విన్నావటమ్మా ఓ యశోద
గోపిక రమణుల కల్లలు
ఈ గోపిక రమణుల కల్లలు

ఆఁ... ఎలా బోకరిస్తున్నాడో
పోనీ పట్టిద్దామంటే చిక్కుతాడా
భామలందరొక యుక్తిని పన్ని
గుమ్మమునొకరుగ కాచియుండగా ॥
ఒకరింట్లో విని గజ్జెల గలగల
ఒకరింట్లో విని వేణు గానము ॥
ఆహా... ఇంకేం..!
దొంగ దొరికెనని పోయి చూడగా
చెంగుననెటకో దాటిపోయె
ఎలా వచ్చెనో ఎలా పోయెనో
చిలిపి కృష్ణునే అడగవమ్మా ॥వచ్చెనో॥
నాకేం తెలుసు... నేనక్కడ లేందే
మరి ఎక్కడున్నావు?
కాళింది మడుగున విషమును కలిపే
కాళియు తలపై తాండవమాడి ॥
ఆ విష సర్పమునంతము చేసి
గోవుల చల్లగ కాశానే (3)

nAkOsam nuvvu juTTu - నాకోసం నువ్వు జుట్టు

చిత్రం : మగధీర (2009)
రచన, సంగీతం : ఎం.ఎం.కీరవాణి
గానం : దీపు, గీతామాధురి

పల్లవి :
బబ్బబబ్బబ బాగుంది బబబబ్బ బాగుంది
బబ్బబబ్బ బాగుంది బాగుంది
నాకోసం నువ్వు జుట్టు పీక్కుంటే బాగుంది
నేనంటే పడి చచ్చిపోతుంటే బాగుంది ॥
నాకోసం నువ్వు గోడ దూకేయడం బాగుంది
నే కనపడక గోళ్లు కొరికేయడం బాగుంది
పిచ్చి పిచ్చి పిచ్చి పిచ్చిగా
నచ్చ నచ్చ నచ్చావోయ్
పిచ్చి పిచ్చి పిచ్చి పిచ్చిగా నచ్చావోయ్ ॥పిచ్చి॥॥

చరణం : 1
కెబిఆర్ పార్కులో జాగింగుకు వెళ్లావంటూ
విశ్వసనీయ వర్గాల ఇన్ఫర్మేషన్
స్విస్ వీధుల మంచులో
మాట్లాడుతూ ఫ్రెంచ్‌లో
బర్గర్ తింటున్నావంటూ ఇంటిమేషన్
పాలకడలి అట్టడుగుల్లో
పూలపరుపు మెత్తటి దిళ్లో
పైన పడుకుండుంటావని కాలిక్యులేషన్
ఘన గోపుర భవంతిలో జనజీవన స్రవంతిలో
నా వెనకేవుంటూ దాగుడుమూతలు
ఆడడమనుకుంటా నీ ఇంటెన్షన్ ॥పిచ్చి॥

చరణం : 2
ఎవరో ఒక వనితామణిని
నువ్వేమోననుకుని పిలిచి
కాదని తెలిశాక వగచి సర్లే అని విడిచి
వెనకడుగేయొద్దుర కన్నా
వెనకే ఉందేమో మైనా
ఎదురెదురైపోతారేమో ఇహలో ఎపుడైనా
అనుకుంటూ కలగంటూ తనతోనే బ్రతుకంటూ
దొరకీ దొరకని దొరసాని
దరికొచ్చేదెపుడంటున్నా అంటున్నా అంటున్నా ॥పిచ్చి॥

alalu kadilinA pATE - అలలు కదిలినా పాటే

చిత్రం : సీతామాలక్ష్మి (1978)
రచన : వేటూరి
సంగీతం : కె.వి.మహదేవన్
గానం : పి.సుశీల

పల్లవి :
అలలు కదిలినా పాటే ఆకు మెదిలినా పాటే
కలలు చెదిరినా పాటే కలతచెందినా పాటే
ఏ పాట నే పాడను బ్రతుకే పాటైన పసివాడను ఏ పాట నే పాడను బ్రతుకే పాటైన పసివాడను
ఏ పాట నే పాడను...

చరణం : 1
ఏలుకుంటే పాట మేలుకుంటే పాట
పాడుకుంటే పాట మా దేవుడు ॥
శ్రీమన్నభీష్ట వరదాఖిల లోకబంధో
శ్రీశ్రీనివాస జగదేక దయైక సింధో
శ్రీదేవతాగృహ భుజాంతర దివ్యమూర్తే
శ్రీవేంకటాచలపతే తవ సుప్రభాతం
ఆ సుప్రభాతాలు ఆ భక్తిగీతాలు
పాడకుంటే మేలుకోడు మమ్మేలుకోడు
ఏ పాట నే పాడను...

చరణం : 2
తల్లడిల్లే వేళ తల్లి పాడే జోల
పాల కన్నా తీపి పాపాయికి ॥
రామలాలీ మేఘశ్యామ లాలీ
తామరసనయన దశరథ తనయ లాలీ ॥
ఆ... రామలాలికి ఆ ప్రేమగీతికి
రాముడైన పాప ఇల్లాలికి... ఈ లాలికీ ॥పాట॥

చరణం : 3
చేరువై హృదయాలు దూరమైతే పాట
జంట బాసిన గువ్వ ఒంటి బ్రతుకే పాట
ఎందుకో ఎందుకో...
నా మీద అలిగాడు చెలికాడు
ఎందుకో నా మీద అలిగాడు చెలికాడు
ఎదురు చూసిన చూపు చుక్కలైనా రాడు
నిదురకాచిన కంట కల అయిన కాలేడు ॥
గారాలు నీరాయే తీరాలు వేరాయే
మనసు మీరాలాయే వయసేటి పాలాయే ॥॥

22 May - నేడు వేటూరి వర్ధంతి