soundaryalahari - సౌందర్యలహరి

చిత్రం : పెళ్లిసందడి (1996)
రచన : చంద్రబోస్
సంగీతం : ఎం.ఎం.కీరవాణి
గానం : బాలు, చిత్ర, బృందం

పల్లవి :
సౌందర్యలహరి... సౌందర్యలహరి...
సౌందర్యలహరి స్వప్నసుందరి
నువ్వే నా ఊపిరి
శృంగారనగరి స్వర్ణమంజరి రావే రసమాధురీ
వన్నె చిన్నెల చిన్నారి నీ జంట కోరి
ఎన్ని జన్మలు ఎత్తాలే ఈ బ్రహ్మచారి
కల నుంచి ఇల చేరి కనిపించు ఓసారి ॥

చరణం : 1
పాల చెక్కిళ్లూ జుజుజుజు జుజుజుజు
దీపాల పుక్కిళ్లూ జుజుజుజు జుజుజుజు
పాల చెక్కిళ్లూ పాల పుక్కిళ్లూ
అదిరేటి అధరాలు హరివిల్లులా
ఫక్కున చిందిన నవ్వులలో ఆ...
లెక్కకు అందని రతనాలు ఆ...
యతికైన మతిపోయే ప్రతిభంగిమా
ఎదలోనె పురివిప్పి ఆడింది వయ్యారి
॥

చరణం : 2
నీలికన్నుల్లూ జుజుజుజు జుజుజుజు
నా పాలి సంకెళ్లూ జుజుజుజు జుజుజుజు
నీలికన్నుల్లూ నా పాలి సంకెళ్లూ
నను చూసి వలవేసి మెలివెయ్యగా
ఊసులు చెప్పిన గుసగుసలు ఆ....
శ్వాసకు నేర్పెను సరిగమలు ఆ...
కలగంటి తెలుగింటి కలకంఠినీ
కొలువుంటె చాలంట నాకంట సుకుమారి ॥

allO nErELLO - అల్లోనేరేళ్లో

చిత్రం : ఒకరికి ఒకరు (2003)
రచన : చంద్రబోస్
సంగీతం : ఎం.ఎం.కీరవాణి
గానం : కీరవాణి, గంగ, బృందం

పల్లవి : అల్లోనేరేళ్లో అల్లోనేరేళ్లో (2)
జనకుని కూతురు జానకి అల్లోనేరేళ్లో
జాజుల సోదరి జానకి అల్లోనేరేళ్లో
మిథిలా నగరిని జానకి అల్లోనేరేళ్లో
ముద్దుగా పెరిగిన జానకి అల్లోనేరేళ్లో
అందాలరాముని పరిణయమాడి
అయోధ్య చేరును జానకి అల్లోనేరేళ్లో ॥
చరణం : 1
ఏటిపాయల పాపిటకి
కుంకుమబొట్టే ఆభరణం
ఎదురుచూపుల కన్నులకి కాటుకరేఖే ఆభరణం
పుడమినంటని పదములకి
పసుపు వన్నెలే ఆభరణం
పెదవి దాటని మాటలకి
మౌనరాగమే ఆభరణం
మగువ మనసుకి ఏనాడో
మనసైన వాడే ఆభరణం ॥
చరణం : 2
చేయిజారిన చందమామని అందుకోగలనా
రాయలేని నా ప్రేమలేఖని అందజేయగలనా
దూరమైన నా ప్రాణజ్యోతిని చేరుకోగలనా
చేరువై నా మనోవేదన మనవిచేయగలనా
నా ప్రేమతో తన ప్రేమని గెలుచుకోగలనా ॥

pAli~ncharA ra~mgA - పాలించరా రంగా

చిత్రం : విప్రనారాయణ (1954)
రచన : సముద్రాల రాఘవాచార్యులు
సంగీతం : సాలూరి రాజేశ్వరరావు
గానం : ఎ.ఎం.రాజా

పల్లవి :
పాలించరా రంగా పరిపాలించరా రంగా
కరుణాంతరంగ శ్రీరంగా (2)
పాలించర రంగా

చరణం : 1
మరువని తల్లివి తండ్రివి నీవని
మరువని తల్లివి తండ్రివి నీవని
నెరనమ్మితిరా రంగా
మొరవిని పాలించే దొరవని
మొరవిని పాలించే దొరవని
శరణంటినిరా శ్రీరంగా
పాలించర రంగా

చరణం : 2
మనసున నీ స్మృతి మాయకమునుపే (2)
కనులను పొరలూ మూయకమునుపే
కనరారా... ఆ... ఆ...
కనరారా నీ కమనీయాకృతి
కనియద మనసారా రంగా
కనియద మనసారా...
పాలించరా రంగా పరిపాలించరా రంగా

చరణం : 3
కరులును హరులును మణిమందిరములు (2)
సురభోగాలను కోరనురా (2)
దరి కనరానీ భవసాగరమును
దాటించుమురా గరుడ తురంగా ॥

19 July - నేడు సముద్రాల సీనియర్ జయంతి



External Link:
R A A G A