ammAyi nachchEsindi - అమ్మాయి నచ్చేసింది

ammAyi nachchEsindi - అమ్మాయి నచ్చేసింది

చిత్రం : నువ్వే నువ్వే - nuvvE nuvvE(2002)

రచన : సిరివెన్నెల - sirivennela
 సంగీతం : కోటి - kOTi
గానం : రాజేష్ - rAjesh, కౌసల్య - kousalya

 పల్లవి :
 అతడు: అమ్మాయి నచ్చేసింది ఆహ్వానమిచ్చేసింది
 ఓ ముద్దమందారంలా ముస్తాబయ్యింది
 ఆమె: వైశాఖమొచ్చేసింది ఇవ్వాళో రేపో అంది
 ఓ మంచి ముహూర్తం చూసి సిద్ధం కమ్మంది
 అ: ఓ ఓ ఓ... ఈ కబురు విన్న ఎదలో
   ఎన్నెన్ని పొడుపుకథలో
 ఆ: మనువే కుదిరి కునుకే చెదిరి
 మురిపెం ముదిరి నా మనసు నిలవనంది
 కొమ్మల్లో చిలక మోమాటం పడక వచ్చి వాలమ్మా ॥
 చరణం : 1
 అ: ఈ గాలి రోజూలా వీస్తున్నా ఈవేళ వేరేలే వింటున్నా
   సన్నాయి రాగాలుగా
 ఆ: నావైపు రోజూలా చూస్తున్నా
   ఈనాడే ఏదోలా ఔతున్నా
 నీ కన్ను ఏమన్నదో... నా ఈడు ఏం విన్నదో
 అ: ఆశపెట్టి పెట్టి పెట్టి చంపొద్దమ్మా ఇట్టా
 ఆ: నువ్వు పట్టి పట్టి పట్టి చూస్తూవుంటే ఎట్టా
 అ: ఎన్నెన్నో అనిపించి ఉక్కిరిబిక్కిరి ఔతున్నా॥॥
 చరణం : 2
 ఆ: ముత్యాల మేనాలే రప్పించి మేఘాల వీధుల్లో
   తిప్పించి ఊరేగనీ హాయిగా
 అ: అందాల హద్దుల్నే తప్పించి వందేళ్ల కౌగిళ్లే అందించి
   ఊరించు ఆ వేడుక... ఓ... ఊహించ నీ నన్నిలా
 ఆ: ఏంటి గిచ్చి గిచ్చి రెచ్చగొట్టేలా నువ్వు
 అ: ఇంత పిచ్చి పిచ్చి పిచ్చి పెంచేస్తోందే నువ్వు హోయ్
 ఆ: కవ్వించి కరిగించి కరిగే వయసును కాపాడు
 ఆ: కొమ్మల్లో చిలక మోమాటం పడకా వచ్చి వాలమ్మా॥

srusTikarta oka brahma - సృష్టికర్త ఒక బ్రహ్మ

srusTikarta oka brahma - సృష్టికర్త ఒక బ్రహ్మ

చిత్రం : అమ్మరాజీనామా - amma rAjInAmA (1991)

 రచన : దాసరి నారాయణరావు - dAsari nArAyaNarAo
 సంగీతం : చక్రవర్తి - Chakravarti
 గానం : కె.జె.ఏసుదాస్ - K. J. yEsudAs
పల్లవి :
 సృష్టికర్త ఒక బ్రహ్మ
 అతనిని సృష్టించినదొక అమ్మ ॥
 ఆ అమ్మకే తెలియని చిత్రాలు ఎన్నో
 ఈ సృష్టినే స్తంభింపచేసే తంత్రాలు ఎన్నో ॥
 చరణం : 1
 బొట్టుపెట్టి పూజచేసి
 గడ్డి మేపి పాలు తాగి
 వయసు ముదిరి వట్టిపోతే గోవుతల్లే కోతకోత ॥
 విత్తునాటి చెట్టు పెంచితే...
 చెట్టు పెరిగి పళ్ళు పంచితే...
 తిన్న తీపి మరచిపోయి చెట్టుకొట్టి కట్టెలమ్మితే
 లోకమా ఇది న్యాయమా? (2) ॥
 చరణం : 2
 ఆకుచాటు పిందె ముద్దు
 తల్లిచాటు బిడ్డ ముద్దు
 బిడ్డ పెరిగి గడ్డమొస్తే కన్నత ల్లే అడ్డు అడ్డు ॥
 ఉగ్గుపోసి ఊసు నేర్పితే...
 చేయిబట్టి నడక నేర్పితే...
 పరుగు తీసి పారిపోతే
 చేయిమార్చి చిందులేస్తే
 లోకమా ఇది న్యాయమా? (2) ॥

nuvvEmi chESAvu nEram - నువ్వేమి చేశావు నేరం

nuvvEmi chESAvu nEram - నువ్వేమి చేశావు నేరం

చిత్రం : పెళ్లి చేసుకుందాం - peLLi chEsukundAm  (1997)

రచన : సిరివెన్నెల
 సంగీతం : కోటి. గానం : కె.జె.ఏసుదాస్

నేడు కె.జె.ఏసుదాస్ పుట్టినరోజు - K. J. yEsudAs Birthday

 పల్లవి :
 నువ్వేమి చేశావు నేరం నిన్నెక్కడంటింది పాపం చినబోకుమా     (2)
 చేయూతనందించు సాయం ఏనాడు చేసింది సంఘం గమనించుమా
 కన్నీటి వర్షానికి కష్టాలు చల్లారునా
 మార్గం చూపే దీపం కాదా ధైర్యం    ॥
 చరణం : 1
 జరిగింది ఓ ప్రమాదం ఏముంది నీ ప్రమేయం
 దేహానికైనా గాయం ఈ మందుతోను మాయం
 విలువైన నిండు ప్రాణం మిగిలుండటం ప్రధానం
 అది నిలిచినంత కాలం సాగాలి నీ ప్రయాణం
 స్త్రీల తనువులోనే శీలమున్నదంటే
 పురుష స్పర్శతోనే తొలగిపోవునంటే
 ఇల్లాళ్ల దేహాలలో శీలమే ఉండదనా
 భర్తన్న వాడెవ్వడూ పురుషుడే కాదు అనా
 శీలం అంటే గుణం అనే అర్థం    ॥
 చరణం : 2
 గురివింద ఈ సమాజం పరనింద దాని నైజం
 తన కింద నలుపు తత్వం కనిపెట్టలేదు సహజం
 తన కళ్ల ముందు ఘోరం కాదనదు పిరికి లోకం
 అన్యాయమన్న నీపై మోపింది పాప భారం
 పడతి పరువు కాచే చేవలేని సంఘం
 సిగ్గు పడకపోగా నవ్వుతోంది చిత్రం
 ఆనాటి ద్రౌపదికి ఈనాటి నీ గతికి
 అసలైన అవమానము చూస్తున్న ఆ కళ్లది
 అంతేగాని నీలో లేదే దోషం  ॥