ok anESA dEkhO - ఓకే అనేశా దేఖో
చిత్రం : కొత్తబంగారులోకం (2008)రచన : సిరివెన్నెల
సంగీతం : మిక్కీ జె.మేయర్
గానం : నరేష్ అయ్యర్, కళ్యాణి
21 July - నేడు వరుణ్ సందేశ్ బర్త్‌డే
(varun sandES birth day)
పల్లవి :
ఓకే అనేశా దేఖో నా భరోసానీకే వదిలేశా నాకెందుకులే రభసా
॥
భారమంతా నేను మోస్తా అల్లుకో ఆశాలత
చేరదీస్తా సేవ చేస్తా రాణిలా చూస్తా
అందుకేగా గుండెలో నీ పేరు రాశా
తెలివనుకో తెగువనుకో మగజన్మ కదా
కథ మొదలనుకో తుది వరకు నిలబడగలదా ॥
చరణం : 1
పరిగెడదాం పదవే చెలీ... ఎందాకా అన్నానా
కనిపెడదాం తుది మజిలీ... ఎక్కడున్నాం
ఎగిరెళదాం ఇలనొదిలి... నిన్నాగమన్నానా
గెలవగలం గగనాన్ని... ఎవరాపినా
మరోసారి అను ఆ మాట
మహారాజునైపోతాగా
ప్రతి నిమిషం నీకోసం...
ప్రాణం సైతం పందెం వేసేస్తా
పాత ఋణమో కొత్త వరమో
జన్మ ముడి వేసిందిలా
చిలిపి తనమో చెలిమి గుణమో ఏమిటీ లీల
స్వప్నలోకం ఏలుకుందాం రాగమాలా
అదిగదిగో మదికెదురై కనబడలేదా
కథ మొదలనుకో తుది వరకు నిలబడగలదా
చరణం : 2
పిలిచినదా చిలిపి కల... వింటూనే వచ్చేశా
తరిమినదా చెలియనిదా... పరుగుతీశా
వదిలినదా బిడియమిలా... ప్రశ్నల్ని చెరిపేశా
ఎదురవదా చిక్కు వల... ఎటో చూశా
భలేగుందిలే నీ ధీమా భరిస్తుందిలే ఈ ప్రేమ
అదరకుమా బెదరకుమా...
పరదా విడిగా సరదా పడదామా
పక్కనుంటే ఫక్కుమంటూ
నవ్వినాడా ప్రియతమా
చిక్కులుంటే బిక్కుమంటూ లెక్క చేస్తామా
చుక్కలన్నీ చిన్నబోవా చక్కనమ్మా
మమతనుకో మగతనుకో మతి చెడిపోదా
కథ మొదలనుకో తుది వరకు నిలబడగలదా
