rAmanavami - రామనవమి
చిత్రం : శిరిడిసాయి(shirdi sai) (2012)
రచన : వేదవ్యాససంగీతం : ఎం.ఎం.కీరవాణి
గానం : హరిహరన్, మాళవిక, బృందం
సాకీ :
శ్రీ రామా జయ రామా...
రమణీయ నామ రఘురామా...॥రామా॥
పల్లవి : రామనవమి చెప్పింది
రామకథా సారం (2)
శ్రీరామనవమి చెప్పింది
రామకథా సారం (2)
ఊరూ వాడా సంబరం (2)
చిందేసింది అంబరం
రామనవమి జయ రామనవమి
శ్రీరామనవమి చెప్పింది
రామకథా సారం
చరణం : 1
దశరథుని ఇంట రామరూపమున
కౌసల్య కడుపు పండెను
విశ్వామిత్రుని వెంట దాశరథి
విశ్వశాంతి విలసిల్లెను
పాదధూళితో రాయిని రమణిగా
మార్చెను మంగళధాముడు (2)
శివ ధనువు విరిచి నవ వధువును
సీతను చేరెను రాముడు
సాయి... ఆ రాముడు కొలిచిన పరమ
శివుడవు పరమేశ్వరుడవు నీవే సాయి
పరమేశ్వరుడవు నీవే సాయి...
రామ సాయి రామ సాయి
రామ సాయిరాం (4)
రామ రామ రామ రామ (2)॥
చరణం : 2
తండ్రి మాటకే విలువ తెలిపింది
దండకారణ్య పయనము
మాయలేడితో మలుపు తిరిగింది
మాధవదేవుని ప్రయాణము
వానరసేనలు వారధి కట్టగా
వారిధి దాటెను నరవరుడు (2)
రణ శిరమున రావణు కూర్చి
పట్టాభిరాముడాయె రఘురాముడు
సాయి... ఆ రామసాయి శ్రీకృష్ణ సాయి
శ్రీరంగ సాయివి నీవే సాయి
సకల దేవత సన్నిధి నీవే
సమర్థ సద్గురు షిరిడిసాయి॥సాయి॥॥
