vidhi ADina ATalalOna - విధి ఆడిన ఆటలలోన
పల్లవి :విధి ఆడిన ఆటలలోన అలసినదా ఈ ప్రేమ
మది పాడిన పాటలలోన
ఎగసినదా ఈ ప్రేమ
హృదయాలను వీడనిది
ఉదయాలను చూపునది
గ్రహణాలను పిలిచినదా తలచే ప్రేమ
గమ్యాలను చూపునది గగనాలకు సాగినది
శూన్యాలను వెతికినదా వలచే ప్రేమ
॥
చరణం : 1ప్రేమా నీ విలువేదమ్మా
ప్రేమా నీ చలువేదమ్మా
నిలువెల్ల విషముగ మారి చూస్తూ ఉన్నావు
ప్రేమా నీ దయలేదమ్మా
ప్రేమా నీ ప్రేమేదమ్మా
తొలిప్రేమను బలిగా కోరి
ఆడుతున్నావు
తొలివేకువ తరుణాన
మలిసంధ్యగ మారావు
కోపమా... ద్వేషమా... శాపమా...
ఆశలవంతెన పరిచావు మృత్యువు
ముంగిట నిలిపావు... ఆ... ॥
చరణం : 2
ప్రేమా నువ్వు కరుణించావా
ప్రేమా నువ్వు కనిపించావా
కలలన్నీ నిజములు చేసి గుండె నింపావు
ప్రేమా నువ్వు బ్రతికించావా
ప్రేమా నువ్వు వినిపించావా
కథలన్నీ రుజువులు చేసి ప్రేమ పంచావు
చలివెన్నెల సమయాన
చెలి చెక్కిలి తడిమావా
హాయిగా... జాలిగా... చేరగా...
జన్మకు అర్థం తెలిపావు
తీర ని ఋణమై నిలిచావు... ఆ...
విధి ఆడిన ఆటలలోన
గెలిచినదా ఈ ప్రేమ
మది పాడిన పాటలలోన
మురిసినదా ఈ ప్రేమ
హృదయాలను వీడనిది
ఉదయాలను చూపినది
గ్రహణాలను చెరిపినదా తలచే ప్రేమ
గమ్యాలను చూపినది గగనాలకు సాగినది
చైత్రాలను పిలిచినదా వలచే ప్రేమ
చిత్రం : గుడ్‌మార్నింగ్ (2012)
రచన : మౌనశ్రీమల్లిక్
సంగీతం : రవి కళ్యాణ్, గానం : దిన్‌కర్
