vastunnAy vastunnAy - వస్తున్నాయ్ వస్తున్నాయ్

vastunnAy vastunnAy - వస్తున్నాయ్ వస్తున్నాయ్

మరో ప్రజాప్రస్థానం
రచన : అనంత శ్రీరామ్
సంగీతం : వందేమాతరం శ్రీనివాస్
గానం : శ్రీకాంత్, బృందం

వచనం :
మనమందరం చేయి చేయి కలుపుదాం
ఒకటవుదాం...
ప్రియతమ నాయకుడు రాజశేఖర్‌రెడ్డి గారి
ఆశయాలను నెరవేరుస్తాం...
పల్లవి :
వస్తున్నాయ్ వస్తున్నాయ్ వస్తున్నాయ్ అవిగో
జన్ననాథ రథచక్రాలొస్తున్నాయ్ ఇవిగో॥
అనుపల్లవి :
దూసుకుంటూ తోసుకుంటూ
ప్రజల బాధ మోసుకుంటూ॥
ప్రేమలు పెనవేసుకుంటూ
ప్రమాణాలు చేసుకుంటూ
చరిత తిరగ రాసుకుంటూ
మరో ప్రజాప్రస్థానం సాగించుటకై
మహానేత ఆశయాలు సాధించుటకై॥
చరణం : 1
కంటి నుండి చూపును విడగొట్టే కుట్ర
గుండె నుండి ఊపిరి లాగేసే కుట్ర
నోటి నుండి ముద్దని తల్లి నుండి బిడ్డని
ప్రజల నుండి ప్రజానేతని
వేరుచేయాలని సర్కారు కుట్ర
సర్కారుతో కుమ్మక్కై ప్రతిపక్షం పన్నే కుట్ర
కుట్రలింక సాగబోవని కుతంత్రాలు గెలవలేవని
నా మాటగా చెప్పమని
తన చెల్లిని పంపాడోయ్ జగనన్న॥॥
చరణం : 2
ఆదుకొంది ఎందరినో ఆరోగ్యశ్రీ
చదివించిందెందరినో ఫీజుల మాఫీ
ప్రాణార్తుల పెన్నిధి ఒకటి సున్న ఎనిమిది
ఏమైందా ఆ పథకాల సన్నిధి
యాడుందా ఆ స్వర్ణయుగం అన్నదీ
పథకాలకు తూట్లు పొడుచు పాలన పాలైనది
ఎన్నాళ్లీ రాబందు రాజ్యం... ఏరేద్దాం రారా నేస్తం॥మాటగా॥॥॥
జనం వెంట జగన్ జగన్ జగన్ జగన్ జగన్
జగన్ వెంట జనం జనం జనం జనం జనం॥
చరణం : 3
చుక్క చుక్క నీటిబొట్టు సముద్రంగా మారదా
చినికి చినికి చినికి గాలి తుపాను చెలరేగదా
అడుగు అడుగు కలుస్తుంటే
భుజం భుజం కలుపుతుంటే
తిరుగులేని జన సైన్యం మనమేరా
తిరగబడితే అన్యాయం హతమేరా
అన్నదాత కంటినీరు తుడిచేదాకా పోరు జరపరా
రావాలిక రాజన్న రాజ్యం...
రైతన్నకి అదేరా స్వరాజ్యం...॥మాటగా॥॥

purivippina nemali - పురివిప్పిన నెమలి

purivippina nemali - పురివిప్పిన నెమలి

చిత్రం : వైశాలి (2011)
రచన : కృష్ణచైతన్య
సంగీతం : ఎస్.థమన్
గానం : సుచిత్ర, థమన్

పల్లవి :
పురివిప్పిన నెమలి అందము
కురిసిన ఆ చినుకు అందము
కలగలిపిన క్షణము అందము
ఈ దారం ఆధారం అయ్యిందో ఏమో
తొలి తొలి పరవశం ఇది
అడుగడుగున తేలుతున్నది
తడబడి పొడిమాటలే మది
అచ్చుల్లో హల్లుల్లో నన్నే జోకొట్టింది
ఓ మాయా అమ్మాయా...
నువ్వే లేక లేనులే మాయా॥మాయా॥
చరణం : 1
వెలిగే దీపం సిందూరమే
మెడలో హారం మందారమే
ఎదనే తడిమెను నీ గానమే
పరువం పదిలం అననే అనను
వీచే గాలి ప్రేమే కదా
శ్వాసై గాలై చేరిందిగా
ఎదకే అదుపే తప్పిందిగా
మైకం మైకం ఏదో మైకం
మైకం మైకం మైకం మైకం॥తొలి॥॥॥మాయా॥
చరణం : 2
నాతో నాకే ఓ పరిచయం
మునుపే లేదే ఈ అవసరం
మాయే చేసింది ఒక్కో క్షణం
జగమే సగమై కరిగెనేమో
హృదయం ఉదయం నీ చూపుతో
కరిగే కోపం నీ నవ్వుతో
విరిసెను వలపే ఈ వేళలో ॥

valapulOni chilipitanam - వలపులోని చిలిపితనం

valapulOni chilipitanam - వలపులోని చిలిపితనం

చిత్రం : తోడు-నీడ (tODu neeDa)(1965)
రచన : ఆత్రేయ, సంగీతం : కె.వి.మహదేవన్
గానం : పి.బి.శ్రీనివాస్, ఎస్.జానకి

పల్లవి :
వలపులోని చిలిపితనం ఇదేలే
నీ చెలిమిలోని గట్టి చిక్కు అదేలే॥
చరణం : 1
కన్నులకి అల్లరి నేర్పినది ఎవ్వరు
మనసులోన జొరబడిన మగసిరి గల ధీరుడు
అంత ధీరుడీనాడు ఏమైనాడు (2)
నీ ఇంత గుండెలోన ఇమిడిపోయినాడు (2)॥
చరణం : 2
తెలిసీ తెలియని మనసు తెరిచినది ఎవ్వరు
లోనికి రాగానే మూసినది ఎవ్వరు ఎవ్వరు
తీయని కలలను తినిపించినదెవ్వరు (2)
తినిపించి చిటికెలోన ఓడించినదెవ్వరు॥
చరణం : 3
చలివేసే వేళలో వేడైనది ఎవ్వరు
వేడైన విరహంలో తోడైనదెవ్వరు
నాలోన ఉండి నాకు నీడైనది ఎవ్వరు (2)
తోడునీడగా ఉండి దోచినది ఎవ్వరు (2)॥