evariki evaru kApalA - ఎవరికి ఎవరు కాపలా

evariki evaru kApalA - ఎవరికి ఎవరు కాపలా

చిత్రం : ఇంటికి దీపం ఇల్లాలు(inTiki deepam illAlu) (1961)
రచన : ఆచార్య ఆత్రేయ
సంగీతం : విశ్వనాథన్-రామ్మూర్తి
గానం : పి.బి.శ్రీనివాస్

పల్లవి :
ఎవరికి ఎవరు కాపలా... ఆ...
బంధాలన్నీ నీకేలా॥
ఈ బంధాలన్నీ నీకేలా॥
చరణం : 1
తనువుకు ప్రాణం కాపలా
మనిషికి మనసే కాపలా
తనువును వదిలి తరలే వేళ...
తనువును వదిలి తరలే వేళ
మన మంచే... మనకు కాపలా॥
చరణం : 2
కంటికి రెప్పే కాపలా
కలిమికి ధర్మం కాపలా
కలిమి సర్వము తొలగిన వేళ
పెట్టినదేరా... గట్టి కాపలా॥
చరణం : 3
చిన్నతనాన తల్లి కాపలా
వయసున వలచిన వారు కాపలా
ఎవరి ప్రేమకు నోచని వేళ
కన్నీరేరా... నీకు కాపలా
కన్నీరేరా నీకు కాపలా॥

bhAg sAlE bhAg sAle - భాగ్ సాలే భాగ్ సాలే

bhAg sAlE bhAg sAle - భాగ్ సాలే భాగ్ సాలే

చిత్రం : బిజినెస్‌మేన్ (Business man) (2012)
రచన : భాస్కరభట్ల రవికుమార్
సంగీతం : ఎస్.ఎస్.థమన్
గానం : మహేష్‌బాబు,పూరీ జగన్నాథ్, రంజీత్,రాహుల్, నవీన్ మాధవ్, అలాప్ రాజు

భాగ్ సాలే... భాగ్ సాలే... భాగ్ సాలే...
కలబడితే వదలనొరేయ్...
కలబడితే వదలనులే
మరిగితె కుతకుత తెగబడి నరుకుత
ఆడూలేదు ఈడూలేదు
జాగానైరే తేరరేకొ చల్‌బే
బిచాణా సర్ది చల్‌బే...
భాగ్ సాలే...

కనికరమే తెలవదురోయ్
జగజగజగడమే
జడవక దిగడమే
దందా నాది ధమ్‌కీ నాదీ
ఆజ్ సే మేరా అడ్డా చల్‌బే
మారుంగామే సాలే తూ చల్‌బే
భాగ్ సాలే... సాలే భాగ్
పరిగెత్తాలే...

ఇది నా యిలాకా... నాతోటి యెట్టుకోక
నా జోలికొచ్చి కెలికితే రేగుతాది కాక
భాగ్ సాలే...
యే మేరా అడ్డా హై... తూ హఠ్ జారే సాలే
భాగ్ సాలే... భాగ్ సాలే...
దిల్ బహారే ముంబై... జాన్ ఉడారే ముంబై...

గుర్తుపెట్టుకో...
నీకంటే తోపెవడూ లేడిక్కడ
నీకేదనిపిస్తే అది చెయ్యి
ఎవడి మాటా వినద్దు మనిషి మాట అసలు వినద్దు
నీ టార్గెట్ టెన్ మైల్సైతే
ఎయిమ్ ఫర్ ద లెవెన్త్ మైల్
కొడ్తే దిమ్మతిరిగిపోవాలి...
చల్... భాగ్ సాలే...

EnATikI manamokaTEnani - ఏనాటికీ మనమొకటేనని

EnATikI manamokaTEnani - ఏనాటికీ మనమొకటేనని

చిత్రం : శివమణి (SivamaNi) (2003)
రచన : భాస్కరభట్ల
సంగీతం : చక్రి
గానం : రఘు కుంచె, కౌసల్య

పల్లవి :
ఏనాటికీ మనమొకటేనని
ఏ చీకటి ఇటు రాలేదని
పొరపాటుగా అనుకున్నామని
తెలిసిందిలే కలగన్నామని
కన్నీరు జోరయ్యింది
ఆ నీరు ఏరయ్యింది
నువ్వు లేక సంతోషమా
వాకిట్లో వసంతాలు ఆనాటి సాయంత్రాలు
నువ్వు లేక శూన్యం సుమా
నాతోనే నువ్వు ఉంటానని
ఆరోజే నువ్వు అన్నావని
ఎలా నేను మరిచేది ఓ నేస్తమా॥
చరణం : 1
నీ కోసమే మిగిలున్నానిలా
నువ్వురాక నేనింక ఎన్నాళ్లిలా
నా గుండెలో నీ ఆలోచన
నా కంటిపాపల్లో ఆవేదన
ఇది మౌనరాగాల సంకీర్తన
ఇలా చూడు ఏవైపు అడుగేసినా
నీలోనే సగమున్నాననీ
నీకోసం మిగిలున్నాననీ
ఎలా నీకు తెలిపేది
ఓ నేస్తమా॥
చరణం : 2
మరుపన్నది ఇటు
రాదే ఎలా
నా మనసుకేమైంది
లోలోపల
వలపన్నది చెలరేగే అలా
ఎదలోన దాగుండిపోదే ఎలా
జడివానలా వచ్చి తడిపేయవా
ప్రియా అంటూ ప్రేమార పిలిచేయవా
నీవైపే ఎద లాగిందని
నీ చూపే అది కోరిందని
చెలీ నీకు తెలిశాక చెలగాటమా॥॥
Watch Some more songs from this movie:

Mona Mona
Rama Rama

Listen all songs:
SivamaNi (Or)
SivamaNi

manasupaDi manasupaDi - మనసుపడి మనసుపడి

manasupaDi manasupaDi - మనసుపడి మనసుపడి

చిత్రం : ప్రేమికులరోజు(prEmikularOju) (1999)
రచన : ఎ.ఎం.రత్నం, శివగణేష్
సంగీతం : ఎ.ఆర్.రెహమాన్
గానం : శ్రీకుమార్, శ్రీనివాస్, బృందం


పల్లవి : మనసుపడి మనసుపడి మన్మథుడె మనసుపడి (2)
నీకోసం పుట్టాడే వరుడుగా వచ్చాడే (2)
మనసుపడి మనసుపడి మరుమల్లె మనసుపడి
నీకోసం పుట్టెనులే వధువుగా నిలిచెనులే (2)
నా గుండెలే ఆటస్థలముగా ఎగిరెగిరి ఆటలు ఆడిన
చిన్నారివి నీవే తల్లి
కళ్యాణవేళ ముస్తాబయ్యి పెళ్లికొడుకుతో ముచ్చటలాడి
ఆనందమే జీవితమంటూ సాగు
గోరింటతో ముగ్గులు పెట్టి
మణికట్టుకి గాజులు తొడిగి
ఈ రోజా చేతికి
రోజా పువ్వందించు॥
నీ వరుడు రేపు వేంచేస్తాడు
తన ప్రేమ నీకు పంచిస్తాడు
నీ పెళ్లి వేదికను నే వెయ్య
ఆ వరుడు చేయి నీ కందియ్య
నీ తండ్రి మది ఉయ్యాలలూగ
చరణం : 1 ఆ... మనసులోని ప్రేమ నీకు చెప్పలేదు
చెప్పబోవునంతలో నా పెదవి మెదల లేదు॥
ఆదుకున్న దైవం ఆశ తీర్చ నేను
ఆశీస్సులు అందిస్తున్నా కంటనీరుతోను
నా కనులనిండుగా నీరూపం
నిను తలచుకొన డమే నా ధ్యేయం (2)
నీ ఆనందమే నా సంతోషం నా ప్రేమే ధన్యం
కలకాలం వర్ధిల్లు... వర్ధిల్లు కలకాలం...॥
చరణం : 2 కలువ కళ్లకేమో కాటుకను తీర్చి
కారుమబ్బు కురులలోన మొగలిపూలు పేర్చి॥
విలువ కట్టలేని మణులు ఎన్నో దాల్చి
హంసలాగ వేదికకొచ్చె
చంద్రబింబ వదనం
మేళతాళం మ్రోగగా వధువునకు
తాళిబొట్టు కట్టెలే పెళ్లికొడుకు॥
ఈ పేద హృదయమే
దీవించ పూలజల్లే కురియు
వర్ధిల్లు కలకాలం... ॥
For Remaining Songs:

Vaalu Kannuladaana | HD |
Dhaandiya
Roja Roja | HD |
Prema Ane - Kunal - Sonali Bendre
Oh Maria Oh Maria | HD |

pillagAli allari - పిల్లగాలి అల్లరి

pillagAli allari - పిల్లగాలి అల్లరి

చిత్రం : అతడు(ataDu) (2005)
రచన : సిరివెన్నెల
సంగీతం : మణిశర్మ
గానం : శ్రేయాఘోషల్

పల్లవి :
పిల్లగాలి అల్లరి ఒళ్లంత గిల్లి
నల్లమబ్బు ఉరిమేనా (2)
కళ్లెర్రజేసి మెరుపై తరిమేనా
ఎల్లలన్నీ కరిగి
జల్లుమంటు ఉరికి
మా కళ్లలో... వాకిళ్లలో...
వేవేల వర్ణాల వయ్యారి జాణ
అందమైన సిరివానా ముచ్చటగా
మెరిసే సమయాన ॥
చరణం : 1
మౌనాల వెనకాలా వైనాలు తెలిసేలా
గారంగా పిలిచేనా
ఝల్లుమంటు గుండెలోన
తుంటరిగా తుళ్లుతున్న థిల్లానా ॥
ఇంద్రజాలమై వినోదాల సుడిలో
కాలాన్ని కరిగించగా
చంద్రజాలమై తరంగాల ఒడిలో
ఏళ్లన్నీ మురిపించగా
తారలన్నీ తోరణాలై
వారాల ముత్యాల హారాలయ్యేనా
చందనాలు చిలికేనా ముంగిలిలో
నందనాలు విరిసేనా॥
చరణం : 2
నవ్వుల్లో హాయి రాగం...
మువ్వల్లో వాయు వేగం...
ఏమైందో ఇంతకాలం...
ఇంతమంది
బృంద గానం...
ఇవ్వాళే పంపెనేమో ఆహ్వానం...॥
పాలవెల్లిగా సంతోషాలు చిలికే
సరదా సరాగాలుగా
స్వాతి జల్లుగా స్వరాలెన్నో పలికే
సరికొత్త రాగాలుగా
నింగిదాక పొంగిపోగా
హోరెత్తిపోతున్న గానా బజానా
చెంగుమంటు ఆడేనా చిత్రంగా
జావళీలు పాడేనా ॥

rAdhaku nIvErA prANam - రాధకు నీవేరా ప్రాణం

rAdhaku nIvErA prANam - రాధకు నీవేరా ప్రాణం

చిత్రం : తులాభారం(tulAbhAram) (1974)
రచన : రాజశ్రీ, సంగీతం : సత్యం
గానం : పి.సుశీల
25 June - నేడు శారద బర్త్‌డే
(SArada Birthday)

పల్లవి :
రాధకు నీవేరా ప్రాణం
ఈ రాధకు నీవేరా ప్రాణం
రాధాహృదయం మాధవనిలయం (2)
ప్రేమకు దేవాలయం...
ఈ రాధకు నీవేరా ప్రాణం (2)
చరణం : 1
నీ ప్రియ వదనం వికసిత జలజం
నీ దరహాసం జాబిలి కిరణం॥ప్రియ॥
నీ శుభచరణం... ఈ రాధకు శరణం
నీ శుభచరణం ఈ రాధకు శరణం॥
చరణం : 2
బృందావనికి అందము నీవే
రాసక్రీడకు సారథి నీవే॥
యమునాతీరం...
యమునాతీరం రాగాల సారం॥

Special Note:
శారద 1945 జూన్ 25న గుంటూరు జిల్లాలోని తెనాలిలో జన్మించారు. ఆమె అసలు పేరు తాడిపర్తి సరస్వతి. 1955లో ‘కన్యాశుల్కం’ సినిమాలో బాలనటిగా సినీరంగ ప్రవేశం చేశారు. దాదాపు 1961 వరకు బాలనటిగా ఉన్న శారద తర్వాత హాస్యనటిగా పలు పాత్రలు ధరించారు. తెలుగు, తమిళ, కన్నడ, మలయాళ భాషలలో దాదాపు 300పైగా చిత్రాలలో నటించారు. ఉత్తమ నటిగా మూడు సార్లు ‘ఊర్వశి’ అవార్డును అందుకున్నారు. మరెన్నో సినీ అవార్డులు ఆమెను వరించాయి.

E gunlANTi kannulunna - ఏ గన్నులాంటి కన్నులున్న

E gunlANTi kannulunna - ఏ గన్నులాంటి కన్నులున్న

చిత్రం : గబ్బర్‌సింగ్(gabbar singh) (2012)
రచన, సంగీతం : దేవిశ్రీ ప్రసాద్
గానం : పవన్ కళ్యాణ్, వడ్డేపల్లి శ్రీనివాస్

సాకీ :
ఏ పిల్లా అట్లా నవ్వేసేసి పారిపోమాకే బాబు...
మీరేంట్రా నన్ను చూస్తున్నారు
ఎవడి డప్పు వాడు కొట్టండెహ... అది... ఓయ్
పల్లవి :
ఏ గన్నులాంటి కన్నులున్న జున్నులాంటి పిల్లా
ఏ నవ్వుతోటి నన్ను పేల్చి పారిపోతేయెల్లా॥గన్నులాంటి॥
ఏ సుందరి సుందరి సుందరి
మనసుని చేసినావే ఇస్తిరీ
స్ట్రాబెర్రీ బ్లూ బెర్రీ బ్లాక్ బెర్రీ మిక్స్ చేసి
లిప్పులో పెట్టినావే ఫ్రెంచ్ జ్యూసు ఫ్యాక్టరీ
పిల్లా నువ్వు లేని జీవితం
నల్లరంగు అంటుకున్న తెల్ల కాగితం
అహ పిల్లా నువ్వు లేని జీవితం
ఆవకాయ బద్దలేని మందు కంటే దారుణం॥గన్నులాంటి॥
చరణం : 1
పంచదార పెట్టి రుద్దినట్టు
మంచి తేనె తెచ్చి అద్దినట్టు
దాక్షపండు తీసి పిండినట్టు
ఎంత తీపి ఉన్నదే నీ నవ్వు చుట్టు
వెయ్యి ముగ్గు సుక్కలెట్టినట్టు... విన్నాంలే
పొయ్యిమీద పాటు పొంగినట్టు.. విన్నాంలే
పూటకొక్క పండగొచ్చినట్టు
ఏదేదో అవుతోందే నీ మీద ఒట్టు
సంపకే సంపకే సంపకే
నిప్పులాంటి నవ్వులోకి దింపకే
ఏ సింపకే సింపకే సింపకే
నల్లని రాత్రిని సింపకే రంగుతో నింపకే
పిల్లా నువ్వులేని జీవితం
బ్రేకు లేని బైక్ నే రయ్యమంటు తోలడం
హే... పిల్లా నువ్వు లేని జీవితం
ట్రాకు లేని ట్రైన్ మీద కుయ్యమంటు యెల్లడం
చరణం : 2
ఒక్క జానడంత కప్పుకోసం...
పెద్ద వరల్ట్ కప్పు జరుగుతాది
నీ నవ్వులున్న లిప్పుకోసం...
చిన్న వరల్ట్ వారు జరిగినా తప్పులేదే
కొన్ని వేల కోట్ల అప్పుకోసం...
కాపు కాసి ఉన్నదంట దేశం
ఒక్క నవ్వునంట ఇవ్వు పాపం
దాన్ని అమ్ముకుంటే అప్పు బాధ తప్పుతాదే
కొట్టినా కొట్టినా కొట్టినా
గుండెలోన దాగివున్న డప్పుని
రాసినా రాసినా రాసినా
నవ్వుపై ఎవ్వరూ రాయని మస్తు మస్తు పాటని
పిల్లా నువ్వు లేని జీవితం
తాడు లేని బొంగరాన్ని గిర్రుమంటు తిప్పడం
హేయ్ పిల్లా నువ్వు లేని జీవితం
నూనెలోంచి వానలోకి జారిపడ్డ అప్పడం

External Link:
Gabbar Singh Full Video Songs
Gabbar Singh Full Audio Songs

mAvA mAvA mAvA - మావా మావా మావా

mAvA mAvA mAvA - మావా మావా మావా

చిత్రం : మంచిమనసులు (ma~nchi manasulu) (1962)
రచన : కొసరాజు
సంగీతం : కె.వి.మహదేవన్
గానం : ఘంటసాల, జమునారాణి, బృందం
23 June - నేడు కొసరాజు జయంతి

పల్లవి :
మావా మావా మావా... (2)
ఏమే ఏమే భామా... (2)
పట్టుకుంటే కందిపోవు
పండు వంటి చిన్నదుంటే
చుట్టు చుట్టుతిరుగుతారు మర్యాదా?॥
తాళి కట్టకుండ ముట్టుకుంటే తప్పుకాదా?
మావా మావా మావా... (2)
వాలువాలు చూపులతో
గాలమేసి లాగిలాగి
ప్రేమలోకి దింపువాళ్లు మీరు కాదా?॥
చెయ్యి వెయ్యబోతే
బెదురుతారు వింతగాదా?
ఏమే ఏమే భామా... (2)
చరణం : 1
నీవాళ్లు నావాళ్లు రాకనే
మనకు నెత్తిమీద అక్షింతలు పడకనే (2)
సిగ్గు దాచి... ఓహో...
సిగ్గు దాచి ఒకరొకరు
సిగను పూలు కట్టుకొని
టింగు రంగయంటు ఊరు తిరుగొచ్చునా
లోకం తెలుసుకోక
మగవాళ్లు మెలగొచ్చునా
మావా మావా మావా... (2)
హోయ్ హోయ్ హోయ్... (2)
చరణం : 2
కళ్లు కళ్లు కలుసుకోని రాకముందే
అహ కప్పుకున్న సిగ్గు జారిపోకముందే॥
మాయజేసి ఒహో
మరులుగొల్పి ఒహో...
మాయజేసి మరులుగొల్పి మాటగల్పి
మధురమైన మా మనసు దోచవచ్చునా?
నీవు మర్మమెరిగి ఈమాట అడగవచ్చునా
ఏమే ఏమే భామా... (2)
చరణం : 3
పడుచుపిల్ల క ంటపడితే వెంటబడుదురు
అబ్బో వలపంతా ఒలకబోసి
ఆశ పెడుదురు॥
పువ్వు మీద... ఒహో...
పువ్వు మీద వాలు పోతు తేనెటీగ వంటి
మగవాళ్ల జిత్తులన్నీ తెలుసులేవయ్యా
మా పుట్టి ముంచు కథలన్నీ విన్నామయ్యా
మావా మావా మావా... (2)
హోయ్ హోయ్ హోయ్... (2)
చరణం : 4
కొత్త కొత్త మోజుల్ని కోరువారు
రోజు చిత్రంగా వేషాలు మార్చువారూ॥
టక్కరోళ్లుంటారు టక్కులు జేస్తుంటారు
నీవు చెప్పు మాట కూడ నిజమేనులే
స్నేహం దూరంగా ఉన్నపుడే జోరవునులే
అవునే అవునే భామా... (2)
కట్టుబాటు ఉండాలి గౌరవంగా బ్రతకాలి
ఆత్రపడక కొంతకాలమాగుదామయా॥
ఫెళ్లున పెళ్లైతే ఇద్దరికీ అడ్డులేదయ్యా
మావా మావా మావా... (2)

abhinandana mandAra mAla - అభినందన మందారమాల

abhinandana mandAra mAla - అభినందన మందారమాల

చిత్రం : తాండ్రపాపారాయుడు(tANDra pApArAyuDu) (1986)
రచన : డా॥సి.నారాయణరెడ్డి
సంగీతం : సాలూరు రాజేశ్వరరావు
గానం : కె.జె.ఏసుదాస్, పి.సుశీల

పల్లవి :
అభినందన మందారమాల... (3)
అధినాయక స్వాగతవేళ...
అభినందన మందారమాల
స్త్రీ జాతికీ ఏనాటికీ స్మరణీయ మహనీయ వీరాగ్రణికి
అభినందన మందారమాల...
అధినాయక స్వాగతవేళ...
అభినందన మందారమాల
చరణం : 1
వేయి వేణువులు నిన్నే పిలువగ
నీ పిలుపు నావైపు పయనించెనా॥
వెన్నెల కన్నెలు నిన్నే చూడగా (2)
నీ చూపు నా రూపు వరియించెనా
నీ చూపు నా రూపు వరియించెనా
నా గుండెపై నీవుండగా...
దివి తానే భువిపైన దిగివచ్చెనా
అభినందన మందారమాల...
అలివేణీ స్వాగతవేళ...
అభినందన మందారమాల
సౌందర్యమూ సౌశీల్యమూ నిలువెల్ల
నెలకొన్న కలభాషిణికి
అభినందన మందారమాల
చరణం : 2
వెండి కొండపై వెలసిన దేవర
నెలవంక మెరిసింది నీ కరుణలో॥
సగము మేనిలో ఒదిగిన దేవత (2)
నునుసిగ్గు తొణికింది నీ తనువులో
నునుసిగ్గు తొణికింది నీ తనువులో
ప్రియ భావమే లయరూపమై
అలలెక్కి ఆడింది అణువణువులో
అభినందన మందారమాల
ఉభయాత్మల సంగమ వేళ
అభినందన మందారమాల

nallavADE ammammO - నల్లవాడే అమ్మమ్మో

nallavADE ammammO - నల్లవాడే అమ్మమ్మో

చిత్రం : దసరా బుల్లోడు(dasarA bullODu) (1971)
రచన : ఆచార్య ఆత్రేయ
సంగీతం : కె.వి.మహదేవన్
21 June - నేడు కె.వి.మహదేవన్ వర్ధంతి

పల్లవి :
నల్లవాడే... అమ్మమ్మో అల్లరి పిల్లవాడే
చిన్నవాడే... అయ్యయ్యో
మన చేత చిక్కినాడే ॥
ఓలమ్మి చిన్నవాడనుకొని చేరదీస్తే (2)
ముంచుతాడే... కొంప ముంచుతాడే
చరణం : 1
సున్నమైన వెన్నలా మింగుతాడే
చద్దినీళ్లైనా చల్లలా తాగుతాడే
అహా... ॥
వెన్నముద్దకని వెనకెనక వస్తాడే (2)
వచ్చాడే వచ్చాడే వచ్చాడే...
ఇచ్చాడే ఇచ్చాడే ఇచ్చాడే...
వెచ్చంగ ఒక్కటిచ్చి వెక్కిరించిపోతాడే॥
చరణం : 2
నెమలి ఈక పెట్టవే... డుడుం డుడుం డుం
మురళి చేతికివ్వవే... ॥
అబ్బో వాయిస్తాడిప్పుడు ఉండవే (2)
వదలగొడతాడు తుప్పులు
చూడు చూడు చూడవే ॥
చరణం : 3
ఆ ముద్దు కృష్ణుడే ఈ ముద్దుగుమ్మడే
ఆలమంద ఎక్కడే కోతిమూక ఉన్నదే
॥ముద్దు కృష్ణుడే॥
ఆనాడు నాకున్న ఆరువేల భామల్లో
మీరిద్దరెవ్వరూ
మీలో నాముద్దుగుమ్మ ఎవ్వరూ॥
నువ్వా నా ముద్దుగుమ్మా... ఆ...
అయితే ఓ ముద్దు ఇమ్మా ఆహా..॥
ఇవ్వనా... ఇవ్వనా... ఇచ్చింది చాలునా
ఓహోహో కృష్ణుడు ఓ ముద్దుగుమ్మడు...॥

గానం : ఘంటసాల, పి.సుశీల, ఎస్.జానకి

పల్లవి :
నల్లవాడే... అమ్మమ్మా అల్లరి పిల్లవాడే (2)
చిన్నవాడే... ఓయమ్మా రాధకే చిక్కినాడే
లేదమ్మా లేదు రుక్మిణికే దక్కినాడే॥
చరణం : 1
వెన్నవంటి మనసున్న చిన్నవాడే
చిన్ననాటి నుండి నువ్వు కోరుకున్నవాడే॥
ప్రేమకే బానిసై పోతాడే
కాదమ్మా భక్తికే దాసుడై ఉంటాడే॥॥
చరణం : 2
నువ్వు వావి వరస ఉన్నదానివి
నువ్వు వలపు దోచుకున్న దానివి॥
మనసిచ్చి మాట పుచ్చుకొంటివి
నీ మనసిచ్చి మాట పుచ్చుకొంటివి
మంచితనముతో నువ్వు గెలుచుకొంటివి॥
చరణం : 3
రాధాకృష్ణులు కథలేనమ్మా...
వారు ఎన్నడూ ఆలుమగలు కాలేదమ్మా॥
రాధాకృష్ణుల ప్రేమే పవిత్రము
లోకానికే అది ఆదర్శము (2)
గోపాల బాలుడు... నీ ప్రేమలోలుడు
గోపాల కృష్ణుడు... నీపాలి దేవుడు॥
వాడు నీ వాడే... కాదు నీ వాడే...
కాదు నీ వాడే... కాడు కాడు...కానే కాడు...
గానం : పి.సుశీల, ఎస్.జానకి

kannula lOgililO - కన్నుల లోగిలిలో

kannula lOgililO - కన్నుల లోగిలిలో

చిత్రం : రాజా(rAjA) (1999)
రచన : సిరివెన్నెల
సంగీతం : యస్.ఎ.రాజ్‌కుమార్
గానం : ఉన్నికృష్ణన్, చిత్ర

పల్లవి :
ఆ... ఆ... లలలాలలా... లలలాలలా
కన్నుల లోగిలిలో వెన్నెల విరిసింది
చల్లని జాబిలితో స్నేహం కుదిరింది
చెలిమి తోడుంటే చాలమ్మా
లేనిది ఏముంది
ఆశ చిటికేస్తే చాలమ్మా
అందనిదేముంది
కన్నుల లోగిలిలో వెన్నెల విరిసింది
చల్లని జాబిలితో స్నేహం కుదిరింది
చరణం : 1
గున్నమామి గొంతులో తేనెతీపి
నింపుతూ కోయిలమ్మ చేరుకున్నది
ఎండమావి దారిలో పంచదార
వాగులా కొత్తపాట సాగుతున్నది
ఒంటరైన గుండెల్లో ఆనందాల
అందెలతో ఆడే సందడిది
అల్లిబిల్లి కాంతులతో ఏకాంతాల
చీకటిని తరిమే బంధమిది
కల చెరగని కలలను చూడు
కంటికి కావాలి నేనుంటా
కల తరగని వెలుగులు నేడు
ఇంటికి తోరణమనుకుంటా
కన్నుల లోగిలిలో వెన్నెల విరిసింది
చల్లని జాబిలితో స్నేహం కుదిరింది
చరణం : 2
పంచుకున్న ఊసులూ పెంచుకున్న
ఆశలూ తుళ్లితుళ్లి ఆడుతున్నవి
కంచెలేని ఊహలే పంచవన్నె గువ్వలై
నింగి అంచు తాకుతున్నవి
కొత్తజల్లు కురిసింది బ్రతుకే
చిగురు తొడిగేలా వరమై ఈవేళ
వానవిల్లు విరిసింది మిన్ను మన్ను
కలిసేలా ఎగసే ఈవేళ
అణువణువును తడిపిన ఈ తడి
అమృతవర్షిణి అనుకోనా
అడుగడుగున పచ్చని బాటను
పరిచిన వనమును చూస్తున్నా
//కన్నుల//

hE rAkhI rAkhI - హే... రాఖీ రాఖీ

hE rAkhI rAkhI - హే... రాఖీ రాఖీ

చిత్రం : రాఖీ(rAkhI) (2006),
రచన : సిరివెన్నెల
సంగీతం : దేవిశ్రీ ప్రసాద్
గానం : మమతా మోహన్‌దాస్, దేవిశ్రీ

సాకీ :
ఇందిందిరానందమిది
ఇందీవరమరందమిది
అందాల సందోహమిది
సంధాన సన్నాహమిది
పల్లవి :
హే... రాఖీ రాఖీ
రాఖీ నా కవ్వసాకీ
నీకే గురిపెడుతుందే ఈ కన్నె తుపాకీ
హే... లడికీ లడికీ లడికీ
నా ఆంధ్రా లడికీ
దూసుకు వస్తున్నావే నువు నా ఒళ్లోకి
వెళ్లకు ఊర్లోకి ఒంటరిగా ఊరేగి
వందలకొద్దీ వర్ణాలద్ది ఎగబడదా పైకి
హోయ్ సొంపుల సుడిలోకి
దింపావే సారంగి
ఉక్కిరిబిక్కిరి అయిపోతున్నా
నిండారా మునిగి
హే... రావా రావా రావా
రెక్కల గుర్రం ఎక్కి
ఎత్తుకుపోవా నీతో చక్క లోకంలోకి
హే రావే రావే రావే గువ్వా గుండెల్లోకి
సరదా తీరుస్తాలే దిగవే రంగంలోకి॥॥
చరణం : 1
హే... సింహంలా దూకి
నువ్వొచ్చేసరికి
జింకల్లే సిగ్గంతా పోదా చెట్టెక్కి
కవ్విస్తూ కులికే నువ్వేసే వలకి
చిట్టెలుకై చిక్కానే మత్తే నెత్తెక్కి
హే... సాహసానికి మొక్కి
సంతోషంగా చేజిక్కి
సొంత సొమ్మైవస్తా ఒళ్లోకి
ఆనందంగా బందీ కానా నీ కౌగిలికి
ఆధారంగా అల్లుకుపోనా నీ ఆశలకి
ఆహారంగా స్వాహా కానా నీ ఆకలికి
అహా ఓహో అంటానయ్యో నీ ఆవిరికి॥
చరణం : 2
హో... దా దా దా దరికి ధీమాగా ఉరికి
దాపరికం ఆగేనా నీ దాదాగిరికి
గారంగా దొరికి అందే సుందరికి
దాసోహం అయిపోనా
నా దాహం పెరిగి
దాడి చేస్తే దొరికి
దడ పుట్టించే మగసిరికి
ఓడిపోతా ఆపేయ్ అడ్డంకి... ఓ...
అయ్యో అయ్యో
ఏమయ్యిందో బాలామణికి
ఒళ్లో ఉయ్యాలెయ్యాలేమో కేరింతలకి
హే... తయ్యారయ్యే
ఉన్నానయ్యో నీ తాకిడికి
హే... వస్తానంటే ఇస్తా
కన్యాదానం తమకి ॥॥

keraTAniki AarATam - కెరటానికి ఆరాటం

keraTAniki AarATam - కెరటానికి ఆరాటం

చిత్రం : జీవనతీరాలు (jeevana teerAlu) (1977)
రచన : డా॥సి.నారాయణరెడ్డి
సంగీతం : చక్రవర్తి
గానం : ఎస్.పి.బాలు, పి.సుశీల

పల్లవి :
కెరటానికి ఆరాటం తీరం చేరాలని
తీరానికి ఉబలాటం
ఆ కెరటం కావాలని ॥
ఎందుకో ఈ ఆరాటం...
అందుకే అందుకే ఆ ఉబలాటం...॥
చరణం : 1
కురులపై మెరిసే చినుకులు
ఆణిముత్యాలై
తనువుపై కురిసే చినుకులు
తడితడి ముచ్చటలై
మది లోపలి తెరతీసి
మారాము చేస్తుంటే (2)
పదునైన కోరిక ఏదో
పెదవినే గురి చూస్తుంది॥
చరణం : 2
ఏమి వెన్నెల ఎంతకూ
మన ఇద్దరి పైనే పడుతున్నది
తనకు దాహం వేసిందేమో
మనలనల్లరి పెడుతున్నది
ఎంతెంత దగ్గరగా ఇద్దరమూ ఉన్నా
మరికాస్త ఇంకాస్త ఒదిగిపొమ్మని
మౌనంగా ఉరుముతున్నది
వెన్నెల ఉరుముతున్నది॥
చరణం : 3
ఇది వసంతమని తెలుసు
కోయిల పాటలకు
ఇదే మూలమని తెలుసు
తీయని పంటలకు
లలిత లలిత యువ పవన చలిత
పల్లవ దళాలలోన
రమణీయ కుసుమ రమణీ రంజిత
భ్రమర గీతిలోనా
నవనవలాడే అనుభవమేదో...
నన్నే అలగా మలచుకున్నది... (2)
అందుకే ఈ ఆరాటం...
ఇందుకే ఇందుకే ఆ ఉబలాటం...॥

chilikinta chiguru - చిలికింత చిగురు

chilikinta chiguru - చిలికింత చిగురు

చిత్రం : చిరంజీవులు (1956)
రచన : మల్లాది రామకృష్ణశాస్త్రి
సంగీతం : ఘంటసాల
గానం : ఘంటసాల, పి.లీల
17 June - నేడు మల్లాది రామకృష్ణశాస్త్రి జయంతి

పల్లవి :
చిలికింత చిగురు సంపంగి గుబురు
చినదాని మనసూ చినదాని మీద మనసూ
హోయ్... ॥
మనసైన చినదానికి అందానికీ (2)
కనుసైగ మీద మనసూ (2)
చరణం : 1
అరె... చెంపకు చారడేసి కన్నులున్న చిన్నదీ
చిన్నదాని సిగలో రేకలెన్నో
గువ్వకన్ను రైకమీద చుక్కలెన్నో
ఎన్నుకో వన్నెలెన్నుకో చిన్నెలెన్నుకో (2)
వన్నె చిన్నెలెన్నుకో ఎన్నికైన చిన్నవాడా
పైరుగాలి ఘుమఘుమలో
చెంగావి చెంగు రిమరిమలో
చరణం : 2
దిరిసెన పూవుమీద చిలుకూ ముగ్గులూ
చిన్నారి బుగ్గమీద చిలిపీ సిగ్గులూ
మల్లెల దొంతరలూ మరువల్లే దొంతరలూ
మనసే... మనసే మరుమల్లెల దొంతర
మన ఊసే విరజాజి దొంతర
పాలవెన్నెలలో మురిపాల వెన్నెలలో॥


Special Note:
పూర్తి పేరు : మల్లాది రామకృష్ణశాస్త్రి
జననం : 17-06-1905
జన్మస్థలం : కృష్ణాజిల్లాలోని మచిలీపట్నం
తల్లిదండ్రులు : కనక వల్లి, నరసింహశాస్త్రి
తోబుట్టువులు : నలుగురు చెల్లెళ్లు (కృష్ణవేణి, మహాలక్ష్మి, వెంకటరమణ, మంగతాయారు), కృష్ణవేణి తర్వాత మగపిల్లలు కవలలు పుట్టి చనిపోయారు. మహాలక్ష్మి తర్వాత మరో మగశిశువు శ్రీనివాస్ ఏడాది పెరిగి చనిపోయారు.
చదువు : ఎం.ఎ
వివాహం - భార్య : 1920 - వెంకటరమణ
సంతానం : ఇద్దరు కుమారులు (నరసింహశాస్త్రి, సూరిశాస్త్రి)ఇద్దరు కుమార్తెలు (రాజ్యలక్ష్మి, సర్వలక్ష్మి)
తొలిచిత్రం-పాట : చిన్నకోడలు (1952) - పిల్లనగ్రోవి పాటకాడ...
ఆఖరిచిత్రం : వీరాంజనేయ (1968) (మల్లాదివారి కథల్లోంచి ఒక పాటను తీసుకొని అత్తగారు-కొత్తకోడలు (1968) చిత్రంలో వాడారు)
పాటలు : 200 పాటలు (39 చిత్రాలకు)
ఇతరవిషయాలు : మల్లాది వారి పూర్వీకులు గూడూరు వాస్తవ్యులు. వీరి వంశానికి మూలపురుషుడు మల్లాది నారాయణశాస్త్రి. వీరిది తరతరాలుగా పండిత వంశం. వీరి వంశంలో అయిదవ తరానికి చెందినవారు మల్లాది రామకృష్ణశాస్త్రి. పుస్తక పఠనం, భారత భాగవత రామాయణ కథలు, చరిత్రలు, పద్యాలు ఇలా అన్నింటిపై చిన్నప్పటి నుండే ఇష్టం పెంచుకున్నారు. మల్లాదివారు ఏకసంథాగ్రాహి. కాలే జ్ చదువుకున్న రోజుల్లో ఆయనకు ‘విద్యాభూషణ‘ అనే బిరుదు ఉందని విషయం చాలా మందికి తెలియదు. మల్లాది వారి తొలికథ ‘భారతి‘లో అచ్చయినప్పుడు వారి వయస్సు పదిహేనేళ్లు. ఆంధ్రప్రదేశ్‌లో ఉన్న అన్ని పత్రికలలో ఆయన కథలు, కథానికలు అచ్చవడం, వాటికి మంచిపేరు రావడం జరిగింది. దర్శకులు గూడవల్లి రామబ్రహ్మం ‘పల్నాటియుద్ధం’ చిత్ర రచన విషయంలో సలహాల కోసం 1945లో మల్లాదివారిని మద్రాసుకు ఆహ్వానించారు.
మరణం : 12-09-1965

bhaga bhaga maNDE - భగభగ మండే

bhaga bhaga maNDE - భగభగ మండే

చిత్రం : మున్నా(munnA) (2007)
రచన : కందికొండ
సంగీతం : హారిస్ జయరాజ్
గానం : శంకర్ మహదేవన్

పల్లవి :
భగభగ మండే
ఆ సూర్యుడు నేలకు నేరుగా
అతిథిగ వచ్చే
ఓ నిప్పుల వర్షం తీరుగా
చెమటలు పుట్టే
ఆ మంచుకు సైతం జోరుగా
మెరుపుగ చేరే చీకట్లో కిరణంలాగా
హే... ఒకడొచ్చేశాడే వీడే
ఓ పిడుగైనాడే
నేడే పిడికిల్లో సర్వం బంధిచేసేస్తాడే
హే... సమరానికి కూడా వీడే
సై సయ్యన్నాడే నేడే
ఎదురెళ్లి తాడోపేడో తేల్చేస్తాడే॥
చరణం : 1
వీడే వీడే హోరుగాలై వీచే...
లేచే లేచే లేచి ఉప్పెనల్లే మారే
ఉంటే ఉంటే తప్పు ఉండే ఉంటే
ఎత్తిచూపి సరిచేసి తీరుతాడే
బాధల్లోనే అండై ఉండి
ఆశే నింపి సాగిస్తాడే
ఓడావంటే ధైర్యానిచ్చి
దారే నీకే చూపిస్తాడే॥
చరణం : 2
లేదే లేదే హద్దు లేనే లేదే...
చూడే తానే ఒక్క యోధుడల్లే మారే
దూసే దూసే చురకత్తే దూసే
దమ్మే చూపి ఇక దుమ్ము లేపుతాడే
కష్టాలుంటే తోడుంటాడే
కన్నీరొస్తే తుడిచేస్తాడే
ప్రేమే పంచి ప్రేమిస్తాడే
నీడై తానే లాలిస్తాడే॥


Extra songs:
Chamakkuro munna
Munna Vasthava Vasthava
ManasA nuvvuNDE
Konchem Konchem
Kadhulu Kadhulu | 1 |

EmO EmounO - ఏమో ఏమౌనో

EmO EmounO - ఏమో ఏమౌనో

చిత్రం : ఇట్లు శ్రావణి సుబ్రవుణ్యం(iTlu SrAvaNi subrahmaNyam) (2001)
రచన : సాహితి
సంగీతం, గానం : చక్రి
15 June - నేడు చక్రి బర్త్‌డే

పల్లవి :
ఎయాయియే ఎయాయియే
ఏహే యాయియాయియే
ఏమో ఏమౌనో ఎవరికి తె లుసంట
ఏమౌతుందో అయ్యో పాపం
ఈ జంట
ఏది ఏమైనా హోపే మనకుంటే
ఎంతో హ్యాపీ కాదా ఈ లైఫంతా
ఎయియా ఆ... ఎయిఎయియా (2)
లైఫ్ థ్రిల్ డోంట్ మిస్ మారియా లైఫ్ థ్రిల్ డోంట్ మిస్ మారియా
చరణం : 1
పూచే పూగంధాలు హాయి
ఆనందాలు అన్నీ ఈ లోకంలో లేవా
ప్రేమే నీలో ఉంటే భూమే చుట్ట్టెయ్
గలవు గువ్వై ఆ ఆకాశంలోన
తెలిసిందొకటే మనకీ లైఫ్...
ఏయియే...
కంకం అంటూ వెల్‌కం చెప్పు...
ఏయియే...
ఫలితం ఏమి ఐనా గాని
చేయాలోయ్ ప్రయత్నం
ఫెయిల్యూర్ సక్సెస్ రెండూ కలిసిన
పండేగా ఈ జీవితం॥ఏమౌనో॥
చరణం : 2
ఏదీ కష్టం కాదు ఏమీ నష్టం లేదు
లైఫ్‌నే స్పోర్టివ్‌గా ఫీలైతే
ఎంత ప్రాబ్లమ్ ఐనా ఎంతో సింపుల్
కాదా లైఫ్‌లో ఓ గోల్ నీకుంటే
నలుసే పడితే కళ్లల్లోన... ఏయియే
కళ్లే పీకితే వైద్యం ఔనా... ఏయియే
ఫెయిలై నోళ్లు ఫెయిలైనట్టు
ఫేర్‌వెల్ చెబితే లైఫ్‌కి
అందాల ఈ లోకంలోన
అడ్రస్సుండదు ఎవ్వరికీ
॥ఏమౌనో॥॥థ్రిల్‌॥


Download:
EmO EmounO - ఏమో ఏమౌనో

undilE ma~nchikAlam - ఉందిలే మంచికాలం

undilE ma~nchikAlam - ఉందిలే మంచికాలం

చిత్రం : రాముడు-భీముడు (rAmuDu bheemuDu) (1964)
రచన : శ్రీశ్రీ
సంగీతం : పెండ్యాల నాగేశ్వరరావు
గానం : ఘంటసాల, మాధవపెద్ది సత్యం,పి.సుశీల
15 June - శ్రీశ్రీ వర్ధంతి

పల్లవి :
ఉందిలే మంచికాలం
ముందు ముందునా
అందరూ సుఖపడాలి నందనందనా॥
చరణం : 1
ఎందుకో సందేహమెందుకో
రానున్న విందులో
నీవంతు అందుకో ॥
ఆ రోజూ అదిగో కలదూ నీ ఎదుట...
నీవే రాజువటా ॥
ఏవిటేవిటేవిటీ
మంచికాలమంటున్నావు
ఎలాగుంటుందని విశదంగా చెప్పు
దేశ సంపద పెరిగేరోజు
మనిషి మనిషిగా బ్రతికేరోజు (2)
గాంధి మహాత్ముడు కలగన్న రోజు
నెహ్రూ అమాత్యుడు
నెలకొల్పు రోజు
ఆ రోజెంతో దూరం లేదూ
రండయ్యో
అదిగో చూడు రేపే నేడు చిన్నయ్యో॥రోజెంతో॥
చరణం : 2
భలే భలే బాగా సెప్పావ్
కానీ అందుకు మనమేం చేయాలో అదికూడా నువ్వే చెప్పు
అందరికోసం ఒక్కడు నిలిచి
ఒక్కనికోసం అందరు కలసి (2)
సహకారమే మన వైఖరి ఐతే
ఉపకారమే మన ఊపిరి ఐతే
పేద గొప్పా భేదం పోయీ అందరూ
నీది నాదని వాదం మాని ఉందురూ॥రోజెంతో॥
తీయగా బ్రతుకంతా మారగా
కష్టాలు తీరగా సుఖశాంతులూరగా
ఆకాశ వీధుల ఎదురే లేకుండా
ఎగురును మన జెండా॥

EmiTO idi EmiTO - ఏమిటో ఇది ఏమిటో

EmiTO idi EmiTO - ఏమిటో ఇది ఏమిటో

చిత్రం : భలేరంగడు(bhalE ra~mgaDu) (1969)
రచన : డా॥సి.నారాయణరెడ్డి
సంగీతం : కె.వి.మహదేవన్
గానం : ఘంటసాల, పి.సుశీల

పల్లవి :
ఏమిటో ఇది ఏమిటో
పలుకలేని మౌనగీతి
తెలియరాని అనుభూతి
ఏమిటో ఇది ఏమిటో॥
చరణం : 1
అద్దంలో నా నీడ
ముద్దుముద్దుగా తోచింది
ఆ నీడ నను చూసి
అదోలా నవ్వేసింది
చెప్పకనే చిలిపి పయ్యెద
చప్పున జారిపోయింది
ఒంటరిగా... పడుకుంటే...
ఒంటరిగా పడుకుంటే
కొంటె నిదుర రాన ంటుంది॥
చరణం : 2
చీకటిలో నిదుర రానిచో
చిరుదివ్వెను వెలిగించనా
ఆ చిరువెలుగే పనికిరానిచో
నా కనులే వెలిగించనా
తలపులు దాచిన
నా మనసే తలగడగా అందించినా
కమ్మని కలలే... పండేదాకా...
కమ్మని కలలే పండేదాకా
కథలేవో వినిపించనా॥
చరణం : 3
గుండెలోన వలపు మల్లి
కొత్తరేకులు విరిసింది
కిటికీలోన జాబిల్లి
కటిక నిప్పులు చెరిగింది
విరిసిన వలపే ఘుమఘుమలాడే
తరుణం రానే వస్తుంది
కోరిన ప్రియుడే సందిట వుంటే
గుండె చల్లబడిపోతుంది॥

antaTa nI rUpam - అంతట నీ రూపం

antaTa nI rUpam - అంతట నీ రూపం

చిత్రం : పూజ(Pooja) (1979)
రచన : దాశరథి
సంగీతం : రాజన్-నాగేంద్ర
గానం : ఎస్.పి.బాలసుబ్రహ్మణ్యం

పల్లవి :
అంతట నీ రూపం నన్నే చూడనీ
ఆశలు పండించే నిన్నే చేరనీ
నీ కోసమే... నా జీవితం
నా కోసమే... నీ జీవితం॥ అంతట ॥
చరణం : 1
నీవే లేని వేళ ఈ పూచే పూవులేల
వీచే గాలి వేసే ఈల ఇంక ఏలనే
కోయిల పాటలతో పిలిచే నా చెలి
ఆకుల గలగలలో నడిచే కోమలి॥ అంతట ॥
చరణం : 2
నాలో ఉన్న కలలు
మరి నీలో ఉన్న కలలు
అన్నీ నేడు నిజమౌవేళ రానే వ చ్చెనే
తీయని తేనెలకై తిరిగే తుమ్మెద
నీ చిరునవ్వులకై వెతికే నా ఎద॥ అంతట ॥

malletIga vADipOgA - మల్లెతీగ వాడిపోగా

పల్లవి :
మల్లెతీగ వాడిపోగా
మరల పూలు పూయునా
తీగ తెగిన హృదయవీణ
తిరిగి పాట పాడునా
మనసులోని మమతలన్నీ
మాసిపోయి కుములు వేళ
మిగిలింది ఆవేదన ॥ మల్లెతీగ ॥
చరణం : 1
నిప్పు రగిలి రేగు జ్వాల
నీళ్ల వలన ఆరును
నీళ్లలోనే జ్వాల రేగ
మంట ఎటుల ఆరును(2)॥ మల్లెతీగ ॥
చరణం : 2
కడలిలోన మునుగువేళ
పడవ మనకు తోడురా
పడవ సుడిని మునుగువేళ
ఎవరు మనకు తోడురా (2)
ఆటగాని కోరికేమో
తెలియలేని జీవులం
జీవితాల ఆటలోన
మనమంతా పావులం

peddAyanA peddAyanA - పెద్దాయనా పెద్దాయనా

peddAyanA peddAyanA - పెద్దాయనా పెద్దాయనా

చిత్రం : పెద్దాయన(peddAyana) (2006)
రచన : వెన్నెలకంటి
సంగీతం : రమణీ భరద్వాజ్
గానం : ఆర్.పి.పట్నాయక్

వెర్షన్ - 1
పల్లవి :
పెద్దాయనా పెద్దాయనా...
నువు వెయ్యేళ్లు వర్థిల్లు పెద్దాయనా
పేదోళ్లకు సాయం చేసే
పెన్నిధివయ్యా పెద్దాయన
గుడిలేని దేవుడంటా బంగారుసామి
పుణ్యం చేసుకున్నదయ్యా
నిన్నుగన్న భూమి॥ గుడిలేని ॥
నేల ఎండిపోయి గుండె మండి
పోయి మెతుకే మాకు కరువాయే
చేను బీడువారి మేను మోడువారి
బతుకే మాకు బరువాయే
కూడెట్టి లేనోళ్ల కాపాడు వాడా
మా గుండె గుళ్లోన కొలువైన రేడా॥ పెద్దాయనా ॥
చరణం: 1
ఋషిలాంటి మనిషొచ్చి
మాకు అండగా ఉన్నాడు
కృషి ఉంటే మనకెపుడూ
కరువు రాదులే అన్నాడు
కష్టపడేవారి ఇంట్లో
కలిమి కొలువు కాదా
చెమట చలువ సోకి
నేల సిరుల మొలకనీదా
హస్తవాసి మలుకు
మస్తుగున్నదంటా
మస్తు అన్నమాటే
వస్తు ఉన్నదంటా ॥ పెద్దాయనా ॥
అయ్యగారి కాలు సోకి
బీడు మాగాణైనది
అయ్యాగారి చూపు చూసి
చిగురేసింది
నేడు మన పల్లె మారి
రేపల్లె అయినది
గంగ పొంగి ఊరి దాహం
తీర్చునున్నది
చరణం : 2
చంద్రుడికి మచ్చుంది
మచ్చలేనిది నీ స్నేహం
పువ్వైన వాడుతుంది
వాడిపోనిది మీ బంధం
తెల్లపంచె కట్టే నీకు
మనసు తెల్లనంటా
చల్లనైన ఎదలో పొంగే
ప్రేమ వెల్లువంటా
చెప్పినట్టు చేసే మనిషివంటే నువ్వే
చెక్కు చెదరదంటా
పెదవి మీద నవ్వే ॥ పెద్దాయనా ॥
వెర్షన్ - 2
పెద్దాయనా... పెద్దాయనా...
ఇది స్వార్థపు లోకం పెద్దాయనా
పెద్దాయనా.. పెద్దాయనా...
ఇది చెడు కలికాలం పెద్దాయనా
దానం చేసే ఎముకలేని
చేతకి సంకెళ్లు
పువ్వులాంటి మనసులోన
నాటినయ్యొ ముళ్లు
తనువుకెన్ని గాయాలైన
మాసిపోవునంటా
మనసుకొక్క గాయమైన
మాసిపోదు మంట
మంచితనాన్ని పంచిన చోటే
వంచన రాజ్యం చేస్తోంది
వేల మనసుల్లో వేలుపు దొరను
నేరస్థుడిగా చూస్తోంది
కారుమబ్బు స్యూరుని
దాచిపెట్టగలదా!
కాలుతున్న నిప్పుకు
చేదపట్టగలదా!॥ పెద్దాయనా ॥

adirindi mAvA - అదిరింది మావా

adirindi mAvA - అదిరింది మావా

చిత్రం : జానకి రాముడు(jAnaki rAmuDu) (1988)
రచన : ఆచార్య ఆత్రేయ
సంగీతం : కె.వి.మహదేవన్
గానం : ఎస్.పి.బాలు, పి.సుశీల

పల్లవి :
అదిరింది మావా అదిరిందిరో
ముదిరింది ప్రేమ ముదిరిందిరో
ఉడుకు పుట్టి ఇన్నినాళ్లు
ఉగ్గబట్టి ఉండబట్టి
వయసు పోరు తీరాలిరో
వలపు జోరు తేలాలిరో
అదిరింది పిల్లా అదిరిందిలే
కుదిరింది పెళ్లీ కుదిరిందిలే॥పుట్టి॥
చరణం : 1
ఆకులిస్తా పోకలిస్తా
కొరికిచూడు ఒక్కసారి
ఆశలన్ని వరసపెట్టి
తన్నుకొచ్చి గిల్లుతాయి
బుగ్గమీద పంటిగాటు
పడుతుంది ప్రతిసారి
సిగ్గుచీర తొలగిపోయి
నలుగుతుంది తొలిసారి
మాపటేల మేలుకున్న
కళ్ల ఎరుపు తెల్లవారి
మావ గొప్ప ఊరికంత
చాటుతుంది మరీ మరీ
ఒకసారి కసిపుడితే
మరుసారి మతిచెడితే॥॥
చరణం : 2
పూలపక్క ముళ్లలాగ
మారుతుంది ఎప్పుడంట
పూనుకున్న కౌగిలింత
సడలిపోతే తప్పదంట
మొదటిరేయి పెట్టుబడికి
గిట్టుబాటు ఎప్పుడంట
మూడునాళ్ల ముచ్చటంతా
డస్సిపోతే గిట్టదంట
రేయి రేయి మొదటిరేయి
కావాలంటే ఎట్టాగంట
సూరీడొచ్చి తలపుతడితే
తియ్యకుంటే చాలంట
తొలిరేయి గిలిపుడితే
తుదిరేయి కలబడితే॥॥
External Link:

adirindi mAvA - అదిరింది మావా

O AkAsam ammAyaitE - ఓ... ఆకాశం అమ్మాయైతే

O AkAsam ammAyaitE - ఓ... ఆకాశం అమ్మాయైతే

చిత్రం : గబ్బర్‌సింగ్(gabbar singh) (2012)
రచన : చంద్రబోస్
సంగీతం : దేవిశ్రీ ప్రసాద్
గానం : శంకర్ మహదేవన్, గోపికా పూర్ణిమ

సాకీ :
ఏం చక్కని మందారం
ఇది ఎనిమిది దిక్కుల సిందూరం
ఏం మెత్తని బంగారం
ఇది మనసున రేపెను కంగారం
ఏం కమ్మని కర్పూరం
ఇది కన్నెగ మారిన కాశ్మీరం
ఏం వన్నెల వయ్యారం
ఇక తియ్యని ప్రేమకి తయ్యారం
పల్లవి :
ఓ... ఆకాశం అమ్మాయైతే నీలా ఉంటుందే
నీలా ఉంటుందే
ఓ... ఆనందం అల్లరి చేస్తే నాలా ఉంటుందే
నాలా ఉంటుందే నాలా ఉంటుందే...
వానల్లే నువ్వు జారగా నేలల్లే నేను మారగా
వాగల్లే నువ్వు నేను చేరగా
మది వరదై పొంగి సాగరమౌతుందే
హోలా హోలాహ హోలా హోలాహ
నీ కళ్లలోన చిక్కానే పిల్లా
హోలా హోలాహ హోలా హోలాహ
ఇక చాలా చాలా జరిగే నీవల్ల॥చక్కని॥
చరణం : 1
అల్లేసి నను గిల్లేసి తెగ నవ్వినావే
సుగుణాల రాక్షసి శత్రువంటి ప్రేయసి
పట్టేసి కనికట్టేసి దడ పెంచినావే
దయలేని ఊర్వశీ దేవతంటి రూపసి
గాలుల్లో రాగాలన్నీ నీలో పలికేనే
నిద్దుర పుచ్చేనే
ఓ... లోకంలో అందాలన్నీ
నీలో చేరేనే నిద్దుర లేపేనే
హోలా హోలాహ హోలా హోలాహ
నీ కళ్లలోన చిక్కానే పిల్లా
హోలా హోలాహ హోలా హోలాహ
ఇక చాలా చాలా జరిగే నీవల్ల
ఆనందం ఆనందం ఆనందం అంటే అర్థం
ఈనాడే తెలిసింది కొత్తపదం
ఆనందం ఆనందం నీవల్లే ఇంతానందం
గుండెల్లో కదిలింది పూల రథం
చరణం : 2
వచ్చేసి మది గిచ్చేసి మసి చేసినావే
ఋషిలాంటి నా రుచి మార్చినావే అభిరుచి
సిగ్గేసి చలిమొగ్గేసి ఉసి గొలిపినావే
సరిగమగా పదనిస చేర్చినావే రోదసీ
స్వర్గంలో సౌఖ్యాలన్నీ నీలో పొంగేనే
ప్రాణం పోసేనే
ఓ... నరకంలో నానా హింసలు
నీలో సొగసేనే ప్రాణం పోసేనే
హోలా హోలాహ హోలా హోలాహ
నీ కళ్లలోన చిక్కానే పిల్లా
హోలా హోలాహ హోలా హోలాహ
ఇక చాలా చాలా జరిగే నీవల్ల॥చక్కని॥

nA jeevana jyOtivi - నా జీవనజ్యోతివి

nA jeevana jyOtivi - నా జీవనజ్యోతివి

చిత్రం : రగిలే జ్వాల (ragilE jwAla)(1981)
రచన : వేటూరి
సంగీతం : చక్రవ ర్తి
గానం : ఎస్.పి.బాలు, పి.సుశీల

పల్లవి :
నా జీవనజ్యోతివి నీవే
ఈ కోవెల హారతి నీవే
ఇహమై పరమై వరమై వెలగవే
//నా జీవనజ్యోతివి//
చరణం : 1
ఏ ప్రమిదలోన వెలిగావో
నా బ్రతుకు నీవుగా మిగిలావు
//నా జీవనజ్యోతివి//
ఏ దేవత కడుపున పుట్టావో
నా జన్మకు దీపం పెట్టావో
కదిలే శిలలో మమతే నీవులే
//నా జీవనజ్యోతివి//
చరణం : 2
నా నిదరే దేవుడికిచ్చాను
నా చూపులు కాపుగ చేశాను
ఆ దేవుడు ఇచ్చిన ఆయువునే (2)
నీకోసం ధారగ పోస్తాను
మదిలో మెదిలే బంధం నీదిలే
//నా జీవనజ్యోతివి//
చరణం : 3
నీ హృదయకాంతినే వెలిగించి
నను జ్యోతిగ నీవే చేశావు
//నీ హృదయ//
నీ వెలుగుకు నీడై పయనించి
నీ ప్రేమకు హారతి పడతాను
ఎదిగే రుణమే నిధిగా మిగలనీ
నా జీవనదాతవు నీవే
ఈ భువిలో దేవత నీవే
తల్లి తండ్రి గురువు నీవులే
నా జీవనజ్యోతివి నీవే...
నా జీవనదాతవు నీవే...
External LInk:

nA jeevana jyOtivi - నా జీవనజ్యోతివి

sandamAma navvE - సందమామా నవ్వే

sandamAma navvE - సందమామా నవ్వే

చిత్రం : బిజినెస్‌మేన్(Business man) (2012)
గానం : రంజిత్, రాహుల్,
నవీన్ మాధవ్, అలాప్ రాజు
రచన : భాస్కరభట్ల
సంగీతం : థమన్
05 June - నేడు భాస్కరభట్ల బర్త్‌డే
(BhAskarabhaTla Birthday)

సందమామా
నవ్వే సందమామా
మంచుబొమ్మా
నీ మనసే ఇచ్చుకోమ్మా
సందమామా
నడిచే సందమామా
సత్యభామా
నువ్వుంటే చాలులేమ్మా
హే... కన్నుల్లో దాచానే...
కన్నీరై జారకో... అల్లాడిపోతా...
ఓయమ్మా... నీ కంటిలోన ఏ చెమ్మా
రానీను నమ్మవే గుమ్మా
నీకోసమున్నదీ జన్మ
ఓయమ్మా సందేహమెందుకోయమ్మా
నా గుండెకోసి చూడమ్మా
నీ బొమ్మే ఉంటదోయమ్మా
కన్నుల్లో దాచా...
బుజ్జీ బుట్టబొమ్మా ఊగే పూలకొమ్మా
నన్నే కట్టుకోమ్మా చుట్టూ చుట్టుకోమ్మా
హే... కలలెన్నో కన్నానే...
కూల్చేసీ వెళ్లకో... గుండాగిపోతా...॥

గానం : హరిచరణ్
పల్లవి:
ఆమ్చీ ముంబై అప్నా అడ్డా ఢోల్
ఆగ్ హై హర్ రాస్తే అబ్ ఢోల్
జాన్ పే ఖత్రా హై
అబ్ ఢోల్... ముంబై...
రాత్ భర్ యహా కా
ధందా గోల్
కిస్‌కో హై తప్‌కానా
అబ్ బోల్
హర్ ఘడీ హథ్
కడియోం మే థోల్
ముంబై... ముంబై...
చరణం : రొమ్మే విరిస్తే జీనా హై
తోకే ముడిస్తే మర్‌నా హై
ముంబై... ముంబై...
అన్నీ తెగిస్తే అచ్ఛాై హె
కొంచెం జడిస్తే కచ్చా హై
ముంబై... ముంబై...
ఎవడితో ఎవడికీ
పడదులేరా ఎప్పుడూ
నిలబడీ చల్ కలబడీ
నువు ఏలుకో ఇప్పుడూ
భయపడుతూ వెనకడుగేస్తే
బతుకే ఖేల్‌ఖతమ్ ॥

idi tolipATa - ఇది తొలిపాట ఒక చెలిపాట

చిత్రం: కన్యాకుమారి(kanyAkumAri) (1977)
రచన: వేటూరి
సంగీతం, గానం : ఎస్.పి.బాలసుబ్రహ్మణ్యం
04 June - నేడు ఎస్.పి.బాలు బర్త్‌డే
(S.P.bAlu birthday)

పల్లవి :
ఓహో చెలీ... ఓ నా చెలీ...
ఇది తొలిపాట ఒక చెలిపాట
వినిపించనా ఈ పూట ఆ పాట ॥

చరణం : 1

ఎదుట నీవు ఎదలో నీవు
ఎదిగి ఒదిగి నాతో ఉంటే
మాటలన్నీ పాటలై...
మధువులొలుకు మమతే పాట
నీలినీలి నీ కన్నులలో
నీడలైన నా కవితలలో
నీ చల్లని చరణాలే
నిలుపుకొన్న వలపీ పాట
పరిమళించు ఆ బంధాలే
పరవశించి పాడనా పాడనా... పాడనా...
॥చెలీ॥

చరణం : 2

చీకటిలో వాకిట నిలిచి
దోసిట సిరిమల్లెలు కొలిచి
నిదురకాచి నీకై వేచి
నిలువెల్లా కవితలు చేసి
కదలి కదలి నీవొస్తుంటే
కడలి పొంగులనిపిస్తుంటే
వెన్నెలనై నీలో అలనై నీవెల్లువకే వేణువునై
పొరలి పొంగు నీ అందాలే
పరవశించి పాడనా పాడనా... పాడనా...


Special Note:
పూర్తి పేరు : శ్రీపతి పండితారాధ్యుల బాలసుబ్రహ్మణ్యం
జననం : 4-6-1946
జన్మస్థలం : కోనేటమ్మపేట, నెల్లూరు (ఇప్పుడు తమిళనాడులో కలిసిపోయింది)
తల్లిదండ్రులు : శంకుతల, సాంబమూర్తి
చదువు : సెక్షన్ ఎ అండ్ బి (మధ్యలో ఆపేశారు)
భార్య : సావిత్రి
పిల్లలు : కుమారుడు ఎస్.పి.చరణ్ (నటుడు, గాయకుడు), కుమార్తె పల్లవి

గాయకునిగా తొలిచిత్రం-పాట : శ్రీశ్రీశ్రీమర్యాదరామన్న (1967)-ఏమి ఈ వింత మోహము...(15-12-1966 న రికార్డింగ్ జరిగింది)
పాటలు : 36వేలకు పైగా (దాదాపు 16 భాషలు)

సంగీత దర్శకునిగా తొలిచ్రితం : కన్యాకుమారి (1977)

చిత్రాలు : 60 (తెలుగు, తమిళం, కన్నడం, హిందీ)

నటుడిగా తొలిచిత్రం : మహ్మద్‌బీన్ తుగ్లక్ (1972)

డ బ్బింగ్ ఆర్టిస్ట్‌గా తొలిచిత్రం : మన్మథలీలలు (1976)

నిర్మాతగా : డబ్బింగ్ చిత్రాలు యోధ, భామనే సత్యభామనే, తెనాలి. తమిళంలో హలోబ్రదర్, తెలుగులో శుభసంకల్పం

అవార్డులు-పురస్కారాలు :
1999లో శ్రీ పొట్టిశ్రీరాముల తెలుగు యూనివర్సిటీ నుండి గౌరవ డాక్టరేటు, 2001లో పద్మశ్రీ, 2011లో పద్మభూషణ్. గాయకునిగా తెలుగులో మూడు, తమిళ, కన్నడ, హిందీ భాషలలో ఒక్కొక్క జాతీయ అవార్డు అందుకున్నారు. 25 సార్లు నంది అవార్డులు, తమిళనాడు నుంది కలైమామణి, మైనే ప్యార్ కియా చిత్రానికి ఫిలింఫేర్, సత్యభామ యూనివర్సిటీ, జె.ఎన్.టి.యు. నుండి గౌరవ డాక్టరేటు, ఆంధ్రవిశ్వవిద్యాలయం నుండి కళాప్రపూర్ణ, శ్రీశైల, మంత్రాలయ దేవస్థానాలకు ఆస్థాన విద్వాంసునిగా, మరెన్నో లైఫ్‌టైమ్ అచీవ్‌మెంట్ అవార్డులు, జాతీయ పురస్కారాలు, ఫిలింఫ్యాన్స్ అసోసియేషన్ అవార్డులు, మరెన్నో సంగీత అవార్డులు ఆయనను వరించాయి.

chilakA gOri~mkA kulikE - చిలకా గోరింకా కులికే

chilakA gOri~mkA kulikE - చిలకా గోరింకా కులికే

చిత్రం : చెంచులక్ష్మి(chenchu lakshmi) (1958)
రచన : ఆరుద్ర
సంగీతం : సాలూరు రాజేశ్వరరావు
గానం : ఘంటసాల, జిక్కి
04 June - ఆరుద్ర వర్ధంతి

పల్లవి :
చిలకా గోరింకా కులికే పకాపకా
నేనే చిలకైతే నీవే గోరింకా రావా నావంక
చిలకా గోరింకా కులికే పకాపకా
నీవే చిలకైతే నేనే గోరింకా రావా నావంక
చరణం: 1
చెలియా నేటికి చెలిమి ఫలించెనే
కలలూ కన్నట్టి కలిమి లభించెనే॥
మనసే నిజమాయే తనువులు ఒకటాయే
మదిలో తలంపులే తీరే తీయగా
మారే హాయిగా... ॥
చరణం: 2
కలికీ నీవిలా ఎదుట నిలబడ
పలుకే బంగారం ఒలికే వయ్యారమే॥
ఒకటే సరాగము ఒకటే పరాచికం
కలసి విహారమే చేద్దాం హాయిగా
నీవే నేనుగా...॥

Special Notes:
అసలు పేరు : భాగవతుల సూర్యనారాయణ సదాశివశంకరశాస్త్రి
జననం : 31-8-1925
జన్మస్థలం : విశాఖపట్టణం
తల్లిదండ్రులు : వెంకట జోగమ్మ, నరసింగరావు
చదువు :ఇంటర్ కాలేజ్ ఎడ్యుకేషన్
వివాహం - భార్య : 28-4-1955 కె.రామలక్ష్మి (ప్రముఖ రచయిత్రి)
సంతానం : కుమార్తెలు (వాసంతి, కవిత, కీ.శే.లలిత ముఖర్జీ, త్రివేణి గురుకర్)
తొలిచిత్రం-పాట : బీదలపాట్లు (1950)-ఓ చిలకరాజా నీకు పెళ్లెపుడయ్యా...
ఆఖరిచిత్రం : పెళ్లికొడుకు (1996)
మాటలు అందించిన మొదటిచిత్రం : పరోపకారం (1953)
పాటలు : తెలుగులో నేరుగా 4వేలకు పైగా, డబ్బింగ్ పాటలు 300 పైగా (దాదాపు 400 చిత్రాలకు)
గౌరవపురస్కారాలు : 1985లో శ్రీవెంకటేశ్వర విశ్వవిద్యాలయం నుండి గౌరవ డాక్టరేటు, ఆంధ్ర కళా పరిషత్తు వారి నుండి ‘కళాప్రపూర్ణ’ బిరుదును ప్రదానం చేశాయి.
ఇతరవిషయాలు : ఆరుద్రకు తండ్రి నరసింగరావే తొలి సాహిత్య గురువు. తన 13వ ఏటనే రాసిన తొలి కవిత ‘నా కలలో...’ 1939లో చిత్రగుప్త అనే వారపత్రికలో ప్రచురితమైంది. 1943-49 మధ్య ముంబైలో ‘రాయల్ ఇండియన్ ఎయిర్ ఫోర్స్’లో గుమాస్తాగా, ఆ తర్వాత ‘ఆనందవాణి’ పత్రిక సంపాదకుడిగా, విశాఖలో హార్బర్ గుమాస్తాగా, లైకోగ్రాఫ్ స్టూడియోలో ఫోటో గ్రాఫర్‌గా, ఆ తర్వాత ‘ఢంకా’ పత్రికలో ప్రూఫ్ రీడర్‌గా చేరారు. 1949లో న్యాపతి నారాయణమూర్తిద్వారా మొదటిసారి సినీ రచయితగా ‘సౌదామని (1951)’ చిత్రంతో పరిచయమయ్యారు. 2007లో ఆరుద్ర విగ్రహాన్ని విశాఖ తీరంలో ప్రతిష్టించారు.
మరణం : 04-06-1998

ennO rAtrulostAyi - ఎన్నో రాత్రులొస్తాయి

ennO rAtrulostAyi - ఎన్నో రాత్రులొస్తాయి

చిత్రం : ధర్మక్షేత్రం(dharmakshEtram) (1992)
రచన : వేటూరి, సంగీతం : ఇళయరాజా
గానం : ఎస్.పి.బాలు, చిత్ర
02 June - నేడు ఇళయరాజా బర్త్‌డే

పల్లవి :
ఎన్నో రాత్రులొస్తాయి గానీ
రాదీ వెన్నెలమ్మ
ఎన్నో ముద్దిలిస్తారు గానీ లేదీ వేడి చెమ్మ
అన్నాడే చిన్నోడు అన్నిట్లో ఉన్నోడు ఎన్నో
చరణం : 1
ఎన్ని మోహాలు మోసీ
ఎదలు దాహాలు దాచా
పెదవి కొరికే పెదవి కొరకే... ఓహోహో
నేనిన్ని కాలాలు వేచా ఇన్ని గాలాలు వేశా
మనసు అడిగే మరులు సుడికే... ఓహోహో
మంచం ఒకరితో అలిగిన మౌనం
వలపులే చదివినా
ప్రాయం సొగసులే వెతికినా సాయం
వయసునే అడిగినా ॥
చరణం : 2
గట్టి ఒత్తిళ్లు కోసం గాలి కౌగిళ్లు తెచ్చా
తొడిమ తెరిచే తొనల రుచికే... ఓహోహో
నీ గోటిగిచ్చుళ్ల కోసం మొగ్గ చెక్కిళ్లు ఇచ్చా
చిలిపి పనుల చెలిమి జతకే... ఓహోహో
అంతే ఎరుగనీ అమరిక
ఎంతో మధురమే బడలిక
ఛీ పో బిడియమా సెలవిక
నాకీ పరువమే పరువిక ॥


Special Note:
అసలు పేరు : డేనియల్ రాజయ్య
జననం : 2-6-1943
జన్మస్థలం : మదురైలోని పన్నైపురం గ్రామం
తల్లిదండ్రులు : చిన్నత్తాయమ్మాళ్, రామస్వామి
తోబుట్టువులు : అన్నయ్యలు (పావలర్ వరదరాజన్- రామ స్వామి మొదటి భార్య కొడుకు, డేనియల్ భాస్కర్), తమ్ముడు (గంగై అమరన్)
చదువు : 8వ తరగతి
భార్య : జీవా
పిల్లలు : కుమారులు (కార్తీక్‌రాజా, యువన్‌శంకర్‌రాజా), కుమార్తె (భవతారిణి) ( సంగీత దర్శకులు, గాయకులుగా రాణిస్తున్నారు)
సంగీత గురువు : జి.కె.వెంకటేష్
తొలిచిత్రాలు సంగీత దర్శకునిగా : తమిళం-అన్నకిళి (1976), తెలుగు-భద్రకాళి (1977)
గాయకునిగా : సీతాకోకచిలుకలో ‘అలలు కలలు ఎగసి ఎగసి...’ (తెలుగు)
సంగీత దర్శకునిగా చిత్రాలు : 850 పైగా
నటించిన సినిమాలు : పుదు పుదు అర్తంగళ్ (1989), అళగర్‌మలై (2009)
రాసిన పుస్తకాలు : తుళకడల్, పాల్ నిలాపాదై
అవార్డులు-పురస్కారాలు : గిటార్ సాధనలో ‘ట్రినిటీ మ్యూజిక్ ఆఫ్ లండన్’ వారి నుండి గోల్డ్‌మెడల్, జాతీయ అవార్డులు... తెలుగులో రెండు, తమిళ, మళయాళాలలో ఒక్కక్కటి, అన్నామలై, అరిజోనా వరల్డ్, మదురై కామరాజ్ యూనివర్సిటీల నుండి గౌరవ డాక్టరేట్లు, తెలుగులో మూడు నంది అవార్డులు. పద్మభూషణ్, ఇసై జ్ఞాని... బిరుదులు. మధ్యప్రదేశ్ ప్రభుత్వం నుండి లతా మంగేష్కర్ అవార్డు, కలైమామణి, ఏపీ ప్రభుత్వం నుండి 2008 లో ఎన్‌టీఆర్ జాతీయ అవార్డు, తమిళనాడు ప్రభుత్వం నుండి ఎమ్మెస్ సుబ్బులక్ష్మి పురస్కారం, మరెన్నో సంగీత అవార్డులు అందుకున్నారు.

eeswarA ni~mgi nEla - ఈశ్వరా నింగి నేల

eeswarA ni~mgi nEla - ఈశ్వరా నింగి నేల

చిత్రం : మనసులో మాట(manasulO mATa) (1999)
రచన : వేటూరి
సంగీతం : ఎస్.వి.కృష్ణారెడ్డి
గానం : ఉదిత్ నారాయణ్, బృందం
01 June - నేడు ఎస్.వి.కృష్ణారెడ్డి బర్త్‌డే

పల్లవి :
ఈశ్వరా నింగి నేల హాండ్‌షేక్ చేసిన
ఘనతే నీదిరా
ఈశ్వరా సూర్యచంద్రులనొక్కటి
చేసిన కథయే నీదిరా
తూర్పు పడమర ఫ్రెండ్‌షిప్ చేసిన
ఘటనే నీదిరా
వన్ ఇన్‌టూ ప్రాణేశ్వరా
వన్ ప్లస్ వన్ జీవేశ్వరా
ఆల్ ద బెస్ట్ ఆత్మేశ్వరా
ఆ మాటే ఆశీస్సురా
మండుటెండలు
మల్లెలు చేసిన ఈశ్వరా
ముళ్లు మెత్తని పూలుగ మార్చిన
ఈశ్వరా
జాన్‌దో సహోదరా జగడాలు లేవురా॥
చరణం : 1
కూచిపూడినడగొచ్చులే ఒసిబిస
హాలివుడ్‌లో తీయొచ్చులే లవకుశ
మడోనాకు నేర్పొచ్చులే పదనిస
కొండకేసి లాగొచ్చులే పురికొస
కోకిల పాటల్లో స్నేహమే
కొమ్మకు సన్నాయి
కంటికి రెప్పల్లే కాచిన
స్నేహం మనదోయి
జాన్‌దో సహోదరా జగడాలు లేవురా॥
చరణం : 2
పార్లమెంటునడగొచ్చులే పెళ్లికి
తాజ్‌మహల్‌నడగొచ్చులే విడిదికి
జాక్సనొస్తే అడగొచ్చులే జావళి
బాలమురళినడగొచ్చులే రాప్‌నీ
కురిసిన మబ్బుల్లో స్నేహమే
రంగుల హరివిల్లు
మురిసిన నవ్వుల్లో స్నేహమే
మల్లెలు వెదజల్లు
జాన్‌దో సహోదరా జగడాలు లేవురా॥